ESEKIELI 32:23 - Biblía Axweesantá Hhohho' ar Mungú 2004

²³ /Aantuuín kaa baráy foola hhe'eés baraá bohongwduú gi'iwo. /Aantaá slaqwaruuseerós tidá' sleémeero taa tsuú/ baraá slaqwarár wa ale, inós ngwaa harweeriyé'. Qoomár inooín iwa slafiya', muu nguna daandeemo feehhamiisiyé'.

ESEKIELI 32:23 Iomraidhean Croise

YOBU 28:13

Sagalooa adór kar afhhamít hee ga xuiiká, sleeme baraá yaamaá múk slafa a aandaaká.

WARA'AMI 116:9

Daxta an hoót ar adoodá' AAKOÓ MUNGÚ i slai, baraá yaamaá múk slaáf wa ale.

WARA'AMI 142:5

AAKOÓ MUNGÚ, án kuúng u ateetiím, kuúng an dír guway'eé' ar saxmaar. Kuúng una gurií baá/ ta umuú gaaro baraá slafingw'eene.

WARA'AMI 27:13

Aníng a haratlintatií' niwa hoot ay dír hhooeemaá AAKOÓ MUNGÚ ngay ar baraá yaamaá múk slafa.

ISAYA 14:17

Kudá' yaamu ga xaanxaay tleéhhi? Kwí an kudá' gixsadaá baraá yaamu gaa hhaamísi? Aa kudá' mukdá' taa tsegiít gwa sí'i' gweermooro?›

ISAYA 38:11

Ana oó', Aníng AAKOÓ MUNGÚ u sangw baloó araaká, baraá yaamaá múk slafa tam heé ni ar inqo kaahh, baraá tla/ángw yaamuloouusér daanduú yaamuwo.

YEREMIA 11:19

Ala aníng an adór deelmoó bee/i kudá' tsatsa'aár oo ta gaasár ay. Aga xuiiká adór aníng tir gaasár wa slaá', tawa kaahi, «Xa'anoowí u hhitiimaán dinkwa nee mamuuwose. Un amór saáwií kwahhaán baraakaá yaamaá múk slafa. Umuuwós mukuwa baloó insláy malé alé.»

ESEKIELI 26:17

Inooín tiri satsuunqumiis ar afór ur, tari ooi, ‹Kiíng gixsár iia tleer taa hhaamiís, taa amór tlawtá wa kwaáhh! Kiíng nee yaamuloouuseerók /uuru una laqaandé' daanduú tlawto, tidá' taa da'ayumiít nee múk yaamaá kaahaar sleémeero.

ESEKIELI 26:20

Aníng kiíng in /aytiís baraá bohoongw as iwa haragaas amór mukdá' baraadá' i dirií', kuduú aáng. Tari baraadá' wa hót ay alhhe'eesáy wasle, múk baraawók i hotaá áw i kaahh, nee pa/aangw u sleeraaká baraá yaamaá múk slafa.

ESEKIELI 32:32

«Aníng waawutmo Farao una pa/ángwií haniís as múk slaáf oo baraá yaamu nguwa daandeemo feehhamiisi, ala hamí daxta inósuú kilá' dinkwa nee slaqwaruuseero sleémeero kin tsuu/ baraá slaqwarár wa alé, nee kiri qaas dinkwa nee mukdá' taa hhehhe'eesiiká, kudá' taa tsuú/ baraá slaqwarár wa alé. Anuú Aakoó MUNGÚ tí aga oó'.»

NAHUMU 1:14

AAKOÓ MUNGÚ hara'aya ngaa oó' daanduwoge, i kaahi, «Hee tumu wák oo tlahhaywók gu doók u sleeraaká. Murslaaqatuuwók kudá' taa tléhh, nee kudá' taa weeqatís, in naasúw baraá doó Munguúwók wa alé. /Antaarók an foól asma kuúng tu tlaákw.»