ESEKIELI 30:6 - Biblía Axweesantá Hhohho' ar Mungú 2004

⁶ «Anuú AAKOÓ MUNGÚ a kah, mukdá' nee múk Misri ti dabe ohiimá' ki hhaamiis, slaqwaruuseedá' pihh'uumár koom sleémeero ka hhaamiis. Iimír Migdoli ay Siyene muu ku tsuú/ baraá slaqwara. Anuú Aakoó MUNGÚ tí aga oó'.

ESEKIELI 30:6 Iomraidhean Croise

YOBU 9:13

Mungú bira buúhh ti il/aa/anká, makiito'oodár baraá ma'aay ta bay Rahabu nee alee/isuuseerose aqo nin dír geeraawósí xupuuiyá'.

ISAYA 31:3

Múk Misri a muu, inooín a Munguheeká, nee farsuuín a makaay, slám a qeeruwoká. Qoomár AAKOÓ MUNGÚ dakós burngwa tleés xooroodá' ale/isoó hanmamiis kan gee/aasl nee tidá' ta alee/iimisi in hú', xoorduuká tsaraawo niri hhaná'.

ISAYA 49:12

Ga/aawaak, muk'eé' ngu amór saáw wa ki/ís, bihhaá /iya nee /uwaawo, nee amór yaamaá Sinimuwo.

YEREMIA 48:14

«Xáy, múk Moabu adór kuungá' tar oa', ‹Atén a miguuse nee pihhuusér slaqwarár baal›?

ESEKIELI 29:10

Tí ar ló', kuúng nee yauuwoge nu sakwasleemuút. Gawaá adoorihe yaamaá Misri i xaanxay tleéhh, iimír Migdoli wa tleemu ay Siyene ay digmuú yaamaá Kushi.

ESEKIELI 33:28

Yaamuuká' i xaanxay tleéhh nee gaa wasle. Pihhuuseerós tidár daara/uuse an suqúw. Tlom'aá Israeli in xaanxay tleéhh, nee heé gawaadár óh i kaahh.

NAHUMU 3:9

Yaamaá Kushi an /uuruuwós, nee Misri sleeme taa baabaqaasiiká. Yaamaá Puti nee awa Libya an alee/isuuseerós.