ESEKIELI 32:27 - Biblía Axweesantá Hhohho' ar Mungú 2004

²⁷ Mukwí kwa dinkwaárií fooliiká nee pihhuuseedár aáng, tidá' aa baraá gi'ií /et nee xooslar'ín ar slaqwaraaro, paangaduuín nga sager'ín i qaasiyé', nee gaambuín i gawaá slaqooín. Pihhuuseerí qoomár iwa slaf muu nguna daandeemo feehhamiisiyé'.

ESEKIELI 32:27 Iomraidhean Croise

YOBU 20:11

/Uuruudá' sleémeero i kon tawa masoomo, gun ar qaat baraá hhape qoomár bira gwaá'.

WARA'AMI 109:18

Dirose lo'o a adór tlawú tsitaay, ala lo'o ngu i dat adór ma'aá wahángw wa ale, i dat baraá waeemaá faduuwós adór di/tá wa ale.

WARA'AMI 49:14

Inooín kaa amohhe'eés adór bee/aangw, kiwa /aytisi ay baraá gi'i. Gwa'ara tari de'eemusmooín. Tari /eet baraá /aantí ale, gari qomtír wa ar tseewa alé. Slaqooín niri tsatitiyé' baraá /aantí ale, hotangw'ín tay baraá gi'i.

WARA'AMI 92:7

Tam múk hota ganaa'aaká ni harma/i adór gitsór wa ale, nee kudá' sleémeero muruú tlákw tlehhiitá' birna slu/ubibiné', ala ki qwaarees ay alhhe'eesay wasle.

WARA'AMI 92:9

AAKOÓ MUNGÚ, wakuuseerók tí i qwat, tam kudá' sleémeero muruú tlákw tlehhahhiitá' i diyayá/.

AXWEESANOÓ SAGALOOA 14:32

Múk tlákw kun qwaarees ar tlehhmi'ii'ín kudá' tlakw. Ala heé hota ganaá' dír amohhoo' ga kón baraá gwa'ararose.

ISAYA 14:16

Kudá' sleémeero kiíng iga ariye' tin ilií duxún, in aldakwiyá' tari ooi, ‹Heewí an kudá' yaamu gaa daaraxaási? Kwí an kudá' waawuti'iima gaa diingiísí.

ISAYA 54:17

Xooslár slaqwara tidá' taa tleéhh as tawa slaqwi nee kuungá', kuungá' adór nu /is i káhh. Heé bura sakwasleemuút doó kwasleemaro, kuungá' an baaliindá'. Gaarí an gadaádá' sagadiyuuser'eé' i sleer, an hariímár naa dír'ín i haniís Anuú AAKOÓ MUNGÚ tí ngina oó'.»

ESEKIELI 18:20

Heé tlakweema gaa tleehh an heé gwaá'. Na/aay tlakweemaá baabuúwós ngu gaasiaaká, laqaá baabá tlakweemaá na/aywós ngu gaasiaaká. Gan'amuú heé ganaá', heé i gaa wa bui aqo har inósuú kilá'. Heé tlaákw aqo inósuú kilá', inós tlakweemaawós gin gagaar.

ESEKIELI 26:17

Inooín tiri satsuunqumiis ar afór ur, tari ooi, ‹Kiíng gixsár iia tleer taa hhaamiís, taa amór tlawtá wa kwaáhh! Kiíng nee yaamuloouuseerók /uuru una laqaandé' daanduú tlawto, tidá' taa da'ayumiít nee múk yaamaá kaahaar sleémeero.

ESEKIELI 32:21

Geeraharuuseedá' uren nee múk alee/isay'ín kudá' baraá gi'ií dirií' tari oó', ‹Múk Misri aa /eét ay baraá gi'i, kaa haragaás dinkwa nee mukdá' taa hheehhe'eemisiiká, kudá' taa tsuú/ baraá slaqwarár wa alé.›

ESEKIELI 32:28

«Gawaá adoorihe, kuungá' múk Misri tundu hhaamiis nee tunduri haragaas dinkwa nee mukdá' taa hheehhe'eesiiká, kudá' taa tsuú/ baraá slaqwarár wa alé.

Yohana 8:24

Gaarí an gár kuungá' án nusa báw, ‹Kuungá' a qatlá' baraá tlakweemaahúng. Asma kuungá' barnaxes aníng iga haratlinti'ii'iiká adór aníng tar kudá', daqaní kuungá' aqo qatlá' baraá tlakweemaahúng.› »

2 korinto 10:4

Xooslaadár slaqwara ar atén tar slaqwaan a tidár múk baraakaá yaamuuwooká, ala a xooslaadár slaqwara ar Mungú, tidár /uuruú koom. Xooslaarí an tidá' koo/ír gawit kar fee/aan. Gár atén ta fee/itaan a axweesanayduú lama, kudá' Munguú tlaampa'aamiís.