ESEKIELI 32:4 - Biblía Axweesantá Hhohho' ar Mungú 2004

⁴ Aníng kuúng un kwaáhh uri slaahh ar yaamu uri slaáhh ar tseetsee/amtá /awaak. Tsir/ór doori ngiri iwitiís gawaá daanduuwók. Nee makaá sla/a sleémeero ngiri aaxiís ar fu'unaywók.

ESEKIELI 32:4 Iomraidhean Croise

WARA'AMI 63:10

Kin tsuu/ ar paánga, tari muruú /aymár intsaawe.

WARA'AMI 74:14

Kuúng sagér Lewiatani ana naasuúr, as tawa muruú /aymár múk baraá xaanxaay.

ISAYA 14:19

Ala kuúng tun amór saáwí kwaahh, dír /aantaarók tidár baraá tlaa/aro, adór na/oó taa guruú wa kwaáhh oo ta slaiiká, tuuaarók kan uuntsuus ar tuaá múk ta tsu/aa/iín ar paangadu, kudá' ta /aytisi baraá bohóngw tlaa/e, tuuaarók tari slaqás nee tuuár taa kal/aa/án ar ya'a'.

ISAYA 18:6

Inooín sleémeero kin geexáy tawa muruú /aymár gwaresuú gawaá tlom'i nee muruú /aymár makaá baraá yaamu. Inooín gwares gin /aay qoomár qu'uuwo, kiri /aay nee makaá baraá yaamu qoomár tsaaqutmoowo.»

ISAYA 66:24

Aluuwo inooín tari tláy tuaá mukdá' aníng iga aahh ngiri xuxu'úngw ayá', asma naanagadá' tu'uudá' /aay i baloó qatlká, tam asltidá' gi /aay i baloó gwa'ká, inooín tari gár ta aahhi nee muu sleémeero.»

YEREMIA 25:33

Baalaadae awa ta tsu/i nee AAKOÓ MUNGÚ i qaatiyá' bihhaá wák awa yaamu ay bihhiiqá'. Ki sa tsuunqumisiiká, sleeme ki burumburiiká, laqaá ki foliitiiká, aqo nin meetiyá' gawaá daanduú yaamu adór tsuunkoó hikwa.

YEREMIA 8:2

Fadu kiri intlah dír tsee/amá nee slahhaangw nee tsatse/uú gawaá doori, dír muruudá' aáng inooín naa slaiyé' nee naa sagadiyusiyé', nee kudá' naa eehariyé' nee ngina hara'ayaárí lehhiitiyé', nee ngiri sluufmisiyé'. Faduuká' ki burumburiiká laqaá ki fooliiká', aqo nin meetiyá' gawaá daanduú yaamu adór tsuunkáy.

ESEKIELI 29:5

Aníng kuúng uri kwaáhh baraá xaanxaay, kuúng nee siyó sleémeero kudá' baraá yaaeerók tidá' Nilirií dirií', slaqwtók kari kwaahh baraá xatsa, heé ga foól i kaahh. Aníng slaqwtók aga haniís as tawa muruú /aymár makaá xaraaslá' nee oo tsir/ór gawaá doori.

ESEKIELI 35:8

Tlom'iiwók i hatsiís tuaá múk taa tsu/i, nee baraá gongoamawoge nee tlapu mukdá' sleémeero taa tsuú/ wa/angwdá' guri dalaa/.

Yoeli 3:19

«Misri iri taangu tleehhít, nee Edomu tari xaanxaay, asma /aytadá' taa múk Yuda i tleéhh, asma tseerdaá múk dakuús wásl ngina baraá yaamuuíní ku'uusiyé'.