ESEKIELI 3:12 - Biblía Axweesantá Hhohho' ar Mungú 2004

¹² Aluuwo qeeru iri gáwtí tleés, afór adór kunselír ur ana aluueé' axaás, i kat, «I xirfuuti xirfuú AAKOÓ MUNGÚ oo gawaá doori.»

ESEKIELI 3:12 Iomraidhean Croise

1 WAAWITÁ 18:12

Aluuwo án bara sa tláw, nee Qeeruú AAKOÓ MUNGÚ kuúng unar tláy ay dír án ni xuaaká, asma án bar Ahabu ugwa kángw báw kuúng uri slayká, inós án iri gaas, handá' tam anuú sagadiyusmoowók AAKOÓ MUNGÚ un ilaiwawa/a iimír na/uumar'eene.

2 WAAWITÁ 2:16

Tari oó', «Atén sagadiyuuseerók, múk miguuse oo mibeeri kooán u koomaán, pa/aángwí haniseek aakoowók ngu leeleehhtuú aye', barnaxes qeeruú AAKOÓ MUNGÚ guna ar tláy gway kwaáhh gawaá tlom'i laqaá baraá xatsa.» Elisha iri oó', «Aasla'áy, mi ya/aawara'.»

WARA'AMI 148:2

Malaykeerós sleémeero, inós xirfayeesaak! Slawemowós sleémeero awa gawaá doori, inós xirfayeesaak!

WARA'AMI 26:8

AAKOÓ MUNGÚ, aníng Do'ók kudá' ta hot u slaá', didár xirfuuwók i dirii'i.

ISAYA 6:3

Umuú serafamowo nee kuqá' tina ateetiné', tiri babayé', «Oo Hhoohhoó', oo Hhoohhoó', oo Hhoohhoó' an AAKOÓ MUNGÚ Aleesleemusmo, yaamu sleémeero naa hatsiyé' xirfuuwose.»

ESEKIELI 10:4

Xirfuú AAKOÓ MUNGÚ iri tláy dír keruúbír wa ale, iri hardáh ay gawaá maandár do'odá', nee afeeni iri háts gwa/aatemaá xirfuú AAKOÓ MUNGUHE.

ESEKIELI 11:1

Qeeruú Mungú iri gáwtí tleés, iri huúw ay dír afkú bihhaá da/aáw oo Doó Mungú. Didaádae múk mibeeri tsár nee kooán nguri ár, bahh alé a ín Ya'asaniya garmoó Asuri nee Pelatia garmoó Benaya, inooín a geeraharuusér múk Israeli.

ESEKIELI 2:2

Qoomár iwa amor'eé' axweesi, qeeruú Mungú iri dáh baraaeé', nee iri galalaa'atís sihhitisaro. Naagáy nguri axaás,

ESEKIELI 3:11

Daqaní ta tleér amór mukók kudá' taa loohatís nee ki beer, ‹Aakoó MUNGÚ gár i kaahi a tí.› Tam ngi axaasiyá' laqaá tam ngi axaasiaakahe, kuúng kángw baweek.»

ESEKIELI 3:14

Naagáy qeeru iri gáwtí tleés iri puruúts amór saaw. Niri tláw amooqae aga slahhaá', nari qa/iít baraá muunaáeene, nee /uuruú AAKOÓ MUNGÚ ina hatsiís.

ESEKIELI 43:4

Xirfuú AAKOÓ MUNGÚ iri dáh baraá Doó Mungú ar afkú bihhaá da/aáw.

ESEKIELI 43:5

Qeeru iri ar tláy iri huúw ay dír afeenidár guruú baraá do'. Aníng niri qaytsiít, naxés Doó Mungú xirfuuwós gwa tuuntuúk.

ESEKIELI 8:3

Naagáy gár adór dako aníng iri se'e óh. Qeeruú Mungú iri tleés dír tla/ángw doori nee yaamuwo, iri huúw ay Yerusalemu, aníng aqo baraá iigu'utuwú Mungú i dirií'. Niri hardáh dír dahmaá baraá matla/aangw bihhaá /iiko, didaádá' taa slaqsoó munguaá hatlá' i qaás, kudá' Mungú buhhtamís.

ESEKIELI 9:3

Aluuwo xirfuú Munguú múk Israeli iri quútl dír slaqsayduú keruúbiro, nee iri tsa/án ay gawaá maandár Doó Mungú. AAKOÓ MUNGÚ heedaádá' chupiito'ór wiíno koón nee tlabaá aa dahaás awa neewór kitaáni, guri ateét,

Tlehhema'aá ya/Abuuse 2:2

Naxés fur'ár dooraá daahh niri gaanslár hardát, a adór bambaaór fukukuu' ar /uuru. Fur'adá' do'dá' inooín i dirii'iya' guri hatsís sleémeero.

Tlehhema'aá ya/Abuuse 8:39

Qoomár tindiwa tsa/a/an baraá yaaér wa ale, Qeeruú Aako Filipo guri ar tláy. Filipo kwaa sangw malé ariiká nee heedaádá'. Heedaádá' iri kumiít aaiiwose, i hara qwalalaa/.

Geehhoeemaá 1:10

Bál Deelór Aakoowo Qeeru aníng ina i hardáh, afór ur ngiri axaás ar axwees aluueé' wa ale. Afoorí a adór afór tarumbeéta.

Geehhoeemaá 1:15

Nee ya'aawós a adór muqslír sirdaa/aat, ar taa hamaatla hhe'eés ar baraá asla. Nee afoorós a adór ma'aá yaariir awa wa/amiimá' baraá wa/ángw i alé.

Geehhoeemaá 19:6

Afo ngiri axaás ar adór afór boo/oó yaariír, nee adór afór ma'aá yaariír awa wa/amiimá' baraá wa/ángw i alé, nee slám adór afór xuuraaír /uuruú koom. Afoorí iri ó', «Mungú i xirfuuti! Asma Aakoó Munguúrén, Aleesleemusmoó mura' sleémeero, inós waawuti'iima gaa sláy.