ESEKIELI 3:14 - Biblía Axweesantá Hhohho' ar Mungú 2004

¹⁴ Naagáy qeeru iri gáwtí tleés iri puruúts amór saaw. Niri tláw amooqae aga slahhaá', nari qa/iít baraá muunaáeene, nee /uuruú AAKOÓ MUNGÚ ina hatsiís.

ESEKIELI 3:14 Iomraidhean Croise

1 WAAWITÁ 18:12

Aluuwo án bara sa tláw, nee Qeeruú AAKOÓ MUNGÚ kuúng unar tláy ay dír án ni xuaaká, asma án bar Ahabu ugwa kángw báw kuúng uri slayká, inós án iri gaas, handá' tam anuú sagadiyusmoowók AAKOÓ MUNGÚ un ilaiwawa/a iimír na/uumar'eene.

1 WAAWITÁ 18:46

/Uuruú AAKOÓ MUNGÚ iri hardáh dír Eliya, inós iri siinootín, iri ta'aaín, iri giirín hardahmuuwo dír Ahabuwo baraá gixsár Yesre'eli.

2 WAAWITÁ 2:16

Tari oó', «Atén sagadiyuuseerók, múk miguuse oo mibeeri kooán u koomaán, pa/aángwí haniseek aakoowók ngu leeleehhtuú aye', barnaxes qeeruú AAKOÓ MUNGÚ guna ar tláy gway kwaáhh gawaá tlom'i laqaá baraá xatsa.» Elisha iri oó', «Aasla'áy, mi ya/aawara'.»

2 WAAWITÁ 3:15

Ala hám daxta heé xooslmoó daa'aangw gu baál slahhto slawaare'.» Kunguri sláy. Qoomár xooslmoodá' kuwa slaáhh, /uuruú AAKOÓ MUNGÚ Elisha guri hatsiís.

ISAYA 8:11

Asma AAKOÓ MUNGÚ aníng ina i axweés, iri óh ar dakós oo /uuruú koóm, as loohír mukwí mawa eehár, ina gurbuú' iwa kaahi,

YEREMIA 6:11

Gawaá adoorihe buhhtaá AAKOÓ MUNGÚ baraeene naa hatsiyé' as inooín. Aníng ilaa/aro taa harslaaqaát.» AAKOÓ MUNGÚ iri báy, «Buhhta ku'uuseek gawaá na/iidaá baraá loohi, nee sleeme dír daqtá masoomba sleémeero, hhawaate nee /ameenaaro ki ar tláy, tam bariise nee bariisér aa diimadiindi.

ESEKIELI 1:3

anuú kaahamusmo, Esekieli garmoó Busi, qoomár niwa baraá yaamaá Kaldayórí, dirii' bihhaá yaaér Kebari, axweesantá AAKOÓ MUNGÚ ana axaás, nee baraadaádae /uuruú AAKOÓ MUNGÚ i gawaaeé'.

ESEKIELI 11:1

Qeeruú Mungú iri gáwtí tleés, iri huúw ay dír afkú bihhaá da/aáw oo Doó Mungú. Didaádae múk mibeeri tsár nee kooán nguri ár, bahh alé a ín Ya'asaniya garmoó Asuri nee Pelatia garmoó Benaya, inooín a geeraharuusér múk Israeli.

ESEKIELI 3:12

Aluuwo qeeru iri gáwtí tleés, afór adór kunselír ur ana aluueé' axaás, i kat, «I xirfuuti xirfuú AAKOÓ MUNGÚ oo gawaá doori.»

ESEKIELI 37:1

Anuú Esekieli /uuruú AAKOÓ MUNGÚ ina al'iilooúy, nee inós iri gáwtí tleés ar qeeruuwós, nee iri qaás baraá tlapár faduuwo haats.

ESEKIELI 40:1

Bál slahhángw geera tawa mibaangw, kurkú mibeeri tsár nee kooán iimír tiwa loohatís, /uuruú AAKOÓ MUNGÚ una ár. Qoomaarí an kurkú mibaá nee tsiyáhh iimír gixsár Yerusalemu kawa hayóh.

ESEKIELI 43:5

Qeeru iri ar tláy iri huúw ay dír afeenidár guruú baraá do'. Aníng niri qaytsiít, naxés Doó Mungú xirfuuwós gwa tuuntuúk.

ESEKIELI 8:1

Bál slahhángw lahhoó' tawa kooán kurkú lahhoó', aníng a dír dooeé' i dirií' dinkwa nee bariisér múk Yuda. Aníng /uuruú Aakoó MUNGÚ iri hatsiís ar gaanslaay.

ESEKIELI 8:3

Naagáy gár adór dako aníng iri se'e óh. Qeeruú Mungú iri tleés dír tla/ángw doori nee yaamuwo, iri huúw ay Yerusalemu, aníng aqo baraá iigu'utuwú Mungú i dirií'. Niri hardáh dír dahmaá baraá matla/aangw bihhaá /iiko, didaádá' taa slaqsoó munguaá hatlá' i qaás, kudá' Mungú buhhtamís.

Yohana 4:1

Yesu gay tsaáhh adór múk Farisayo ngira axaás gídaabá, Yesu eeharuusér yaariir gaa sláy ta Yohanewo, nee giri baatimiís.

Yohana 4:3

Yesu adoodá' ngiwa tsaáhh, yaamaá Yudea gay geexáy, iri malé tláy ay yaamaá Galilaya.

Yohana 4:9

/Ameenidár Samaria guri beér, «Adór kuúng heé Yahudi ma'aay ngir aní firiin, aníng bar /ameenír Samaria?» (Asma múk Yahudi nee oo Samaria ti haradaafiaaká).

Tlehhema'aá ya/Abuuse 8:39

Qoomár tindiwa tsa/a/an baraá yaaér wa ale, Qeeruú Aako Filipo guri ar tláy. Filipo kwaa sangw malé ariiká nee heedaádá'. Heedaádá' iri kumiít aaiiwose, i hara qwalalaa/.

Geehhoeemaá 10:10

Kitaábuudá' niiná nguri taataáhh gawaá dákw malaykamoodá' wa ale, nguri /aáy. Ala gawaá afkueene i nuqnuuq adór danú wa ale. /Aymaaro nguwa hhe'eés, iri qarqaruút baraá guruueene.