ESEKIELI 30:13 - Biblía Axweesantá Hhohho' ar Mungú 2004

¹³ «Anuú Aakoó MUNGÚ an kah, Slaqsi'iidaá munguaá hatlá' in hhitiím, tam slaqsi'iidá' baraá gixsár Memfisi in hhitiím. Geeraharusmo i sangw deeruutiiká baraá yaamaá Misriro. Múk Misri tari daeérár hoot.

ESEKIELI 30:13 Iomraidhean Croise

TI'INAANGW 12:12

«Asma aníng an waaraáhh ar baraá yaamaá Misri xweeraadae, aníng na/aá baris sleémeero ngiri tsuú/ baraá yaamaá Misriro, oo hee tam oo makiito'o, nee munguidaá Misri sleémeero ngiri sakwasleemuút. Aníng a AAKOÓ MUNGÚ.

ISAYA 2:18

Munguaá murslaaqat niri qwanaay hhe'eesiyá'.

YEREMIA 10:11

Naagáy ki beera', «Munguaá doori nee yaamu nga tlehhi'iiká i hhaná'. Inooín kin hhaamiis baraá yaamuwo.»

YEREMIA 2:16

Slám tam adoorihe múk Memfisi nee Tahpanesi slamángw sagós kwaa hayóh.

YEREMIA 43:12

Nebukadnesa asla gan oohiis baraá maraá munguaá yaamaá Misri, nee munguiiká' giri daa/ ar asla, laqaá gin ar tláy ay yaamaá Babuloni. Yaamaá Misri gin fiits ar adoodá' de'eemusmo itina ngir hingemamisi baraá tlabaawose, nee inós iri Mísrír wa waatl ar wayda.

YEREMIA 43:13

Inós uheemidaá inslaslaangw awa baraá Heliopoli, kudaá baraá yaamaá Misri gin giqáy, nee maraydaá baraá yaamaá Misri nee maraydaá munguaá yaamaá Misri giri hhaamiis ar asla.› »

YEREMIA 44:1

Yeremia axweesantá AAKOÓ MUNGÚ gana axaás daanduú múk Yahudi kudá' yaamaá Misrírí dirií' baraá gixsadaá Migdoli, nee Tahpanesi, nee Memfisi nee yaamaá Patrosi, i kat,

YEREMIA 46:14

«Afo ilahanisaak baraá yaamaá Misriro, tseé' amór Migdoli, afo ilahanisaak amór Memfisi nee Tahpanesi, bawaak, ‹Ti amohhe'ese' ló'wa alé, asma slaqwara nu hhaamiís umuú diiro.›

YEREMIA 46:19

Kuungá' yaamuloouusér Misri, ti amohhe'eese', nee xooslarhúng tseegaak as loohaay. Asma gixsár Memfisi ka xaanxay tleehh, tari taangwá muu i hootiiká.

YEREMIA 46:25

AAKOÓ MUNGÚ Aleesleemusmo, Munguú Israeli, i kaahi, «Ga/aaweek aníng Amoni munguú Tebesi un muúx, nee Farao nee yaamaá Misriro dinkwa nee munguii'ine nee waawitaáine, nee kudá' Farao gwaa harahhifi.

YEREMIA 46:5

Ahaá gár ni ga/aw mas kina de'e tsaát? Inooín naa amoqwaariyé', naa alií ki/iyé'. Miguuser'ín kaa muúx, iri /akumít sleeme naa alií qaytsiti'iiká, dae i umuú bihhe. AAKOÓ MUNGÚ tí gan kah.

ESEKIELI 30:16

Yaamaá Misri i daá/ ar asla, Pelusiumu slahh'amaayér ur ga sleér, koo/ír Tebesi ka yaamií daahh, nee gixsár Memfisi ka harasihhiit nee wakusmo tlaatla/ángw /awaák alé.

HOSEA 9:6

Asma ga/aawaak, qwanayhúng un ilagobá' tunduri ilaoh nee múk Misri, ala /antaá Memfisi nu daamaraná'. Daqaari'iimarhúng ar peésa sla/a ngi alti'ít, nee marayhúng laqaya' ngi alti'iitiyá'.

SEFANIA 2:11

AAKOÓ MUNGÚ inooín gin ló'wa dae tsaat. Inós munguaá hatlá' sleémeero baraaká' yaamuwo gin hhaasúy. Daqaní xoordu sleémeero inós nguri i tumbarara'amitiyá' umuú heewo dirós tidá' i dirii'i.

SEKARIA 10:11

Inooín nin waarahhiyá' ar baraá tla/ángw tláwtá slahh'amaaye, aníng gwaanduúwós kuduú ma'aay nguri slaáhh, nee iloodaá yaaér Nili niri /oná', daara/ángw Ashuru kuri hhitín, nee /uuruú múk Misri iri faak.

SEKARIA 13:2

AAKOÓ MUNGÚ aleesleemusmo i kaahi, «Baalaadár kilae aníng slaqsi'iidaá munguaá hatlá' in amór saáwí kwaáhh baraá yaamuwo, baraá inslawoó muko niri gunqaruutiyá', slám aaruusér lama an guús baraá yaamuwo nee qeeruú tlaakwe.