ESEKIELI 32:9 - Biblía Axweesantá Hhohho' ar Mungú 2004

⁹ «Munér múk yaariír i slahhá' qoomár bar kaa axaás kuúng taa suqúy, qoomár bura lawaalmo tleéhh baraá xoordaá hatlá', yaamaá kuúng ta xu'ká.

ESEKIELI 32:9 Iomraidhean Croise

TI'INAANGW 15:14

Xoordu ngiwa axaasiyé' inooín niri daaraxiyé'. Kudá' baraá yaamaá Filistír wa hootá' naa daandeemo feehhamiitiyé'.

ESEKIELI 27:29

«Qoomaarihe mukdaádá' miringér madiít sleémeero miringer'ín kari geexáy. Mukdaádá' baraá ma'áy wa gadiyuús nee geeraharuuseedár miringe tari iwtanángw áy dír afaá tlawi.

ESEKIELI 28:19

Kudá' sleémeero u xuá', daér yaariir gaa eér as kuúng. Alhhe'eesoó tlaákw ugwa eér, nee a male slafíngw i ki/iká tam ay alhhe'eesay wasle.»

ESEKIELI 29:12

Baraá tla/ángw gixsaduudá' sleémeero ta hhaamisi gixsadaá yaamaá Misri i tawo tleéhh afiqoomár kureeri mibeeri tsiyahhe. Múk yaamaá Misri un diyaá/ baraá xoordaá hatlá', nee nguri tsaafiís baraá yaamaá hatlá'.

ESEKIELI 30:23

Múk Misri u diyaá/ baraá xoordu sleémeero, nee ngiri tsiyayaáx baraá hhapeemaá hatlá'.

ESEKIELI 30:26

Aníng múk Misri un diyaá/ baraá tla/ángw xoordaá hatlá' nee ngiri tsiyayaáx baraá ayeemaá hatlá'. Daqaní ngi tsaahhiyá' adór aníng tar AAKOÓ MUNGÚ.»

ESEKIELI 30:9

«Baalaadae ya/abuuse a ya/aáw ar múk Kushi gu naxwtá aw, kudá' ti xuá' iwa baraá wayda. Inooín gurhaamír ur giri eér bál Misri bara hhaamiís. Ar ló' deelo ni hi'ít.

Geehhoeemaá 11:18

Múk xoordu ina buúhh. Ala xarasleemaawók naa hardihiyé'. Nee slám qooma naa hardát ar múk aa qaatl kuwa sakwasleemuuti. Nee slám qooma naa hardát ar sagadiyuuseerók tidár aaruuse kawa bu'utuuínií haniisi, nee mukók kudá' hhohhó', tam mukdá' sleémeero kuúng u ilaiwawaá/, múk urén nee na/iiwo. Nee slám qooma naa hardát ar mukdá' yaamu gi hhititiím kuwa hhitin.»