ESEKIELI 29:5 - Biblía Axweesantá Hhohho' ar Mungú 2004

⁵ Aníng kuúng uri kwaáhh baraá xaanxaay, kuúng nee siyó sleémeero kudá' baraá yaaeerók tidá' Nilirií dirií', slaqwtók kari kwaahh baraá xatsa, heé ga foól i kaahh. Aníng slaqwtók aga haniís as tawa muruú /aymár makaá xaraaslá' nee oo tsir/ór gawaá doori.

ESEKIELI 29:5 Iomraidhean Croise

WARA'AMI 74:14

Kuúng sagér Lewiatani ana naasuúr, as tawa muruú /aymár múk baraá xaanxaay.

YEREMIA 16:4

‹Mukwí i qaatl ar tiqtír pu/i nee heé tsuunqumiís i kaahh, laqaá heé gi foliít i kaahh. Tu'uuín nin tlufaafuiyá' adór tsuunkáy daanduú yaamuwo. Mukwí ku hhaamiis ar paánga nee qwari, nee tu'uuín a muruú /aymár tsir/o nee makaá sla/a.› »

YEREMIA 25:33

Baalaadae awa ta tsu/i nee AAKOÓ MUNGÚ i qaatiyá' bihhaá wák awa yaamu ay bihhiiqá'. Ki sa tsuunqumisiiká, sleeme ki burumburiiká, laqaá ki foliitiiká, aqo nin meetiyá' gawaá daanduú yaamu adór tsuunkoó hikwa.

YEREMIA 34:20

Aníng inooín i baraá dabaá wakuuser'ínií qaás, nee baraá dabaá mukdá' inooín gi tsu/utár wa slaá'. Tu'uuín tari /aymár tsir/ór gawaá doori nee makaá sla/a.

YEREMIA 7:33

Tuaá mukwí tari muruú /aymár gwares nee oo makaá sla/a, heé makayká' gi dae tsaát tumu wák i kaahh.

YEREMIA 8:2

Fadu kiri intlah dír tsee/amá nee slahhaangw nee tsatse/uú gawaá doori, dír muruudá' aáng inooín naa slaiyé' nee naa sagadiyusiyé', nee kudá' naa eehariyé' nee ngina hara'ayaárí lehhiitiyé', nee ngiri sluufmisiyé'. Faduuká' ki burumburiiká laqaá ki fooliiká', aqo nin meetiyá' gawaá daanduú yaamu adór tsuunkáy.

ESEKIELI 31:13

Tsir/o sleémeero iri iwít gawaá gu/eemidaá haleemi, nee makaá sla/a sleémeero haleemiidá' ngiri adaraahiyá'.

ESEKIELI 31:18

«Hhohhoaarír xa'anoowí nee uraywós xa'anoó kur alqoomeesi i kaahh baraá asalmoó Edeniro. Hám daxta, xa'anoowí a kuúng waawutmo Farao. Kuúng tu yaamií kwaahh baraá gi'i dinkwa nee xaai sleémeero awa Edeni. Kuúng tari qát dinkwa nee mukdá' Munguú xuaaká, nee tari haraagwá' nee kudá' taa tsuú/ ar paánga. Adoorí an adór kuúng tay diri', aá Faráo, kuúng nee mukók. Anuú Aakoó MUNGÚ tí aga oó'.»

Geehhoeemaá 6:8

Aníng niri qaytsiít, faraásír hatlá' ngiri ár ar baabahay. Heé faraásirí gaa i tsa/an umuuwós a Gwa'ara, gi'i nee inós tina al koomakoné'. Inooín kiri aleesleemuú i haniís baraá yaamuwo daanduú barakár wák baraá baduudá' tsiyahhawo, as muu kuwa tsu/i ar paánga, nee ar giyeé nee ar pu/i, nee ar makaá xaraaslá' awa baraaká' yaamu.

1 SAMUELI 17:44

Migusmooduú Filisti Daudi guri báy, «Qwaláng amoorií surukang, slaqwtók laarí a gwaresuú gawaá doorií haniís nee makaá sla/a.»