ESEKIELI 32:24 - Biblía Axweesantá Hhohho' ar Mungú 2004

²⁴ «Waawutmoó Elamu sleeme i baraadá', kwaa harweér nee /aantaá slaqwaruuseerós tidá' taa tsuú/ baraá slaqwarár wa ale. Kudá' sleémeero taa hheehhe'eesiiká nina /eetiyé' baraá gi'ií alé. Qoomár iwa slafiya' muu nguna daandeemo feehhamiisiyé'. Ala hám daxta ta murer'ín loohiis dinkwa nee mukdá' /e/etiím baraá bohóngw gi'i.

ESEKIELI 32:24 Iomraidhean Croise

IIMU/UUNGW 10:22

Daaqoó Shemu a Elamu, nee Ashuru, nee Arpakshadi, nee Ludi nee Aramu.

IIMU/UUNGW 14:1

Qoomár Amrafeli tawa waawutmoó yaamaá Shinari, nee Arioki tawa waawutmoó yaamaá Elasari, nee Kedorlaomeri tawa waawutmoó yaamaá Elamu, nee Tidali tawa waawutmoó yaamaá Goi'imu,

1 QOM'I 1:17

Daaqoó Shemu aa laqwaál a kwí: Elamu, nee Ashuri, nee Arpakshadi, nee Ludi, nee Aramu, nee Usi, nee Huli, nee Geteri nee Mesheki.

YOBU 28:13

Sagalooa adór kar afhhamít hee ga xuiiká, sleeme baraá yaamaá múk slafa a aandaaká.

WARA'AMI 142:5

AAKOÓ MUNGÚ, án kuúng u ateetiím, kuúng an dír guway'eé' ar saxmaar. Kuúng una gurií baá/ ta umuú gaaro baraá slafingw'eene.

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 38:11

Ana oó', Aníng AAKOÓ MUNGÚ u sangw baloó araaká, baraá yaamaá múk slafa tam heé ni ar inqo kaahh, baraá tla/ángw yaamuloouusér daanduú yaamuwo.

YEREMIA 11:19

Ala aníng an adór deelmoó bee/i kudá' tsatsa'aár oo ta gaasár ay. Aga xuiiká adór aníng tir gaasár wa slaá', tawa kaahi, «Xa'anoowí u hhitiimaán dinkwa nee mamuuwose. Un amór saáwií kwahhaán baraakaá yaamaá múk slafa. Umuuwós mukuwa baloó insláy malé alé.»

YEREMIA 25:25

Waawitá sleémeero oo Simri, nee oo Elamu nee Media.

ESEKIELI 16:52

Kiíng murér tlakweemaawók an kilók gagát. Tlakweemaawók ki ak ló'wa tlaakw ta awa hhaeewók awa dasuuwo, sleeme an lak ooaan kwaáo hhaeewók awa dasu tlakweemaá ta kon i kahhiyá', nee laqaá tam dakuúsar'ín, bar an kiíng ar qoomeesaán. Gimáy daxta, muruút nee waaqa'amawók ooheek, asma adoorihe gár i laqaqaan a hhaeewók kwisíng in tlakweemaá kon'aaká.»

ESEKIELI 16:54

Asma kahhó' mure kawa aan nee alsi'imu kuwa gagat, mureerók kawa gagat nee kawa aan, asma muruudá' sleémeero taa tlehhaahhít, gawaá tí sleémeero hhaeewók awa dasu tiri ariyá' adór inooín tar lak tsiní ta kiinge.

ESEKIELI 26:20

Aníng kiíng in /aytiís baraá bohoongw as iwa haragaas amór mukdá' baraadá' i dirií', kuduú aáng. Tari baraadá' wa hót ay alhhe'eesáy wasle, múk baraawók i hotaá áw i kaahh, nee pa/aangw u sleeraaká baraá yaamaá múk slafa.

ESEKIELI 31:14

Adoorí ina tleehharút asma xaai sleémeero kudaá dír ma'aay mindiwa tlenaanuyé' ay gawaá doori. Xa'anoó hatlá' oo taa eemiís tlenaango adór kwí mingiwa malé áy. Asma umuú gaa alhhe'eesaywós a gwa'ara, tam muu sleeme a adoorí, sleémeero ta /eet baraá gi'i.›

ESEKIELI 31:18

«Hhohhoaarír xa'anoowí nee uraywós xa'anoó kur alqoomeesi i kaahh baraá asalmoó Edeniro. Hám daxta, xa'anoowí a kuúng waawutmo Farao. Kuúng tu yaamií kwaahh baraá gi'i dinkwa nee xaai sleémeero awa Edeni. Kuúng tari qát dinkwa nee mukdá' Munguú xuaaká, nee tari haraagwá' nee kudá' taa tsuú/ ar paánga. Adoorí an adór kuúng tay diri', aá Faráo, kuúng nee mukók. Anuú Aakoó MUNGÚ tí aga oó'.»

ESEKIELI 32:18

«Heewí, tsuunqumiís as mukwí yaariír oo yaamaá Misri. Mukwí huweek amór xoordaá aleesleemuú koomá', ta al/ee/etin nee kudaá baraá giaá kawá'.

ESEKIELI 32:19

Inooín ki beer, ‹Xáy, kuungá' hhohhoarto muu unqo ba/á'a? Tlawsé' baraá gi'i! Tundu haragaasi dinkwa nee mukdaádá' taa hheehhe'eesiiká.›

ESEKIELI 32:21

Geeraharuuseedá' uren nee múk alee/isay'ín kudá' baraá gi'ií dirií' tari oó', ‹Múk Misri aa /eét ay baraá gi'i, kaa haragaás dinkwa nee mukdá' taa hheehhe'eemisiiká, kudá' taa tsuú/ baraá slaqwarár wa alé.›

ESEKIELI 32:25

Waawutmoó Elamu kwaa qaás dinkwa nee slaqwaruuseerós tidá' taa tsuú/ baraá slaqwarár wa alé. Inós kwaa harweér nee /aantaá slaqwaruuseerós tidá' taa tsuú/ baraá slaqwarár wa alé, nee kudá' sleémeero taa hheehhe'eesiiká. Qoomár iwa slafiya' muu nguna daandeemo feehhamiisiyé', nee hám daxta ta diirí, ki mureekeemiis dinkwa nee mukdá' taa tsuú/ baraá slaqwarár wa alé.

ESEKIELI 32:30

«Waawitá sleémeero oo xoordaá bihhaá /iya sleeme ta baraadií dirii', tam sleeme múk Sidoni ta aldinkwa nee múk baraá gi'i. Qoomár tawa slafi, muu nguna daandeemo feehhamiisiyé' ar /uuruuín, ala hamí daxta mukdá' taa hheehhe'eemisiiká kaa yaamií qaás ar mure, dinkwa nee kudá' taa tsuú/ baraá slaqwarár wa alé. Inooín ta aldinku'umiis nee mukdá' aa /eet baraá gi'ií alé.

ESEKIELI 34:29

Aníng in qamaá xawuú koomá' i sláw as qwari mingiwa hhaamiís baraá yaamuwo, laqaá mikiwa malé waaqaá' nee xoordaá hatlá'.

ESEKIELI 36:15

Aníng xoordaá hatlá' i malé pa/aángwí hanisaaká oo kuungá' nuwa /oosliislina'. Nee sleeme xoororhúng i malé dakuuská.› Anuú Aakoó MUNGÚ tí aga oó'.»

ESEKIELI 39:26

Qoomár barta hoot ar wayda baraá yaamuuine, qoomár bar gár gi dae tlaaq i káhh, alsi'imuuín kudá' naa tleehhiyé' ngun gunqaresiyá'.

ESEKIELI 44:13

Inooín i male i tseewuy'aaká as iwa sagadiyusiya' adór kaahamuuse, laqaá xooslar'eé' tidá' hhohho' ngi malé kwatimitiaaká, laqaá tidá' ak ló'wa hhohho'. Ala inooín ki mureekees nee tlehhmi'ii'ín kudá' slasla/aren naa tlehhiitiyé'.

DANIELI 8:2

Baraá iigu'utuuwihe naxés aníng a dír Susa, gixsár ur ar ayaá Elamu. Aníng aga sihhiít dír yaaér Ulai.

HABAKUKI 2:16

Gár tawa háts a mureekesaay ta xirfuuwo, kuúnguú kilá' na waheek daqaní ta ta/amít, kuúng tari adór heé ta hheehhe'eesiiká. AAKOÓ MUNGÚ kuúng u wahaas ar aleesleemuuwós, mureekesoó yaariír u dabár ót ta xirfuuwo.

Matayo 11:23

Nee kiíng gixsár Kapernaumu, xáy, ti tsa/aási ay gawaá doori? Aasla'áy, tin /aytiis ay baraá gi'i. Asma muruú waa/oo/amo oo aa tleehharuut diroge, geera dír iwa tleehharuút bar an baraá Sodoma, geera Sodoma i deer ay laarí.