ESEKIELI 3:18 - Biblía Axweesantá Hhohho' ar Mungú 2004

¹⁸ Aníng barnaxes heé tlaákw ugwa báw, ‹Ar loe kuúng a gwá',› aluuwo bar kuúng ugwa naanaqiká, laqaá ugwa beeriká, ‹Tlakweema maweek,› as slafiingós nguwa ba/amis, naagáy heewí tlaákw iri gwaá' baraá tlakweemawós, tseereerós ngi gawaawók i iinuús.

ESEKIELI 3:18 Iomraidhean Croise

IIMU/UUNGW 2:17

ala mamaá xa'anoó xu'utír muruú hhó' nee oo tlákw, mi /ayaar, asma bál mamaá xa'anoowí bira /ák xueek, a gwá'.»

IIMU/UUNGW 42:22

Reubeni gina mu/aywaáts, giri báy, «Án kuungá' naa bawiikáhe, garma mu sadakuusara'. Ala kuungá' a axamisa'aaká. Xáy daxta, ga/aawaak, tseereerós atén taa inkí/.»

2 SAMUELI 4:11

Xáy, hamí heé tlaákw bar heé gan'amuú koóm ngwa gaás gawaá qatnírí ale dír do'ós, xáy, i gana'káhe dír'eene marmaárí ngiwa buu'. Asma tseere gaa ku'uús as heedaadá' nguwa gaás, guri hingeés baraá yaamuwo.»

2 WAAWITÁ 1:4

Gawaá adoorihe tlawsé' waawutmo ku beera', «AAKOÓ MUNGÚ i kaahi, ‹Kuúng a awedká gawaá qatanisíng ti qati, looeemawo a gwá'.› » Eliya iri tláy.

AXWEESANOÓ SAGALOOA 14:32

Múk tlákw kun qwaarees ar tlehhmi'ii'ín kudá' tlakw. Ala heé hota ganaá' dír amohhoo' ga kón baraá gwa'ararose.

ISAYA 3:11

Ala mukduú tlakuuse a tsaxwaaín ado gi alxir'imít, asma adoodá' naa tleehhiyé' an tidá' gi slaw.

ESEKIELI 18:13

hee burngwa gaárií haniís, aldaafi gan iinuus, nee slaasláwár yaariir ga leelehhiit, xáy, na/aywí iqo tsuwa hoóti? Aasla'áy i baloó hootiiká. Asma na/aywí muruú aníng ni ahhiit sleémeero guna tleéhh. Ar ló', inós i gwaa', a inós kilós in gwaa'.

ESEKIELI 18:20

Heé tlakweema gaa tleehh an heé gwaá'. Na/aay tlakweemaá baabuúwós ngu gaasiaaká, laqaá baabá tlakweemaá na/aywós ngu gaasiaaká. Gan'amuú heé ganaá', heé i gaa wa bui aqo har inósuú kilá'. Heé tlaákw aqo inósuú kilá', inós tlakweemaawós gin gagaar.

ESEKIELI 18:4

Xuaak slafiingw sleémeero a kwe'eé', slafíngw xwayliitamó nee slafíngw na/aywo. Heé tlakweema gaa tleehh an heedaádá' gwaá'.

ESEKIELI 3:20

«Slám malé alé heé gan'amuú koóm, bar gan'amuwós gwa máy nee tlakweema gay tleéhh, aníng nguri dukutsamoó i qaás, heewí iri gwaá', asma kuúng kuwa naanaqiká heewí i gwaa' as tlakweemaawós, tam tlehhmi'iiwós kudá' hho' ki inslayká. Ala tseereerós a iinuús gawaawók i alé.

ESEKIELI 33:12

«Nee kuúng heewí, mukók kubeeto, Heé ganaá' bar tlehhma'aá tlakw gaa tleéhh, tlehhmi'iiwós kudá' gana'á aa geerií tleéhh ngu tu/iiaaká. Heé tlaákw barnaxes tlakweema tlehhtuwo gaa máy, ku sakwasleemuutiiká. Heé ganaá' bar tlakweema tlehhtuwo gaa iimu/ún, gan'amuuwós kuduú aáng gu ba/amisiiká.

ESEKIELI 33:6

Ala barnaxes xuumusmo wakuuse gaa ár i hi'ít, ala tarumbeéta gaa ufaahhiiká, nee muu kwa gurbuiiká daanduú tsaxwaaká hi'iita'a, nee wakuuse hee guri gás baraá tla/angw'ine, heewí tlaákw iri gwaá', inós ina gwaá' as dakuúsarós, ala aníng hhiintluú heewí u iinuús gawaá daanduú xuumusmoowí.

ESEKIELI 34:10

Anuú Aakoó MUNGÚ a kah, Aníng nee kuungá' de'eemuuse ti araán. Aníng kuungá' nu hingeés bee/angw'eé' kuwa sawaawuti'iinda', slám a malé ya/amaaká bee/angw'eé' kuwa de'eenda'. Pa/ángw kuungá' tiwa kiloohúng /aymisa' u sleera'aaká. Bee/angw'eé' un tuú/ baraá aferhúng wa ale, mukuwa malé /aáy.»

FAARO 26:65

Asma qoomaadae AAKOÓ MUNGÚ ina oó', «Kuká' sleémeero i qatliyá' baraá xaanxáy ale.» Ar ló', tam heé wák i kaahh oo aa gwaaiiká, ala aqo har Kalebu garmoó Yefune, nee Yoshua garmoó Nuni.

Luka 13:3

Aasla'áy, án a kah, ala kuungá' bar hhu'u'uunda'aaká, a qwadá' adoosír kilár alé.

Luka 13:5

Aasla'áy, án a kah, ala kuungá' bar hhu'u'uunda'aaká, a qwadá' adoodár kilár alé.»

Yohana 8:21

Yesu giri malé báy, «Aníng a quútl, ala án kuungá' iri leelehhitá', nee kuungá' a qatlá' baraá tlakweemaahúng i alé. Nee amoodá' án ni kaw, kuungá' hardahamu ngu aleesleera'aaká.»

Yohana 8:24

Gaarí an gár kuungá' án nusa báw, ‹Kuungá' a qatlá' baraá tlakweemaahúng. Asma kuungá' barnaxes aníng iga haratlinti'ii'iiká adór aníng tar kudá', daqaní kuungá' aqo qatlá' baraá tlakweemaahúng.› »

Tlehhema'aá ya/Abuuse 2:40

Petro giri ló'wa lamabu'ún ar /ayma'aá hatlá' awa yaariir, nee giri gurbu'ún iri oó', «Tundu ba/amisi dír qartír múk tlakwe.»

Tlehhema'aá ya/Abuuse 3:19

Gawaá adoorihe kuungá' hhu'u'uumé', nee ki/é' amór Mungú, as tlakweemaahúng kiwa fiitsi. As kahhó' qooma niwa hardat ar Aako nuwa qwal/asi dír geeraawose,

1 Timoteo 4:16

Adór kuúng tar hot ga/aaweek nee muruudá' ta intsaahhatimis ga/aaweek sleeme, kumiít muruuwí sleémeero kuwa tlehhit. Asma adoorí bara tléhh, daqaní kuúng kilók ti ba/amís, nee mukdá' sleémeero kuúng u iiárií qamiím sleeme.

1 Timoteo 5:22

Hee dákw i qaasaro ma gaanslimaar. Slám tlakweemaá múk hatlá' mi eeharaar. Kuúng kumiít baraá hhoohhooariro.

1 SAMUELI 8:9

Daxta hamí afor'ín iiárií qaaseek, ala gár wake gurbua hhe'eeseek, nee adór dabér waawutmoowí gi sawaawuti'iím i diri', dir'íní alki/iteek.»