ESEKIELI 28:9 - Biblía Axweesantá Hhohho' ar Mungú 2004

⁹ Xáy, kuúng aqo kumíta tawa kat, ‹Aníng a mungú,› dír geeraá mukdá' kuúng u gaamisa? Kuúng tin tsáhh adór tar hee, ala a munguheeká dír geeraá mukdá' kuúng u tlaqmiisa'a.

ESEKIELI 28:9 Iomraidhean Croise

WARA'AMI 82:7

Ala tam adoorihe kuungá' a qatlá', adór múk hatlá' ir qatli, slafingwhúng i alhhe'eesuut adór slafíngw geeraharusmo ir alhhe'eesuuti baraá waawuti'iimarose.»

ISAYA 31:3

Múk Misri a muu, inooín a Munguheeká, nee farsuuín a makaay, slám a qeeruwoká. Qoomár AAKOÓ MUNGÚ dakós burngwa tleés xooroodá' ale/isoó hanmamiis kan gee/aasl nee tidá' ta alee/iimisi in hú', xoorduuká tsaraawo niri hhaná'.

ESEKIELI 16:49

Dakuúsár hho'oorók Sodoma a tí. Inós nee dasuuwós muruú /ayma nee balángw yaariír nguwa slayé', daara/ángw yaariír gina áy, tari pora/amuút, kudá' dabe kaaharen alee/iisaro ngina gunqareesiyé'.

ESEKIELI 28:10

Kuúng a gwá' ar gwa'arár heé taa hhehhe'eesiiká gawaá dabaá xoordaá hatlá'. Asma anuú Aakoó MUNGÚ tí aga oó'.»

ESEKIELI 28:2

«Heewí, waawutmoó Tiro baweek anuú AAKOÓ MUNGÚ a kah, Kuúng aga ló'wa pooraa/amút sagabi/uuwo, sleeme tari ó', ‹Aníng a mungú, aga iwiít gawaá kitángw waawuti'iima oo munguaá hatlá', aga iwiít baraá tláwtí alé.› Ala kuúng a heé tawo, kuúng a munguheeká. Tam sagalooarók kilók a ara'aanda tawa adór taqár mungú.

ESEKIELI 28:8

Inooín un /aytisiyá' baraá bohoongw, kuúng tari gwá' ar gwa'arár tlakw adór tigár hee aa /eet baraá iltá ma'aay.

SEFANIA 2:15

Gaarí aqo tsuuwá gixsadáe, tidá' aa hot ar daara/aangw nee diihhooa, tidá' aa baraá muunaáwós i o', «Aníng an aníng, oo hatlá' i kaahh, aqo har aníng.» Ga/aawaak adór ira deewá', diirí tari dír makaay ni watliya'. Umuúqo heé waaraahha gan niqmis gari qoongo'oomiis.