ESEKIELI 3:7 - Biblía Axweesantá Hhohho' ar Mungú 2004

⁷ Ala múk Israeli kuúng u iiaárií qaasiiká, asma inooín aníng iiaárií qaasaro i slaiaaká. Múk Israeli sleémeerowo a múk sage gawdén nee muner'ine.

ESEKIELI 3:7 Iomraidhean Croise

ISAYA 3:9

Gitsee/er'ín baraá aán gár ir lamabu'uun a tlakweemaaín kudá', adór kuqaá Sodoma, slám ki lu/u/unká. Mukwí a tsaxwaaín, asma hhintleemooín ngaa tlakweemár ayé'.

ISAYA 48:4

Asma aníng kuúng un xuú' adór tur saga gawít, tu isa gawít adór muqsli, slám gitsee/aawók ki gawit adór muqslír sirdaa/aat.

YEREMIA 3:3

Gawaá adoorihe baafáy i taxatiiká, tam tluwoó saxi i tluwiiká. Tam adoorihe ilaahúng ki gawden adór kuqaá tsaatuso'o, mure tam ar niiná i káhh.

YEREMIA 44:16

«Axweesantisíng naa atén beér ar umuú AAKOÓ MUNGÚ atén a iiárií qaasanaaká.

YEREMIA 5:3

AAKOÓ MUNGÚ gár i leelehhiiti a inkihhimu. Iga mak múx kár ala naa faxati'iiká. Ina mak da/aa/aán ala nanaaqa ngaa ya/ani'iiká. Inooín ki mune gawden tlaa/a ba/a, nee tlakweema hhu'u'uungo naa si'iyé'.

YEREMIA 6:10

Xáy, heé ni ádbaw a heemá oo gi gurbuú' as tawa axaasi? Ga/aaweek iaaín naa giwiyé' ya/abtor'eé' axaasaro ngi aleeslay'aaká, Axweesantá AAKOÓ MUNGÚ dir'ine a gár waaqa'atiit, ngi i qwalaala/iaaká.

YEREMIA 6:17

Aluuwo nuri xuumuuseérí qaás, nuri báw, ‹Afór tarumbeéta iiárií qaasaak.› Ala inooín tari oó', ‹A iiárií qaasanaaká.›

YEREMIA 7:27

Naagáy kuúng Yeremia, axweesantí sleémeero an mak dir'ín i ó', ala inooín kuúng u axaasiaaká, in atét ala i ooina'aaká.

ESEKIELI 2:4

Mukwí ku sage gawdén, nee aníng iga ilaiwa/amér i tleehhi'iiká. U ya/aáw amor'ín, kuúng inooín ki beer, ‹Aakoó MUNGÚ gár i kaahi a tí.›

ESEKIELI 24:7

Baraá gixsarihe taa tsu/uút, tseere kaa baraá hhapér i ku'uusiiká as kawa tipi, ala tseere kana ku'uús gawaá daanduú tlaa/a.

ESEKIELI 3:6

U ya/abitaaká dír xoordaá yaariir awa tsifir hatlo nee awa tsifri gawden, tidá' kuúng ta xuaká. Asma geeraawo barnaxes un ya/abiít dír múk adór kwí, ar ló' geeraawo inooín kuúng u axaasiyá'.

ESEKIELI 3:8

Ga/aaweek, aníng kuúng ugwa gawdeés dir'ine, sagók ugwa gawdeés dír sager'ín tidá' gawdene.

SEKARIA 7:11

«Ala inooín axaasaro nina si'iyé', iri alaá xu'usiyé', iaaín ngiri tuuntukiyé' as mindiwa gaa axaasiyé'.

SEKARIA 7:12

Muner'ín ngina gawdemisiyé' adór tlaa/a as hara'ayár anuú AAKOÓ MUNGÚ Aleesleemusmo mingiwa axaasiyé', nee axweesante'eene tidá' naa ya/aáw ar qeeruueé' ar loohír aaruuseedár geera. Gawaá adoorihe, xarasleemaá yaariir awa anuú AAKOÓ MUNGÚ Aleesleemusmo niri hardihiyé'.

Luka 10:16

Yesu eeharuuseerós gari báy, «Heé axweesantahúng gaa ya/an, a axweesante'eé' gana ya/án. Heé kuungá' naa sii', a án ina sií'. Oo aníng iga sii', a kudá' án iga ya/aaw guna sií'.»

Luka 13:34

«Yerusalému, Yerusalému, kiíngadá' aaruusér tsu/a/iim, nee kudá' tinda amoorók ya/aáw kiwa tlaqwaqut ar tlaa/e. A sagaáwa magá' án mukók nguwa burumburtá wa slaa', adoodár koonki tsiioorós ngir burumburariin baraá hhaampi'iiwós, ala kuungá' aga ya/aandi'iiká.

Luka 19:14

Ala múk baraá yaamuuwós heedaádá' kuna ló'wa aáhh, muu kuri ya/aáw kuwa eehari amoodá' inós i kay, nee tawa ooi, ‹Heewí u sla'aanaaká atén tiwa sawaawuti'i'in.›

1 SAMUELI 8:7

AAKOÓ MUNGÚ Samueli guri báy, «Afór mukwí iiárií qaaseek baraá /aymuú niqo kuúng bay'a, asma inooín kuúng ugwa si'ii'iiká, ala a aníng ina si'iyé', tawa waawutmooín.