ESEKIELI 32:12 - Biblía Axweesantá Hhohho' ar Mungú 2004

¹² Múk pihhuuse mukók oo yaariír gu tsuu/. Mukdá' ló'wa xaraásl ta xoordaá hatlá' ba/a. Sagagawduú múk Misri ku hhaamiis, nee mukók sleémeero kuri tsuu/.

ESEKIELI 32:12 Iomraidhean Croise

YEREMIA 46:12

Xoordu alsi'iimuuhúng ngwa axaasiyé', /aa/eehúng daanduú yaamu ngwa tsataatiyé', asma migusmo migusmoó hatlá' guri sadukuúts, tsaraawo tari alhuhu'ún.

ESEKIELI 28:19

Kudá' sleémeero u xuá', daér yaariir gaa eér as kuúng. Alhhe'eesoó tlaákw ugwa eér, nee a male slafíngw i ki/iká tam ay alhhe'eesay wasle.»

ESEKIELI 28:7

gawaá adoorihe, ga/aaweek, aníng dahaaye ngi amoorók i tleés, xoorór ló'wa xaraasl baraá xoorduuwo. Inooín sagalooarók tidá' ló'wa qoom ka suwatsaat ar paánga, nee hhohhoaarirók kari slasla/arees.

ESEKIELI 29:19

Gawaá adoorihe Anuú Aakoó MUNGÚ a kah, Waawutmo Nebukadnesa oo Babuloni u yaamaá Misrír i haniís. Daqaari'iimarós sleémeero gari ar tláy, gari slaqwaruuseerós ar buu'.

ESEKIELI 30:11

Nebukadnesa inosuú kilá' dinkwa nee mukós a xoordaá xaraaslá' ta ak xoordaá hatlá' sleémeerowo. Kingi ya/aaw as yaamaá Misri kiwa hhaamisi. Paangaduuín ngi taataahhiyá' as yaamaá Misri, nee yaamaá Misri ngiri hatsiisiyá' tu'uwo.

ESEKIELI 31:11

Aníng a haniís gawaá dabaá geeraharusmoó xoordu. Inós ga sakwasleemuut, ngiri amór saáw i kwaáhh har qoomoó tlakweemaawós.

ESEKIELI 31:12

Múk xoordu oo ló'wa xaraásl sahhtidá' ngi tsatiyá', nee ngiri yaamií kwahhiyá', nee kari geexáy. Haleemoowós niri yaamií huuhu'uná' gawaá tlom'ií alé nee baraá xatso, nee baraá mapeeraá ma'aay nee yaamu ngiri dalaa/iyá' sleémeero. Muu sleémeero didár mahhtirós ngiri geexayá' nee ngiri mayá'.

ESEKIELI 32:18

«Heewí, tsuunqumiís as mukwí yaariír oo yaamaá Misri. Mukwí huweek amór xoordaá aleesleemuú koomá', ta al/ee/etin nee kudaá baraá giaá kawá'.