ESEKIELI 33:10 - Biblía Axweesantá Hhohho' ar Mungú 2004

¹⁰ «Heewí, múk Israeli kubeeto, kuungá' mas kata', ‹Atén tlakweema nee iringeede taa al'iiloouyé', aga neehuumitaán asma tlakweema. Xáy, adór hotaawo tar kumitaan a adoomá?›

ESEKIELI 33:10 Iomraidhean Croise

2 QOM'I 34:24

AAKOÓ MUNGÚ i kaahi, ‹Qaytsiít, aníng amotlakwe ngi huúw baraá Yerusalemu nee dír múk baraadá' hoót, daanduú axweesanaydá' sleémeero oo lo'o, kudá' taa gooín baraá kitaábuudá' taa soomuús dír waawutmoó Yuda.

ESRA 9:15

Aá AAKOÓ MUNGÚ, Munguú Israeli, kuúng an gan'amuú koón, atén tina meetís, tari kotsqotaán adoorí tay diriaan. Ga/aaweek, atén a dír geeraawók i diriiaán, atén awa tlakuuse, asma heé hariím sihhtanór dír geeraawoge i kaahh as tlakweemaaká'.»

WARA'AMI 130:7

Israeli, kuúng AAKOÓ MUNGÚ na harahhifeek. Asma AAKOÓ MUNGÚ sla'aarír warqawaaká ga kón, nee deelo sleémeero muu gu ba/amisár wa slaa'.

ISAYA 49:14

Ala múk Siyoni ta kaahi, «AAKOÓ MUNGÚ taa geexáy, Aakoorén atén taa gunqaareés.»

ISAYA 51:20

Daaqaywók aa /araarán, naa baraá afaá luhdií huhuaainé' adór saaragtá taa óh nee tsaaxweeli. Buhhtaá AAKOÓ MUNGÚ ngaa slayé', gahhaatár Munguúhúng.

YEREMIA 2:25

Múk Israeli, kuungá' ya/ataahúng hi'iitanoro mindiwa tawo faakiyé', laqaá hheehharók miwa tawo kát! Ala kuúng a kat, «Harahhifo i káhh tam ar niiná, asma munguaá múk hatlá' ina ló'wa slaá', aníng inooín in eehár.»

ESEKIELI 18:19

«Ala hám kuungá' a yaahamisá', ‹Ahaá waáy, gár na/aywí kus sakwasleemuutiiká as tlakweemaá baabuúwós?› Na/aay barnaxes tidá' ganaa' nee hariim gaa tleéhh, inós bar i inkihhimuú kón daber'eé' ngiwa eehari sleémeero, inósuuwí aqo in hoot.

ESEKIELI 24:23

Warqamaá sagerhúng in tsegá' nee ya/atahúng in dahasá'. Kuungá' a tsuunqusa'aaká, laqaá a /a/a'aaká. Slám kuungá' tari hhimaamiá' as tlakweemaahúng, tiri kiloohúng i qununu/á'.

ESEKIELI 37:11

Aluuwo AAKOÓ MUNGÚ iri báy, «Heewí, faduusingá' a múk Israeli sleémeero. Inooín ta kaahi, ‹Faduurén naa kahiyé', harahhifoorén aa fák, atén aga hhaamaán.›

ESEKIELI 4:17

Adoorí an tleéhh as muruú /ayma nee ma'aywo ngiwa dakuusiya', umuú heewo kuqá' gun ga/áy ar gurhaami, tari hhaasumiit niri hhaná' as tlakweemaaín.»

TLAHHOÓ LAÁWI 26:16

daqaní aníng adoorí an tleéhh, nun slaáhh ar nuwa de'ér urií huuw ar gaanslaay, nee tiqtír da/eewe, nee ga/atantá nu ila' taampuupuuw, nuri naduduúr. Dahaasingwhúng un dahaasiindá' ala u gár wa sleera'aaká, asma wakuuserhúng gun /ák.

TLAHHOÓ LAÁWI 26:39

Barnaxes bartaka aa mét baraá yaamaá wakuuserhúng, nin naduumitiyá' nee niri faakiyá' as tlakweemaaín nee as tlakweemaá baabi'ii'ín.