ESEKIELI 29:8 - Biblía Axweesantá Hhohho' ar Mungú 2004

⁸ Gawaá adoorihe, anuú Aakoó MUNGÚ a kah, Aníng kuúng u slaqwarárí tleés, nee mukók sleémeero nee makaywo in tsuú/.

ESEKIELI 29:8 Iomraidhean Croise

IIMU/UUNGW 6:7

AAKOÓ MUNGÚ iri oó', «Mukdá' naa tleéhh u fiíts baraá yaamuwo, hee tam nee makaywo, nee muruú gur'eér hi'iimiít nee tsir/ór gáwtí tlatlaawa a fiíts sleeme. Asma muruuwí sleémeero naa tleéhh, aníng iga gurhaamír i qaás. Masók una tleehhiiká.»

TI'INAANGW 12:12

«Asma aníng an waaraáhh ar baraá yaamaá Misri xweeraadae, aníng na/aá baris sleémeero ngiri tsuú/ baraá yaamaá Misriro, oo hee tam oo makiito'o, nee munguidaá Misri sleémeero ngiri sakwasleemuút. Aníng a AAKOÓ MUNGÚ.

YEREMIA 32:43

Qamu kin tlaaxw baraá yaamuuká' kuúng tawa kat, ‹Yaamaá dewa'ame, múk gi hoót laqaá makaá ngi hootá' i kahhiyá', nee kaa haniís baraá dabaá múk Kaldayo.›

YEREMIA 7:20

Gawaá adoorihe anuú Aakoó MUNGÚ a kah, «Buhhtaawo aníng an daa/atúw dír yaamuuká' gawaá muu nee makaay, nee xaa'aá baraá qamu, nee balángw baraá yaamu. Sleémeero asltá ta baloó gaasiiká gin al'ót.»

ESEKIELI 14:17

«Barnaxes aníng slaqwara an iimu/uuma dír yaamuukae ar muu nee makaywo kiwa hhaamisi.

ESEKIELI 25:13

Gawaá adoorihe, anuú Aakoó MUNGÚ a kah, Aníng dakw'eé' u tleés gawaá múk Edomu, nee muu sleémeero nee makaywo ngiri tsuú/. Yaamuuín i deewa'atís iimír gixsár Temani ay gixsár Dedani, muu ku hhaamiis ar paánga.

ESEKIELI 30:10

«Anuú Aakoó MUNGÚ a kah, Waawutmo Nebukadnesa oo Babuloni un ar gadiyuús, as daqaari'iimár yaamaá Misri ngiwa hhaamisi.

ESEKIELI 30:4

Slaqwara ti'it baraá yaamaá Misriro, nee yaamaá Kushi gurhaamír ur gi sleér qoomár múk yaariír oo Misri burkwa tsuú/. Daqaari'iimar'ín barka ar tláy, nee ihhafiirír gixsaduuín barkaa feé/.