ESEKIELI 27:3 - Biblía Axweesantá Hhohho' ar Mungú 2004

³ gixsár Tiro tidár afaá tláwtí dirii', ar mukós halaanu'uumár tlehhahhiít dír yaamaá afaá tlawtá wa ale ka beér, Aakoó MUNGÚ i kaahi, Kiíng Tiro ana ó', ‹Aníng ti ló'wa hhoohhoó'.›

ESEKIELI 27:3 Iomraidhean Croise

WARA'AMI 50:2

Iimír baraá Siyoniro, gixsadá' ló'wa hhoohhoo', gwa/aateemaá Mungú i qwiirii/iyá' adór tsee/amá.

WARA'AMI 83:7

múk Gebali, múk Amoni nee múk Amaleki, múk Filisti nee múk yaamaá Tiro.

AXWEESANOÓ SAGALOOA 31:14

Inós a adór meélír halaanu'uumár aa'aw Muruú /aymaarós ngun húp amór saáw wa ale.

ISAYA 23:11

Asma inós dakós gwaa tleés gawaá daanduú tlawi, waawuti'iima gari diingiís. AAKOÓ MUNGÚ hara'aya gaa oó' ar koo/ír gawit ar Kana'ani kawa hhaamisi.

ESEKIELI 16:15

«Ala hhohhoaarirók tisíng ana harahhíf, as tiwa hhoohhoó' tsaatu'uumár eér, nee sli'ima kari tléhh nee umuúqo heé waaraahha.

ESEKIELI 26:12

Daqaari'iimarók ngiri ar tlayá' nee umuú gaaro ar ta koonda. Koo/irók ngi fee/iyá', nee marayhúng kudá' xirfayen ki yaamií daahh, kudaá tlaa/e nee awa peehháy, nee hhapeedá' taa maraysír tlehhé' gari ku'uus baraá tlawi.

ESEKIELI 26:17

Inooín tiri satsuunqumiis ar afór ur, tari ooi, ‹Kiíng gixsár iia tleer taa hhaamiís, taa amór tlawtá wa kwaáhh! Kiíng nee yaamuloouuseerók /uuru una laqaandé' daanduú tlawto, tidá' taa da'ayumiít nee múk yaamaá kaahaar sleémeero.

ESEKIELI 27:4

Digmuuwók i baraá guruú tlawi, qwatsiiruuseerók kiíng ina tléhh ar adór hhoohhoo'.

Geehhoeemaá 18:3

Asma múk xoordu sleémeero gwa oonitimís ar tsaatu'uumarós tidá' xaraasl adór difaáír aa hamat. Nee waawituú baraá yaamu aa fuquús nee inós. Nee múk halaanu'uumár tlehhiít baraá yaamuwo, aa daqaari'iít ar daqaari'iimarós tidá' ur ar har qoomay wasl.»