ESEKIELI 29:3 - Biblía Axweesantá Hhohho' ar Mungú 2004

³ Farao ku beer, Anuú Aakoó MUNGÚ a kah, Aníng nee kuúng ti araán, waawutmoó yaamaá Misri, kuúng an dayshmoó úr kudá' guaaiím baraá yaaér Nili wa alé. Kuúng a kat, ‹Yaaér Nili a te'eé', aníng ana tleéhh.›

ESEKIELI 29:3 Iomraidhean Croise

WARA'AMI 68:30

Geeraharuusér xoordaá hatlá' tidár adór makaá baraá sla/a iigahhaateek, xoordaá uren awa /uuruú koomá', adór boohhár yaqaambe nee daqtá /uuruú koom ar tsa/eeto, muxaaximeek ay dír iiaaín nay faxaatiya', nee ay dír peésa ngi haniisiya', kudá' slaqwarár sla'á' tsiyayaxeek.

WARA'AMI 76:7

Ala kuúng an dae tláq, kuúng kilók, kuúng bar aga búhh, heé sihhiít dír geeraawoge a heemá?

ISAYA 27:1

Baalaadae AAKOÓ MUNGÚ makiito'odá' ur ta bay Lewiatani gan muux ar paángarós tidá' yaangariir xaraasl. Inós i ni/iín baraá tlawtá wa ale, a dayshamoó úr oo baraá tlawtá hoót.

ISAYA 51:9

Tlawáng, tlawáng aá AAKOÓ MUNGÚ, ar /uuruuwoge ti ba/amis. Daarikiitáng adoodá' aáng taa tléhh qoomár qartadá' aa waarahhi. Ahaá a kuungeekáhe oo Rahabu gaa tlaqaqaat nee kudá' dayshamoodá' úr oo baraá ma'aay gwaa tla/a feehhamiis?

YEREMIA 44:30

AAKOÓ MUNGÚ i kaahi, «Ga/aawaak, Farao Hofra waawutmoó Misri un qaás baraá dabaá wakuuseerós tidá' slafiingós leelehhiit, adoodá' Sedekia waawutmoó Yuda ngura qaás baraá dabaá Nebukadnesa waawutmoó Babuloni, wakusmoowós, kudá' slafiingós gwaa leelehhiit.»

ESEKIELI 28:2

«Heewí, waawutmoó Tiro baweek anuú AAKOÓ MUNGÚ a kah, Kuúng aga ló'wa pooraa/amút sagabi/uuwo, sleeme tari ó', ‹Aníng a mungú, aga iwiít gawaá kitángw waawuti'iima oo munguaá hatlá', aga iwiít baraá tláwtí alé.› Ala kuúng a heé tawo, kuúng a munguheeká. Tam sagalooarók kilók a ara'aanda tawa adór taqár mungú.

ESEKIELI 28:22

Aariím daanduuwose, ka beer, Aakoó MUNGÚ i kaahi, ‹Kiíng Sidoóni, ga/aaweek, aníng nee kiíng ti araán, nee xirfuueé' nguri laqaám baraawók wa alé, qoomár sakwasleemar'eé' bara boo/eés daanduuwoge. Nee hhohhoartaeé' ngiri laqaám. Daqaní aníng kuungá' i tsahhá' adór aníng tar AAKOÓ MUNGÚ.

ESEKIELI 30:12

Aníng yaaér Nili nee duxeerose a kahaás, nee yaamaá Misri in weeriís dír múk tlákwií ale, yaamu sleémeero awa Misri i hhitiím ar dabaá múk dahaaye. Anuú AAKOÓ MUNGÚ tí ngina oó'.

ESEKIELI 30:22

Gawaá adoorihe, anuú Aakoó MUNGÚ a kah, Aníng nee Farao ti araán, waawutmoó yaamaá Misri. Dabaawós tsaraawo in giqáw, kudá' hhoó' nee kudá' taa geeqayi. Nee aníng paángadá' gawaá dakós i dirii' an yaamií kwaáhh.

ESEKIELI 32:2

«Heewí, tsuunqumiís as waawutmo Farao oo yaamaá Misri, ku beer, ‹Kuúng Farao, tiwa xu' a diraangw baraá tla/ángw xoorduuwo. Ala kuúng a adór dayshamoó úr oo baraá tlawi. An /uurúr ti'imít baraá yauwo, ma'aá baraá yau in /eeragaamís ar ya'aawók, nee yau in xwarangwxwariín.›

DANIELI 4:27

Gawaá adoorihe, aá waawutámo, gurbu'utaeé' tí iiaárí qaaseek. Tlakweema tlehhtuuwo maweek, gan'amu tleehheek, nee tlakweema maweek mukdá' ta baramaanuús gurtleemu ti tlehhit, daqaní deeloorók ar diihhooa ka tleerees.»

AMOS 6:13

Kuungaásingaá qwalala/á' as gixsár Lodebar kawa hayoté', slamí tin xirfayeemisá' tawa kata, «Ahaá, Karnaimu aga hayohanikáhe ar /uuruurén?»

NAHUMU 1:6

Heé buhhtaawós gi ilií óh a heemá? Heé xarasleemaawós gi aleedaám a heemá? Xarasleemaawós gin tsaafmiis adór asla, tam tlaa/e gin feehhamiis sleeme.

DABE 8:17

Gawaá adoorihe ti harmagahhe' ma baraá munerhúngí ooara', ‹Atén taa kiloorén daqaari'iitisaan ar /uureemoorén, nee aleesleemurén oo kilá'.›

Geehhoeemaá 13:11

Aluuwo makiito'ór hatlá' ngiri ár. Makiito'oorí i ti'imít yaamuú wa ale. Makiito'oorí xareemiwós a tsár, a adór xareemaá deelmoó bee/i. Makiito'oorí bir axwés afoorós a adór tidár dayshamoó úr.

Geehhoeemaá 13:2

Makiito'oodá' naa ár slaqsaywós a adór du'uma. Ya'aawós a adór kudá' makiito'ór ta babay duúbu. Afkós a adór kuduú diraangw. Dayshamoodá' úr makiito'oorí gari /uurií haniís, nee kitaangós oo aleesleemuwo, nee gari aleesleemuú yaariír i haniís.

Geehhoeemaá 13:4

Dayshamoodá' úr kuri sluufmiís asma adoodá' makiito'oodá' ngiwa aleesleemuú i haniís. Makiito'oodá' sleeme kari sluufmiís, tari káh, «Heé slaqás nee makiito'oorí a heemá? Nee slám heé makiito'oorí ga aleesláw slaqwaraaro a heemá?»

Geehhoeemaá 16:13

Aluuwo qeeruú tám oo slasla/arén nguri ár, oo slaqás nee aamaxupa. Qeeruuwí amór i dahhi a baraá afkú dayshamoodá' úr, nee baraá afkú makiito'oodá' nee baraá afkú aarusmooduú lama.

Geehhoeemaá 20:2

Dayshamoodá' úr guri óh, kuduú aáng. Inós an kudá' tlaákw nee Neetlaangw. Guri tseék kureeri kumuú wák,