ESEKIELI 3:3 - Biblía Axweesantá Hhohho' ar Mungú 2004

³ Aluuwo iri báy, «Aá heewí, kitaábuuwí ni hanmiis /ayeek, guruuwók dalaa/eek.» Kitaábuudá' nguri /aáy, naxés baraá afkueene tsuaarirós a adór tiqár danú.

ESEKIELI 3:3 Iomraidhean Croise

YOBU 23:12

Aníng dabeerós aga baloó mawiiká. Axweesantós aga amohhe'eés baraá muunaáeé'.

WARA'AMI 119:103

Axweesantók aga tsaáq i tsú', i nuqnúq adór danuú ba'ari ba/a.

WARA'AMI 119:11

Axweesantók aga óh baraá muunaáeé', as aníng kuúng muwa sadakuús.

WARA'AMI 119:97

Dabeerók aga gurií baá/, tlaatla/angw sleémeero an gár ni aldakuut.

WARA'AMI 19:10

Tam kari waatlakwés ta sahaábuwo, ta sahaábuú ló' wa hhoohhooe. Nee i nuqnúq ta xaaramtá danuhe, ta danuú /aamiro.

WARA'AMI 19:11

Aníng sagadiyusmoowók ti intsaahhatimis nee dabér AAKOÓ MUNGÚ, dabeerós bara iialooeés, qeemuú úr u sláw.

YEREMIA 15:16

Aníng axweesantók ana sláw nee ngiri /aáy, axweesantók aníng iri qwal/atís, nee muunaáeé' guri sla'atís, asma aníng tawa kók, aá AAKOÓ MUNGÚ Aleesleemusmo.

YEREMIA 20:9

Ala aníng bara oó', «Aníng umuú AAKOÓ MUNGÚ daxta un baloó ooaaká, sleeme a ilaawatsaaká ar umuuwós,» muunaaeé' in da/aa/anuut baré kwaáo adór asla in baraá faduueé' wa ót, an mak qiítl as mawa ilawaáts, ala ila/aro tin harslaaqaát.

YEREMIA 6:11

Gawaá adoorihe buhhtaá AAKOÓ MUNGÚ baraeene naa hatsiyé' as inooín. Aníng ilaa/aro taa harslaaqaát.» AAKOÓ MUNGÚ iri báy, «Buhhta ku'uuseek gawaá na/iidaá baraá loohi, nee sleeme dír daqtá masoomba sleémeero, hhawaate nee /ameenaaro ki ar tláy, tam bariise nee bariisér aa diimadiindi.

ESEKIELI 2:10

Naagáy kitaábuudá' gway geeraaeé' wa gweér, inós kwa gooín gura' nee daanduuwo, /ayma'aá tsuunqusmo, nee /aa/e nee lu'umis.

ESEKIELI 2:8

«Ala heewí, tí kuúng u babaw iia ti qas, kuúng ma dee/anutaar adór inooín wa alé. Afkók awaatleek, gaarí aníng ni hanmiis /ayeek.»

ESEKIELI 3:4

Iri báy, «Heewí, tláw dír múk Israeli, kangw'eé' kwí baweek.

Yohana 7:38

Asma Gooi i kat, ‹Heé aníng iga haratlintii', ya'aá ma'aá slafíngw koomá' i baraawós wa ti'iitiyá'.› »

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.