ESEKIELI 30:11 - Biblía Axweesantá Hhohho' ar Mungú 2004

¹¹ Nebukadnesa inosuú kilá' dinkwa nee mukós a xoordaá xaraaslá' ta ak xoordaá hatlá' sleémeerowo. Kingi ya/aaw as yaamaá Misri kiwa hhaamisi. Paangaduuín ngi taataahhiyá' as yaamaá Misri, nee yaamaá Misri ngiri hatsiisiyá' tu'uwo.

ESEKIELI 30:11 Iomraidhean Croise

ESEKIELI 28:7

gawaá adoorihe, ga/aaweek, aníng dahaaye ngi amoorók i tleés, xoorór ló'wa xaraasl baraá xoorduuwo. Inooín sagalooarók tidá' ló'wa qoom ka suwatsaat ar paánga, nee hhohhoaarirók kari slasla/arees.

ESEKIELI 30:24

Aníng dabaá waawutmoó Babuloni in /uurií qaás, nee paángar'eé' ngiri qaás gawaá dakós. Ala dabaá waawutmo Farao in giqáw, nee inós iri /iif geeraá waawutmoó Babulonír wa alé, adór heé taa ló'wa tlaaqán.

ESEKIELI 31:11

Aníng a haniís gawaá dabaá geeraharusmoó xoordu. Inós ga sakwasleemuut, ngiri amór saáw i kwaáhh har qoomoó tlakweemaawós.

ESEKIELI 31:12

Múk xoordu oo ló'wa xaraásl sahhtidá' ngi tsatiyá', nee ngiri yaamií kwahhiyá', nee kari geexáy. Haleemoowós niri yaamií huuhu'uná' gawaá tlom'ií alé nee baraá xatso, nee baraá mapeeraá ma'aay nee yaamu ngiri dalaa/iyá' sleémeero. Muu sleémeero didár mahhtirós ngiri geexayá' nee ngiri mayá'.

ESEKIELI 32:12

Múk pihhuuse mukók oo yaariír gu tsuu/. Mukdá' ló'wa xaraásl ta xoordaá hatlá' ba/a. Sagagawduú múk Misri ku hhaamiis, nee mukók sleémeero kuri tsuu/.

ESEKIELI 35:8

Tlom'iiwók i hatsiís tuaá múk taa tsu/i, nee baraá gongoamawoge nee tlapu mukdá' sleémeero taa tsuú/ wa/angwdá' guri dalaa/.

ESEKIELI 39:4

Kuúng a gwá' gawaá tlom'aá Israeli, kuúng dinkwa nee slaqwaruuseerók sleémeero nee xoordaá dinkwa nee kuúng. Aníng slaqooín in haniís as kiwa /ayi nee tsir/ór gawaá doori ar umuú kalaywo nee makaá xaraaslá'.

DABE 28:50

Xoorór xaraasl ar bariise ga gaárí xuaaká, laqaá tam masoomba ga gurtlatleeraaká.