ESEKIELI 30:14 - Biblía Axweesantá Hhohho' ar Mungú 2004

¹⁴ Gixsár Parosi a tawo tleéhh, gixsár Soani a ásltár daá/, gixsár Tebesi ngiri sakwasleemuút.

ESEKIELI 30:14 Iomraidhean Croise

WARA'AMI 78:12

Dír geeraá baabi'ii'ine muruú waa/oo/amo guna tleéhh, baraá yaamaá Misri baraá qamaá Soani.

WARA'AMI 78:43

Adór layuuwós ngira tleéhh baraá Misriro, waa/oo/amoorós baraá qamaá Soani.

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 19:11

Geeraharuusér Soani a daktanár huwisha. Gurbu'uusér sagalooár koom ar Farao gurbu'tá dakatu'uuma gan kát. Alók adór Farao kura beeré', «Aníng a na/oó heé sagaloó' a na/oó waawutmoduú aáng.»

ISAYA 19:13

Geeraharuusér Soani a daktana, nee geeraharuusér Memfisi kaa al/aáy, tla/uudá' sleémeero ta harahhifi baraá tlahh'iiwo, an kudá' múk Misri ngwa geerahariye' baraá qwanaay.

ISAYA 30:4

Asma tam geeraharuuser'ín naa hardati Soani, nee tam ya/abuuseerós aa hardati ay Hanesi,

YEREMIA 44:1

Yeremia axweesantá AAKOÓ MUNGÚ gana axaás daanduú múk Yahudi kudá' yaamaá Misrírí dirií' baraá gixsadaá Migdoli, nee Tahpanesi, nee Memfisi nee yaamaá Patrosi, i kat,

YEREMIA 44:15

Aluuwo hhawaate sleémeero kudá' ngi xuá' adór tlaaway'ín mooyángw tsuú' ngura da/aa/ané' dír munguaá hatlá', nee /ameenadá' didií tseew, nee boo/oó yaariír oo muu, kudá' aa burumburiit dinkwa nee mukduú Israeli, kudá' Patrosír hoót baraá yaamaá Misri, Yeremia nguri mu/aywatsiyé', nguri bayé',

YEREMIA 46:25

AAKOÓ MUNGÚ Aleesleemusmo, Munguú Israeli, i kaahi, «Ga/aaweek aníng Amoni munguú Tebesi un muúx, nee Farao nee yaamaá Misriro dinkwa nee munguii'ine nee waawitaáine, nee kudá' Farao gwaa harahhifi.

ESEKIELI 29:14

Aníng múk Misri u malé ki/ís baraá yaamuuín. In malé ki/ís baraá yaamaá Patrosi, yaamuuín kudá' ki laqwalín. Amoodae waawuti'iimar'ín i /uuruú koondaaká.

ESEKIELI 29:19

Gawaá adoorihe Anuú Aakoó MUNGÚ a kah, Waawutmo Nebukadnesa oo Babuloni u yaamaá Misrír i haniís. Daqaari'iimarós sleémeero gari ar tláy, gari slaqwaruuseerós ar buu'.

ESEKIELI 30:15

Án Pelusiumu an i buúhh, koo/idá' gawit ta harahhifi nee múk Misri, nee daqtá Tebesi an hhaamiís.

ESEKIELI 30:16

Yaamaá Misri i daá/ ar asla, Pelusiumu slahh'amaayér ur ga sleér, koo/ír Tebesi ka yaamií daahh, nee gixsár Memfisi ka harasihhiit nee wakusmo tlaatla/ángw /awaák alé.

ESEKIELI 30:19

Adoorí an adór múk Misri ngur sakwasleemuút. Nee muu gari tsaahh adór aníng tar AAKOÓ MUNGÚ.»

ESEKIELI 30:8

Aníng yaamaá Misri bira ásltí qaás nee ayeemoodá' sleémeero ngi alee/iimisá' bira qwaareés. Daqaní ngi tsaahhiyá' adór aníng tar AAKOÓ MUNGÚ.

NAHUMU 3:8

Xáy kiíng an ak tsiníhe ta Tebesiro, tidár afaá yaaér Nilírí dirii', kari har'weér nee ma'aay, koo/irós a tlawi, nee koo/irós ar gawít an ma'aay.

FAARO 13:22

Tana tláy ay Negebu, tari hardáh ay gixsár Hebroni. Tlahhoó Anaki in baraadá' hoot, inooín án múk Ahimani nee múk Sheshai nee múk Talmai. (Gixsár Hebroni kana geerií qaro tleéhh kureeri faanqw dír gixsár Soaniro tidár yaamaá Misri.)