ESEKIELI 32:18 - Biblía Axweesantá Hhohho' ar Mungú 2004

¹⁸ «Heewí, tsuunqumiís as mukwí yaariír oo yaamaá Misri. Mukwí huweek amór xoordaá aleesleemuú koomá', ta al/ee/etin nee kudaá baraá giaá kawá'.

ESEKIELI 32:18 Iomraidhean Croise

WARA'AMI 30:9

Án bara gwaá' kuúng gár ta sleer a milá? Án bara /eét baraá gi'i kuúng gár ta sleer a milá? Gi'i kuúng u sluufmisiía? Gi'i inkihhimuuwók ngu alki/iitiía?

WARA'AMI 63:9

Ala kudá' slafingw'eé' leelehhiitá' as nguwa hhitina', ni daraahiye' ay baraá gi'i.

ISAYA 14:15

Ala kiíng taa gáwtá wa /arara'aás ay baraá gi'i, taa /aytiís ay baraá gwe'eedaá bohoongw.

ISAYA 16:9

Gawaá adoorihe, aníng a /aa/amiím dinkwa nee Yaseri as sabiíbuú Sibma, aga hhuuntsuumiít /aa/eewo as kuungá' kuungásingá gixsadaá Heshboni nee Eleale, ururu'umisuduú qoomár fiiqit aa faák.

YEREMIA 1:10

Qaytsiít, laarí aleesleemu ngwa haniís daanduú xoorduwo nee waawuti'iimaro as kiwa tu/uun nee kiwa giqeer, aleesleemuú kiwa hhitiin nee kiwa qwaares, nee aleesleemuú kiwa tlehh nee kiwa sihhtis.»

ESEKIELI 26:20

Aníng kiíng in /aytiís baraá bohoongw as iwa haragaas amór mukdá' baraadá' i dirií', kuduú aáng. Tari baraadá' wa hót ay alhhe'eesáy wasle, múk baraawók i hotaá áw i kaahh, nee pa/aangw u sleeraaká baraá yaamaá múk slafa.

ESEKIELI 31:14

Adoorí ina tleehharút asma xaai sleémeero kudaá dír ma'aay mindiwa tlenaanuyé' ay gawaá doori. Xa'anoó hatlá' oo taa eemiís tlenaango adór kwí mingiwa malé áy. Asma umuú gaa alhhe'eesaywós a gwa'ara, tam muu sleeme a adoorí, sleémeero ta /eet baraá gi'i.›

ESEKIELI 31:16

Xoordu ina daaraxaás ar afór huu'umaawós, qoomár ngiwa yaamií daáhh baraá gi'i, dinkwa nee kudá' /e/etimá' baraá bohoongw, nee xaai sleémeero awa Edeni, xaa'aá hhohho' awa dimbé baraá Lebanoniro, kudá' taa eemiís ar ma'aay, kina gurkwa/amís baraadaá gi'iiwo.

ESEKIELI 32:12

Múk pihhuuse mukók oo yaariír gu tsuu/. Mukdá' ló'wa xaraásl ta xoordaá hatlá' ba/a. Sagagawduú múk Misri ku hhaamiis, nee mukók sleémeero kuri tsuu/.

ESEKIELI 32:16

Gaarí an tsuunqumisuudá' oo /ameenár xoordaá hatlá' iri tsuunqumiis daanduú yaamaá Misriro nee mukós sleémeero. Anuú Aakoó MUNGÚ tí aga oó'.»

ESEKIELI 32:2

«Heewí, tsuunqumiís as waawutmo Farao oo yaamaá Misri, ku beer, ‹Kuúng Farao, tiwa xu' a diraangw baraá tla/ángw xoorduuwo. Ala kuúng a adór dayshamoó úr oo baraá tlawi. An /uurúr ti'imít baraá yauwo, ma'aá baraá yau in /eeragaamís ar ya'aawók, nee yau in xwarangwxwariín.›

ESEKIELI 32:21

Geeraharuuseedá' uren nee múk alee/isay'ín kudá' baraá gi'ií dirií' tari oó', ‹Múk Misri aa /eét ay baraá gi'i, kaa haragaás dinkwa nee mukdá' taa hheehhe'eemisiiká, kudá' taa tsuú/ baraá slaqwarár wa alé.›

ESEKIELI 43:3

Iigu'utuuwí a adór iigu'utudá' naa ár qoomár Mungú gixsár Yerusalemu ngiwa hhaamiisár áy. Nee sleeme a slaqmís nee iigu'utuudá' naa ár bihhaá yaaér Kebarír wa alé. Tidá' niwa huú' niri gurúr qaát yaamií ale.

HOSEA 6:5

Gawaá adoorihe án kuungá' naa tlaáq ar afér aaruuse, nuna tsuú/ ar axweesantá afkueé', sakwasleemar'eé' i gaansliín adór gwa/aateema.

MIKA 1:8

Gawaá adoorihe aníng a tsuunqumiís niri /aa/amiím as kaangwí, tsitay'eé' un duúx niri hi'iimiít ar /aankwets, niri tsuunqumiís adór iintsaawér wa alé, nee niri /aa/amiím adór sakwel.

Matayo 11:23

Nee kiíng gixsár Kapernaumu, xáy, ti tsa/aási ay gawaá doori? Aasla'áy, tin /aytiis ay baraá gi'i. Asma muruú waa/oo/amo oo aa tleehharuut diroge, geera dír iwa tleehharuút bar an baraá Sodoma, geera Sodoma i deer ay laarí.

Luka 19:41

Yesu qoomár iwa tseewúy, gixsadá' gana ár, iri /aá/ as gixsadá',

Rumi 12:15

Qwalala/é' dinkwa nee mukdá' qwalalaá/. /Aa/amiimé' dinkwa nee mukdá' /aa/amiím.