ESEKIELI 3:17 - Biblía Axweesantá Hhohho' ar Mungú 2004

¹⁷ «Heewí, aníng kuúng ugwa xuumusmoó múk Israelír wa qaás. Aníng gaa birnga oó' dirók, kuúng mukwí ku naanáq kitangw'eé' wa aleeró.

ESEKIELI 3:17 Iomraidhean Croise

2 QOM'I 19:10

Barnaxes hhaeehúng awa baraá gixsadaá hatlá' naa kwasleemadií huwiyé' awa daanduú tsu/uta, nee dabe hhita, nee hara'aya siaasi', laqaá kaahír Mungú siaasi', ló'wa hara'ayimaak as AAKOÓ MUNGÚ mukuwa sadakuús. Kuungá' bar adoorí aga tleehhi'iiká, kuungá' nee hhaeehunge sakwasleemár AAKOÓ MUNGÚ nu sleér. Ala kuungá' adór ganaa' bar aga tlehhé', daqaní dakuús i káhh dirhunge.

DAA'AANGW 3:3

Xuumuusér gixsa ina aán, qoomár inooín tawa harweeriirin baraá gixsaro. Naagáy ngiri yaahaás, «Xáy heedaádá' muunaáeé' i slai ngwa aandí'i?»

DAA'AANGW 5:7

Xuumuusér gixsár xuum ina aán qoomár tawa gixsár harwediiti. Iri muxiyé' nee iri gweehhiné'. Xuumuusedár afkú gixsa iri sheela hayót.

ISAYA 21:6

Asma Mungú aníng ina báy, «Tláw xuumusmo qaaseek, inós gár aa ár ngi ooi.

ISAYA 21:8

Aluuwo xuumusmoodá' iri tseé', i kaahi, «Aáko, aníng ana gawaá /aampár wa sihhmamiít, ana xumaamiís tlaatla/aangw sleémeero, xuumár xweera sleeme ana óh.

ISAYA 52:8

Afór xuumuuseerók iiárií qaaseek, i dinkwár wa dá' ar qwala/, asma adoodá' AAKOÓ MUNGÚ nira kií/ Siyoni ilaaínaá kilae ngaa ariyé'.

ISAYA 56:10

Asma xuumuusér Israeli a taampu, sleémeero i fuqreeraá kon'aaká, sleémeero a adór seeaawér afe waslen ar hhuheelimaaká, kudá' tawo guá' nee tlatitimá', in tawo gufmisiyá'.

ISAYA 58:1

AAKOÓ MUNGÚ i kaahi, «/Aá/ ló'wa ale, ma xaslitaar, tseé' adór tarumbeéta. Muk'eé' dakuúsar'ín ti alki/it, Tlakweemaá doó Yakobo ooeek.

ISAYA 62:6

«Aá Yerusalemu, aníng xuumuuse aga qaás gawaá koo/irók, tlaatla/aangw nee xweeraawo i baloó xasliitiaaká.» Kuungaásingá' AAKOÓ MUNGÚ inslawtimisá' ma baloó lakiitara'.

YEREMIA 1:7

Ala AAKOÓ MUNGÚ iri báy, «Ma kaahaar tu niiná, asma amór án kuúng uy qo ya/aawa an daqeér, nee umuúqo gár u bawa an ó'.

YEREMIA 31:6

Asma qooma i hi'ít ar xuumusmo iwa ateeti gawaá geetuú tlom'aá Efraimu, iri ooi, Gusé', a tsa/amán ay Siyoni amoodá' AAKOÓ MUNGÚ, Munguúrén, i dirii'i.»

YEREMIA 6:10

Xáy, heé ni ádbaw a heemá oo gi gurbuú' as tawa axaasi? Ga/aaweek iaaín naa giwiyé' ya/abtor'eé' axaasaro ngi aleeslay'aaká, Axweesantá AAKOÓ MUNGÚ dir'ine a gár waaqa'atiit, ngi i qwalaala/iaaká.

YEREMIA 6:17

Aluuwo nuri xuumuuseérí qaás, nuri báw, ‹Afór tarumbeéta iiárií qaasaak.› Ala inooín tari oó', ‹A iiárií qaasanaaká.›

ESEKIELI 11:25

Aluuwo mukdá' baraá looháy dirii' nguri kángw iigu'utueé' báw, kudá' sleémeero oo tinda laqán nee AAKOÓ MUNGÚ.

ESEKIELI 11:4

Gawaá adoorihe, aariím daanduuine! Heewí gimáy, aariím!»

ESEKIELI 2:7

Kuúng ki axweesante'eé' beér, tam ka axaás, laqaá tam ka axasiiká, asma inooín a múk aa dee/anuut.

HABAKUKI 2:1

Aníng niri sihhiít didár xuumar'eé', nari tsa/ám gawaá /aampa nari gawaadá' wa xumaamiís, xáda xáy, AAKO aníng mi báy daanduú wa/aa/ir'eene.

HAGAI 1:13

Ala Hagai, ya/abusmoó AAKOÓ MUNGU, daanduú ya/abtór AAKOÓ MUNGUHE muu guri báy, AAKOÓ MUNGÚ i kaahi, «Án nee kuungá' a dinkwa.»

Matayo 3:7

Múk yaariír oo Farisayo nee oo Sadukayo kuna i daqáy, as ngiwa baatimiisi. Ala Yohane ngiwa ár giri báy, «Kuungá' xwaylár dáyshe, heé kuungá' naa gurbuu' sakwasleemár hi'iit kawa ilagogoba'?

1 Korinto 12:28

Baraá tla/ángw kríshaanayhe Mungú muu bahh'alé guna qaás. Múk geera a ya/abuuse, múk tsár a kuduú aaruuse, múk tám a intsaahhatuuse. Múk aluudá' a kudá' aleesleemu gu koóm oo muruú waa/oo/amo nguwa tlehhiiti. Nee slám múk aluudá' a mukdá' aleesleemu gu koóm oo tiqtuuse kawa hungu/umiisi, nee kudá' aleesleemu gu koóm oo muu kuwa alee/iimisi. Nee oo hatlá' a mukdá' aleesleemu gu koóm oo muu kuwa geeraharaahari, nee oo hatlá' a kudá' aleesleemu gu koóm oo tawa axweesi ar tsifrír dimbadimbé ar xuawaslen.

1 Korinto 4:14

Muruuwí ngwa amorhúngií gooimiiká as nuwa murekemiis, ala nguna gooiím as kuungá' nuwa gurbuu', adór na/iieé' awa sla'aaruuse.

2 korinto 5:11

Gawaá adoorihe atén Mungú un ilaiwawa/aán baraá muneerene umuúqo daqto. Gaarí an gár muu atén kus afa /asliimaan amór Mungú i alé. Mungú atén ti ló'wa xuu' adór atén tay diriiaan, nee slám aníng a harahhiíf adór kuungá' sleeme baraá munerhunge atén tira tsahhé'.

2 korinto 5:20

Gawaá adoorihe atén a ya/abuusér Kristo. Atén bar axweesaán, a adór Mungú in gurbu'ún ar afeerén. Gawaá adoorihe atén kuungá' nun firiimaán as daanduú Kristó wa ale as kuungá' tunduwa haraki/isi nee Mungú.

Kolosai 1:28

Inós an kwí ni alki/iitaan, muu sleémeero un gurbu'uumaán. Umuúqo heewo un intsaahhatimiisaán ar sagalooa sleémeero tidá' Mungú ni amoorén i hanmiisi. Asma gár ta sla'aan a umuú heewo un amohhe'eemisaán iwa sihhiiti dír geeraá Mungú tawa heé aa kwaa/ baraá Kristoowo.

1 Tesalonike 5:14

Hháe, atén kuungá' nu firiimaán, tli/uuse naanaaqaak, múk daqatlakwén gurkwa/amisaak, mukdá' haratlintaao niiná alee/iimiisaak, slám kuungá' masók a múk qitluú aleesláw dír muu sleémeerowo.

Ebrania 13:17

Kuungá' geeraharuuserhúng ilaiwawa/aak, nee adoodá' inooín ta kaahi tlehhiitaak. Asma inooín munerhúng ngin ga/aayá' xweera nee tlaatla/aango. Asma faarór gadiyér'ín ngi ooiyá' dír Mungú i alé. Kuungá' bar iga ilaiwawa/é', inooín daqaní gadiyér'ín ngi tleehhiyá' ar qwala/, ala ar gurhaamirooká. Ala barnaxes kan tleehh ar gurhaami gadiyér'ín daqaní gár dirhunge i bu' i káhh.