ESEKIELI 30:18 - Biblía Axweesantá Hhohho' ar Mungú 2004

¹⁸ Amór Tahafnesi tlaatla/aangw in xweera tleehhiit, qoomár bar aleesleemuú múk Misri ugwa hhitiím, nee daara/aangós kudá' úr un suqúw. Huunkáy yaamaá Misri giri tuuntuuk nee dasuuwós kuri loohatis.

ESEKIELI 30:18 Iomraidhean Croise

TI'INAANGW 10:15

Asma yaamu sleémeero gina tuuntúk, nee yaamu niri giwiyé'. Balaangw sleémeero guna /ák, nee mamaá xaaiwo, kudá' taa meetiís nee tluwayduú tlaa/e. Tam gitsiimír aa baraá yaamií met i káhh, laqaá gawaá xa'ano nee baraá qamuuwo baraá yaamaá Misri sleémeerowo.

ISAYA 10:27

Slám male ale baraá deeloodae huwaawós gi hingees gawaá suumaroge, nee taaqwaniirós gawaá istoge gan giqáy.»

ISAYA 13:10

Asma tsatse/uú gawaá doori nee tsatse/uudá' ninakwe gwa/aateema gi máy, tsee/amá bir tsiirariihh in didií giiw, slahhaangw gwa/aateema gi máy.

ISAYA 14:11

Adoodá' tir iia tleere taa /aytiís ay baraá gi'i, dinkwa nee mariímbawoge. Muruudá' ta bay /ayma kwaa hhaáf tawa qatnirók, nee naanaga an gár ta uuntsus.›

ISAYA 14:25

As adoorí aníng xoorór Ashuru a hhitiím baraá yaamueene, in yaamaá hara'adáh gawaá tloomar'eé' wa ale. Taaqwanay'ín gawaá isaá muk'eene un kwaáhh, tam huwar'ín an hiingeés gawaá sum'aá muk'eene.»

ISAYA 19:1

Kaangwí a iigu'utuú Mungú aa laqán daanduú yaamaá Misriro. «Ga/aaweek, AAKOÓ MUNGÚ aa tsa/án gawaá huunkír inslaahh, i amór yaamaá Misrír káy, slaqsi'iidá' munguaá Misri niri dír geeraawós wá daaraxaatiyá', Gur'ér múk Misri ma'aay ngay dal/aná'.

ISAYA 5:30

Baalaadae nin /orootliyá' gawaá múk Israeli adór tlawtá aa lexwaandut. Heé yaamu gaa i qaytsiit, gár i ari a giwti nee slahh'amu, gwa/aateema kin tuuntuuk ar huunkáy.

ISAYA 9:19

Ar buhhtaá AAKOÓ MUNGÚ Aleesleemusmoowo, yaamu kaa daá/ ar asla, nee muu a adór migiruú asla kar oohisi. Tam heé hhiyaawós gu gurtlatláw i kaahh.

ISAYA 9:4

Asma taaqwanay'ín kudá' iló', kudá' taa gawaá sum'ii'ínií tsegiít nee hhartadár baramaanuuser'ine iga giqeér, adoodá' múk Midiani aáng kura bál.

YEREMIA 2:16

Slám tam adoorihe múk Memfisi nee Tahpanesi slamángw sagós kwaa hayóh.

YEREMIA 27:2

iwa kat, «AAKOÓ MUNGÚ aníng ina báy, ‹Yeremía, hima nee taaqwani tleehheek ki dahás baraá istók.

YEREMIA 28:10

Naagáy, aarusmo Hanania taaqwantidá' taa tseék gawaá istá Yeremia gari taataáhh, gari geeqáy.

YEREMIA 28:13

«Tláw, Hanania ádbeemuú aweek ku beer, anuú AAKOÓ MUNGÚ an kah, ‹Kuúng gár taa geeqeér a taaqwantá xa'ano, ala aníng taaqwantá muqsli an tleéhh.›

YEREMIA 30:8

Baalaarí bál birna hardát, anuú AAKOÓ MUNGÚ Aleesleemusmo a kah, aníng taaqwantidár gawaá isaá muk'eé' a giqáw, piínguú kira tsegiít un tlaáq. Inooín dahaaye ngi sangw malé sagadiyuusiaaká.

YEREMIA 44:1

Yeremia axweesantá AAKOÓ MUNGÚ gana axaás daanduú múk Yahudi kudá' yaamaá Misrírí dirií' baraá gixsadaá Migdoli, nee Tahpanesi, nee Memfisi nee yaamaá Patrosi, i kat,

YEREMIA 46:14

«Afo ilahanisaak baraá yaamaá Misriro, tseé' amór Migdoli, afo ilahanisaak amór Memfisi nee Tahpanesi, bawaak, ‹Ti amohhe'ese' ló'wa alé, asma slaqwara nu hhaamiís umuú diiro.›

WA/AA/I 2:1

Adór Aako buhhtaawose múk Siyoni ngura dahaás baraá tlaangú! Inós hhohhoartá múk Israeli gana baraá doorí wa kwaáhh ay yaamu. Baalaadár buhhtaawose tam didá' ya'aawós ngi qamaamin gaa inslayká.

ESEKIELI 29:15

Waawuti'iimarós in daqatlakuúr dír waawuti'iima sleémeero, inooín xoorór hatlá' sawaawuti'iimaro ka aleeslayká. Múk Misri u múk daqatlakwén tleéhh as iwa malé ki/iiaaká xoorór hatlá' sawaawuti'iimaro.

ESEKIELI 30:23

Múk Misri u diyaá/ baraá xoordu sleémeero, nee ngiri tsiyayaáx baraá hhapeemaá hatlá'.

ESEKIELI 30:3

Asma deeloodá' ka tseew, deeloodár AAKOÓ MUNGÚ ka ló'wa tseew. Deeloorí a adór giwtír ma/ami, baalár xoordu kiwa hhaamisi.

ESEKIELI 31:18

«Hhohhoaarír xa'anoowí nee uraywós xa'anoó kur alqoomeesi i kaahh baraá asalmoó Edeniro. Hám daxta, xa'anoowí a kuúng waawutmo Farao. Kuúng tu yaamií kwaahh baraá gi'i dinkwa nee xaai sleémeero awa Edeni. Kuúng tari qát dinkwa nee mukdá' Munguú xuaaká, nee tari haraagwá' nee kudá' taa tsuú/ ar paánga. Adoorí an adór kuúng tay diri', aá Faráo, kuúng nee mukók. Anuú Aakoó MUNGÚ tí aga oó'.»

ESEKIELI 32:7

Qoomár bura suqúw, doori in giwís, nee tsatse/ nguri bo/eemiís, tsee/amaá un giwís ar huunkáy, nee slahhaangw iri gwa/aatiiká.

ESEKIELI 34:27

Xaa'aá baraá qamu mamu ngi laqwaaliyá', yaamu mamaá yaariir ngi laqwaaliyá', nee mamuudá' niri hootiyá' ar wayda. Qoomár aníng him'eedá' inooín kira tsegiít bara tsaát, nee in tuú/ baraá dabaá kudá' ngaa lawaale tleehhi'i, aníng daqaní i tsaahhiyá' adór tar AAKOÓ MUNGÚ.

ESEKIELI 38:9

A ta'aaiín adór bambaao, nee daanduú yaamu kuri tuuntúk adór huunki, kuúng kilók nee slaqwaruuserók sleémeero nee xoordaá hatlá' kudá' awa dinkwa nee kuúng.›

Yoeli 3:15

Looa nee slahhaangw giwti gi ót, nee tsatse/ gwa/aateema gaa máy.

TLAHHOÓ LAÁWI 26:13

Aníng an AAKOÓ MUNGÚ, Munguúhúng, kudá' kuungá' naa baraá Misrír wa duux as tawa lawaalér múk Misrirooká. Aníng taaqwani aga geeqáw tidá' taa tseék gawaá isoohúng, as kahhó' tawa hota' ar amohhooa.»

Matayo 24:29

«Slahh'ámuú deeloodá' bira waaraáhh, qoomaadár kilae, Tsee/amá iri giiw, nee slahhaangw iri gwa/aatiiká, tsatse/uú gawaá doori iri paahh, nee /uuruudá' doori gi koóm kuri dingiis.