ESEKIELI 28:16 - Biblía Axweesantá Hhohho' ar Mungú 2004

¹⁶ Slaasláwár yaariir ar taa sleér uri malgu'uumár ar eér, nee tlakweema kiri tléhh. Gawaá adoorihe án un guús adór gár slasla/aár wa ale dír tloomar'eé' tidá' hhoohhooe. Nee keruúbidá' u xuúm uri tlatlahhás amór saaw baraá tla/ángw tlaa/eedá' qwiirii/á' wa ale.

ESEKIELI 28:16 Iomraidhean Croise

IIMU/UUNGW 3:24

AAKOÓ Mungú hee guri guús baraá asalmoodae, keruúbi gari qaás bihhaá da/aáw awa asalmoó Edeni. Paángár asla ar war'eeliim amorqá' nee amqae gari qaás, asma loohidá' amór xa'anoó slafíngw kaw kawa xun.

IIMU/UUNGW 6:11

Múk baraá yaamu aa hhitiruuta hhe'eés dír geeraá Munguhe, yaamu nari hatsiyé' hara/untsawo.

ISAYA 22:19

Aníng kuúng u kwaáhh baraá geeraharu'uumaro, uri daáhh dirók tidá' tay diria.

ISAYA 23:9

AAKOÓ MUNGÚ Aleesleemusmo kaangwí guna qoomeés, as daara/angw'ín kudá' aa xirfuut nguwa slasla/areesi, nee mukdá' sleémeero ta ilaiwawa/i nguwa mureekeesi baraá yaamuwo.

ESEKIELI 28:14

Aníng keruúbi una tsawaár as kuúng uwa xun, kuúng ana hót gawaá tloomar'eé' tidá' hhoohhoó' wa alé, nee ana hi'imít baraá tlaa/aá qwiirii/á' wa ale.

ESEKIELI 8:17

Mungú iri báy, «Heewí, kuúng kaangwí ugwa aándi? Tam adoorihe, múk Yuda adoorí iwa mune duxuna' kawa ga/ay a gár niina. Yaamu gaa hatsisiyé' /aytaro, adoorihe tari buúhh aníng mune duxuungo. Áx ga/aaweek adór haleemaá xaai ngira qaasiyé' gawaá dunger'ín.

HOSEA 12:7

Múk Israeli a adór heé halaanu'uumár tleéhh ar al/ayma, muu gun slaa' nguwa /aytin.

AMOS 3:9

Gimsé', afo ilahanisaak baraá maraydá' gawden awa Ashadodi nee amór maraydá' gawden awa yaamaá Misri, muu bawaak, «Burumburiité' gawaá tlom'aá' Samaria, daqaní ta qaytsitá', wayaqamuú yaariír araak nee /aytár yaariir ar baraadá' wa tleehharumiit.»

OBADIA 1:3

Daara/ángw muunaáwók ina al/agín. Kiíngadá' hotaatiim baraá mar'ór tlaa/é wa alé, kiíngadá' do'ók ugwa tlehh gawaá tlooma, hanoosáy a baraá muunaáwók i kat, «Heé aníng aweeriisaro i asláw a heemá?»

MIKA 2:10

Quutlé', tlawsé', asma diirí a dír amohhooarhungeeká malé alé. Asma slasla/areemaahúng yaamuuká' ngaa qwaareesiyé', eeít, ar qwaareemisuú iló' ló'wa alé.

MIKA 2:2

Qaymo birnga ilatleeruusiyé', aqo ngin hayohiyá', do' burungwa ilatleeruusiyé', aqo ngun hayohiyá'. Hee nguri baramaanuusiyá', nee múk do'ose, muu nguri aali hayoohiná' sleeme.

MIKA 6:12

Dirhunge daqaarér narkuutér al/agagiim i deer, kuungá' sleémeero a lamuuse, aferhunge a al/aymár katá'.

HABAKUKI 2:17

Asma tlakweemaadá' taa tlehhahhít dír múk Lebanoni kuúng u i ki/iyá', nee makaydá' taa tsu/aa/iín kuúng u de'eérár gaasiyá'. Tí sleémeero kuúng u sleér asma mukdá' taa tsú/ nee /aytaadá' taa tlehhahhít baraá yaamuuká' nee dír yaamuloouusér baraá gixsaduín wa hoot.

HABAKUKI 2:8

Asma kuúng xoordaá yaariir ina hayoohahiín, panaydá' aa meet kuúng tun hayoh, asma tseerdaá mukdá' kuúng taa ku'umaamís nee tlakweemaadá' taa tlehhahhít dír múk baraá yaamu nee gixsaduuine.»

SEFANIA 1:9

Baalaadae muu sleémeero kudá' munguaá lama ngi i tumbarara'amiitá' un muúx, kudá' doó aakooín ngu hatsmiisá' ar muruú tinda /awaa/awín nee oo fiiso.»

Yohana 2:16

Mukdá' hhookár weerimiís guri báy, «Muruusíng sleémeero hingeesaak. Doó Baabuúeé' mu doó halaanu'uuma tleehhara'.»

Geehhoeemaá 12:9

Dayshamoodá' úr kunguri kwaáhh, dayshamooduú aáng, kudá' ta babay oo tlaákw nee Neetlaangw. Inós an kudá' muu sleémeero gu al/agagiím. Kunguri kwaáhh baraá yaamu. Malaykeerós sleeme kingiri kwaáhh dinkwa nee inós.