ESEKIELI 27:6 - Biblía Axweesantá Hhohho' ar Mungú 2004

⁶ Xaa'aá ti'ita kina leéhh Bashanírí alé, kiri hhaansi'ír tleéhh awa miringe madit. Nee xooslár slaqwara kana tleéhh ar xa'anoó ta bay sunobaárí Kiprór daahh, nee kari qaalín ar xareemaá daawe.

ESEKIELI 27:6 Iomraidhean Croise

IIMU/UUNGW 10:4

Daaqoó Yafani a Elisha, nee Tarshishi, nee Kitimu nee Dodanimu.

ISAYA 2:13

Nee daanduú sahhtár Lebanoniro, tidaádá' tledaadet aa gáwtí sawes nee gawaá daanduú ti'ita sleémeero oo yaamaá Bashani.

ISAYA 23:1

Kaangwí a iigu'utuú Mungú aa laqán daanduú Tiroro. Kuungaásá múk Tarshishi awa baraá tlawtár hi'iimamitá' tsuunqumisé', asma gixsár Tiro kaa hhaamiís tam maraydaá afaá tlawi i kahhiyá'. Bál bar naa ki/é' Kuprór wa ale, kaangwí u axasá'.

ISAYA 23:12

I kaahi, «Aá gixsár Sidoni, tidár baramaanuso'o, kiíng qwal/uwo a ki/iká, tam bar yaamaá Kuprórí goba, amorqae amohhooa a sleeraaká sleeme.»

YEREMIA 2:10

Xáy, gimsé' tlawi waarahhaak ay Kipro ka aandá', laqaá muu ya/aawaak amór Kedari siitsawe ka ay, barnaxes gár adór tí aa tleehharút.

YEREMIA 22:20

Kuungá' múk Yerusaleému, tsa/amé' gawaá Lebanoni, /aa/é', aforhunge tsee'é' amór Bashanír wa alé, /aa/é' amór tloomár Abarimu wa alé, asma sla'aaruuseerhúng sleémeero kaa hhaamiís.

DANIELI 11:30

Meélír Kitimúr daahh gu i haraatleér, inós iri daanda feehhiit iri alií kii/ ar mune, alqadoodá' hhohho' gari hhitín. «Inós gurbu'úngw mukdá' aa dee/anuut dír alqadór hhohhoe guri eehár.

SEKARIA 11:2

Kuungaá xaa'aá sunobaári tsuunqumisé' asma sahhta aa hú' asma xaaiidá' xirfayen naa hhiturutiyé', kuungaá xaa'aá ta/eewér Bashani, tsuunqumisé', asma gartá /uuruú koom aa hhaán,

FAARO 21:33

Múk Israeli tari warqáy, loohír Bashanír kaw kari óh. Waawutmo Ogu oo Bashani nee slaqwaruseerós tindiri haraatláy amór Edrei.

FAARO 24:24

Miringér Kitimúr daahh in hardát, Ashuru nee Eberi kin i haratláy. Ala múk Kitimu sleeme kuri hhaamiis ay alhhe'eesay wasle.»