ESEKIELI 3:20 - Biblía Axweesantá Hhohho' ar Mungú 2004

²⁰ «Slám malé alé heé gan'amuú koóm, bar gan'amuwós gwa máy nee tlakweema gay tleéhh, aníng nguri dukutsamoó i qaás, heewí iri gwaá', asma kuúng kuwa naanaqiká heewí i gwaa' as tlakweemaawós, tam tlehhmi'iiwós kudá' hho' ki inslayká. Ala tseereerós a iinuús gawaawók i alé.

ESEKIELI 3:20 Iomraidhean Croise

2 QOM'I 24:2

Deelo sleémeero ar Yehoyada kaahamusmoó Mungú iwa slafi, Yoashi hhooeema gina tleéhh dír AAKOÓ MUNGUHE.

2 QOM'I 25:15

Gaarí AAKOÓ MUNGÚ guri ló'wa buhhtís, AAKOÓ MUNGÚ aarusmo guri ya/aáw amór waawutmo Amasia. Aarusmoowí waawutmo Amasia guri báy, «Ahaá waáy, gár munguaá hatlá' kis harahhifiti, kudá' muk'ín /iisaro ngwa har'slaqatiye' baraá dabaawoge?»

WARA'AMI 119:165

Múk dabeerók slaá' wayduú úr ngu koná', tam gár gi gee/aasl i káhh.

WARA'AMI 125:5

Ala kudaádá' naa warqaye' baraá lohaá tlakw, AAKOÓ MUNGÚ gi qwaarees dinkwa nee múk tlakweemá tlehhahhiít. Amohhooa masók i dír Israeli!

WARA'AMI 36:3

Ala inós a lamusmo nee foolusmo, sagalooa nee tlehhma'aá hhohho' gaa máy.

AXWEESANOÓ SAGALOOA 25:12

Axweesanoó gurbu'uungw oo heé sagaloó' dír heé gu axamiisa, a adór sixmoó sahaábu oo taa parootuús.

ISAYA 64:6

Atén sleémeero a adór múk taa meetagaás, nee hotaarén awa ganaa'á' a adór tlabaá slasla/aren, atén sleémeero aga /ootsaán adór gitso, nee tlakweemaarén a adór fur'ár atén ti ar tlatlaw.

ISAYA 8:14

Aníng a dirók tidá' hhoohhoo' ar guwaay, sleeme aqo adór tlaa/anoó dukuutsmo, tlaa/ár waawituú Israeli i huhu'un nee oo Yudawo. Aníng a tsaaxweelír yaamuloouusér Yerusalemu ga ohiim.

YEREMIA 34:16

Aluuwo kuungá' tari daambaraatsité', umuueé' kuri meetagasé', qoomár lawaale sleémeero tidá' taa gwedité', ar hhawaate nee /ameenaaro, kawa malé ohiindé', kari ki/isé' ar /uuru baraá lawaali'iima.›

YEREMIA 6:21

Gawaá adoorihe anuú AAKOÓ MUNGÚ a kah: Qaytsiít mukwí aníng u dukuutseérí qaás, dukuutseerí gi dukúts, giri daráhh yaamií alé. Ín baabá nee na/ii'ín nin dinkwaárií huuiyá', tam inslaawmo nee mulqumoowós aqo kin hhaamiis.»

ESEKIELI 14:3

«Heewí, mukwí muner'ín kaa óh nee slaqsa'aá munguaá hatlá', munguiiká' muu ngun gan'amisiyá' baraá tlakweema. Xáy, iqo hariínda tiwa hara'ayárí leehhi nee mukwí?

ESEKIELI 18:24

«Ala heé ganaá' barnaxes gan'amuuwós gwaa máy, tlehhmi'iidá' aníng i buhhtimiisá', kudá' heé tlaákw i tlehhaahhiti, giri tleéhh, xáy, heewí iqo tsuwa sláfi? Aasla'áy, tlehhmi'iidá' sleémeero awa hho' aa tlehhahhiít geeraawo ki baloó inslayká, inós aqo in gwaa' as dee/anuuwós nee tlakweemaadá' aa tleéhh.

ESEKIELI 18:26

Heé ganaá', bar gan'amuuwós guri máy, tlakweema giri tleéhh, aqo in gwaa' as tlakweemaadá' inós aa tleéhh.

ESEKIELI 3:18

Aníng barnaxes heé tlaákw ugwa báw, ‹Ar loe kuúng a gwá',› aluuwo bar kuúng ugwa naanaqiká, laqaá ugwa beeriká, ‹Tlakweema maweek,› as slafiingós nguwa ba/amis, naagáy heewí tlaákw iri gwaá' baraá tlakweemawós, tseereerós ngi gawaawók i iinuús.

ESEKIELI 33:18

Qoomár heé ganaá' barnaxes gan'amu tlehhtuwo gwaa máy, nee tlakweema giri tlehhiít, heewí aqo in gwaa' as tlakweemaadá'.

ESEKIELI 33:6

Ala barnaxes xuumusmo wakuuse gaa ár i hi'ít, ala tarumbeéta gaa ufaahhiiká, nee muu kwa gurbuiiká daanduú tsaxwaaká hi'iita'a, nee wakuuse hee guri gás baraá tla/angw'ine, heewí tlaákw iri gwaá', inós ina gwaá' as dakuúsarós, ala aníng hhiintluú heewí u iinuús gawaá daanduú xuumusmoowí.

ESEKIELI 7:19

Peésar'ín ngiri kwahhiya' baraá lohdu, nee sahaábuín tari adór gár meetagaamiis. Inooín ti tu/iiaakaá ar peésa nee sahaábuuwo baalaadár buhhtaá anuú AAKOÓ MUNGUHE. Inooín slám ta axiiká, laqaá gur'er'ín ka dala/iiká peesaaro nee sahaábu ta burumbuuri. Asma daqaari'iimar'ín an gár gaa tlakweemá i hup.

DANIELI 9:18

Aá Munguúeé', iia qaaseek, qaytsiít slahh'amuú ta koomaan, nee adór gixsarí taa umuuwók ar ateét ir slahhaahha'. Gár atén kuúng us firirimaan a gan'amuureneeká, ala a as gurtleemuuwók oo yaariír.

TLAHHOÓ LAÁWI 19:17

«Hhiyaawók mu magoódií tseegaar baraá muunaáwoge, ala ti kaahi sleere' umuú daqto nee inslaawmoowók as kahhó' tlakweema kiwa tlehha'aaká.

SEFANIA 1:6

Mukdá' AAKOÓ MUNGÚ eeharto aa alií kii/, nee kudá' AAKOÓ MUNGÚ ngu leeleehhita'aaká, sleeme ngu yaahamisia'aaká.»

Matayo 18:15

«Hhiyaawók kuúng bura sadakuús, tláw gurbueek, kuúng nee inós kiloohúng. Kuúng bura iiárií qaás, hhiyaawók ugwa sleér.

Luka 2:34

Simeon giri tsuúq, Maria aayír na/aay gari báy, «Ga/aaweegáy, kwí kwa qaás asma awa yaariir niwa huuiya', nee kuqá' niwa sihhiitiya', baraá múk Israeliwo, nee iwa laya tleehhiti ar tar kaangaanuusi,

Luka 8:15

Kuduú baraá hhapér hho' an slaqsoó mukdá' axweesani gaa axaas, kari ooha hhe'eés ar munér ilaiwa/ame, iri laqwál ar qitla.»

Rumi 11:9

Nee Daudi sleeme i kaahi, «Muruú /aymar'ín masók i tsaaxweeli tleehhiit amor'ine, nee dukuutsmo, as inooín tawa dukuutsi nee slaasláwar'ín ngiri slayá'.

1 Korinto 1:23

Ala atén gár ta alki/iitaan a kángw Kristo, kudá' taa kikií' gawaá msalaába. Ala kaangwí dír múk Yahudiro a dukuutsmo, nee dír múk Yunaniro a dakti'iima.

DABE 13:3

axweesanoó aaruusér adór tí mu iiárií qaasara', laqaá heé adoorír tlatitiím mu iiárií qaasara'. Asma AAKOÓ MUNGÚ, Munguúhúng inooín gin ar gadiyuus as kuungá' nuwa iiari, as inós ngiwa xu'utír wa slai, áx kuungá' inós u ló'wa sla'á'a ar munerhúng sleémeero nee qeereemoohunge.

Ebrania 10:38

Ala hee'eé' kudá' gan'amkú koóm, inós gár ir slafi a haratlintaao. Ala barnaxes aa alií kií/, muunaáeé' i qwalaala/iiká as inós.»

Ebrania 13:17

Kuungá' geeraharuuserhúng ilaiwawa/aak, nee adoodá' inooín ta kaahi tlehhiitaak. Asma inooín munerhúng ngin ga/aayá' xweera nee tlaatla/aango. Asma faarór gadiyér'ín ngi ooiyá' dír Mungú i alé. Kuungá' bar iga ilaiwawa/é', inooín daqaní gadiyér'ín ngi tleehhiyá' ar qwala/, ala ar gurhaamirooká. Ala barnaxes kan tleehh ar gurhaami gadiyér'ín daqaní gár dirhunge i bu' i káhh.

1 Petro 2:8

Nee kaa malé gooín, «tlaa/ár inooín gi dukuuts, nee tlaa/ár inooín ta i huui.» Inooín Axweesantadá' haratlintaaooro kan siaasii'. Gawaá adoorihe axweesantadá' iri dukuutsmo tleehhít dir'ine, asma gaarí an gár Mungú aa qoomeés daandeemooine iimír iimu/uungo.

1 Yohana 2:19

Mukwí ina dirén wa tláy, ala asma inooín awa bartareneká. Inooín geera bar awa bartarén, geeraawo nee atén aga alhootaán. Ala tana tláy as kiwa tsaahha hhe'eesaan adór tar awa bartareneká.