ESEKIELI 28:12 - Biblía Axweesantá Hhohho' ar Mungú 2004

¹² «Heewí, tsuunqumiís daanduú waawutmoó múk Tirowo. Ku beer, Aakoó MUNGÚ i kaahi, Kuúng aáng a slaqsoó ganaá', sagalooaro a háts, nee tu ló'wa hhoohhoó'.

ESEKIELI 28:12 Iomraidhean Croise

IIMU/UUNGW 3:5

Asma Mungú ga xuu' bál kuungá' mamaá xa'anoowí bira /agé', ilaahúng ki gwa/atis, kuungá' tari adór Mungú tleehhitá', muruú hhó' nee oo tlákw kuwa xua'.»

2 QOM'I 35:25

Aarusmo Yeremia daa'ángw tsuunqumis gway daá' as daanduú waawutmo Yosia. Daauusér hhawaate nee /ameenaaro sleeme Yosia kuna satsuunqumiís ar daa'aangw ay laarí. Adoorí iri dawa tleehhít baraá Israeliro. Daa'angwí dír kway gooín a baraá kitaábuú tsuunqumis.

AXWEESANOÓ SAGALOOA 21:30

Sagalooa i káhh tam tsaahha i káhh sleeme, laqaá tam gurbua i káhh sleeme ar ta tleehhi a dimbé nee tidá' AAKOÓ MUNGÚ i slai.

ISAYA 10:13

Asma waawutmo i kaahi, «Tí ana tleéhh ar /uuruú dabaaeé', nee ar sagalooar'eé', asma aníng tsaahha a koóm. Digeemaá muu iga hingeés, nee slaasláwar'ín ngiri ar tláw, nee kudá' gawaá kiteeraá waawuti'iimár wa iwiiwitá', ina diíf adór awu, ngiri /aytamiís.

ISAYA 14:4

baldá' kuungá' waawutmoó Babuloni kuri kooyiindá' ar girayduuwí, «Xáy baramaanusámo, adór tura xasltís, kuúngudá' xaraásl, adór tura baraá dewa'ameérí xasltís.

YEREMIA 9:23

AAKOÓ MUNGÚ i kaahi, «Heé sagaloó' mitiwa xirfayeemiís as sagalooarós, heé /uuruú koóm mitiwa xirfayeemiís as /uuruuwós, heé daqaarmo mitiwa xirfayeés as daqaari'iimarós.

ESEKIELI 19:1

AAKOÓ MUNGÚ aníng ina báy, «Tsuunqumiís as daanduú geeraharuusér Israeli.

ESEKIELI 19:14

Asla ina ti'ít baraá tla/ángw xa'anoodá' wa alé, haleemi nee mamuuwo giri /ák, haleemiiwós i baloó iiay'aaká, laqaá i adór hhartá waawuti'iima tleehhitiaaká.» Gaarí a tsuunqumis, nee i tsuunqusmo tleehhit.

ESEKIELI 26:17

Inooín tiri satsuunqumiis ar afór ur, tari ooi, ‹Kiíng gixsár iia tleer taa hhaamiís, taa amór tlawtá wa kwaáhh! Kiíng nee yaamuloouuseerók /uuru una laqaandé' daanduú tlawto, tidá' taa da'ayumiít nee múk yaamaá kaahaar sleémeero.

ESEKIELI 27:32

Daa'ángw tsuunqumis kun daa' as kiíng, ‹Heé taa adór gixsár Tirór waá hhaamiís baraá tla/ángw tlawi a heemá?

ESEKIELI 28:11

Axweesantá AAKOÓ MUNGÚ ana malé axaás, i kat,

ESEKIELI 28:15

Kuúng tu lo'o wásl baraá hotaawoge, iimidá' tuwa tleéhh ay qoomaadá' tlakweema kiwa iimu/uún tlehhtuuwo.

ESEKIELI 32:16

Gaarí an tsuunqumisuudá' oo /ameenár xoordaá hatlá' iri tsuunqumiis daanduú yaamaá Misriro nee mukós sleémeero. Anuú Aakoó MUNGÚ tí aga oó'.»

ESEKIELI 32:2

«Heewí, tsuunqumiís as waawutmo Farao oo yaamaá Misri, ku beer, ‹Kuúng Farao, tiwa xu' a diraangw baraá tla/ángw xoorduuwo. Ala kuúng a adór dayshamoó úr oo baraá tlawi. An /uurúr ti'imít baraá yauwo, ma'aá baraá yau in /eeragaamís ar ya'aawók, nee yau in xwarangwxwariín.›

ESEKIELI 43:10

«Heewí, hám daxta, múk Israeli kángw Doó Mungú ti beer, nee adoodá' kura tleéhh ngi intsaatsahhiye'. Ki mureekeesi nee tlakweemaaín.

SEKARIA 9:2

Nee gixsár Hamati sleeme tidár baraá digmií dirii', nee Tiro nee Sidoni tam inooín ki sageeloene.

Luka 2:40

Nee na/aydá' iri uráy, /uuru gway tleéhh, fuquraango i haats, nee i tsuuqaá Munguú kón.

Tlehhema'aá ya/Abuuse 6:3

Hhaeerén gimsé', múk faanqw tsawaaraak tla/angwhunge, oo ta hhooár i xua', nee oo taa hatsiís Qeeruú hhoohhoó' oo Munguhe nee sagalooa, as kiwa qaasaan baraá gadiyeérí.

Rumi 15:28

Ala bar gadiyeérí aníng ngaa hhe'eés, nee bar ohmeerí sleémeero taa uhín as inooín aga haniís, daqaní aníng a tláw ay yaamaá Spania, niri amorhúng ar waaraáhh.

1 Korinto 3:19

Asma sagalooár muu a daktu'uuma dír Munguhe. Asma Gooi i kat, «Mungú múk sageeloén gu ohaahín baraá al/aymar'ine.»

2 korinto 1:22

Nee slám tiri layaarós i qaás, nee Qeeruuwós nguri haniís baraá muneerén i alé as inós tawa arhaánirén.

Kolosai 1:9

Gawaá adoorihe iimír kaangwí kuwa axaasaán, atén kuungá' naa mawaaniiká aleefirooro. An firiiriimaán as Mungú nuwa sagalooárí haniisi nee aleesleemuú amór Qeeruú hhoohhoó' oo Mungú daáhh, as sla'aarirós kawa tsaahha hhe'esa'.

Kolosai 2:3

Sagalooár Mungú sleémeero nee xu'utirós sleémeero i baraá Kristo i dirí'.