ESEKIELI 27:22 - Biblía Axweesantá Hhohho' ar Mungú 2004

²² Mukdaádá' muruú tlaxuúm oo Sheba nee oo Rama halaanu'uuma ngina tleehhiyé' nee kiíng, muruudá' ta baraá muruú /aymárií qamin nguna huwiyé', nee tlaa/aá tlaxo uren, nee sahaábuwo, xooslaarók tidá' hhohho' kari sláy.

ESEKIELI 27:22 Iomraidhean Croise

IIMU/UUNGW 10:7

Daaqoó Kushi a Seba, nee Hawila, nee Sabta, nee Ra'ama nee Sabteka. Nee daaqoó Ra'ama a Sheba nee Dedani.

IIMU/UUNGW 43:11

Baabuúwós Israeli iri oó', «Bar adoosíng, adoorí na tleehhaak, muruú hhó' oo yaamu na huwaak ar xosluuhúng: Di/tá niina ar mooyaangw, danuú niiná, moqoonjó, nee mooyangwdá' ta babay manemane, josi, gár adór karaánga, nee loósi, gár adór miniqiti.

1 QOM'I 1:9

Daaqoó Kushi aa laqwaál a kwí: Seba, nee Hafila, nee Sabta, nee Ra'ama nee Sabteka. Nee daaqoó Ra'ama aa laqwaál a kwí: Sheba nee Dedani.

WARA'AMI 72:10

Waawituú Tarshishi nee múk yaamaá kaahaar oo baraá tla/ángw tláwtií dirií', koódi ngi huwiye', waawituú baraá Sheba nee Seba qeemuú i kona' ngu haniisiye'.

WARA'AMI 72:15

Waawutmo i hooti, nee sahaábuú Sheba ku haniisi dirós, ku aleefiriirin nee muu umuúqo qoomaaro, nee ku tsuuqaá Mungú i slai deelo sleémeero.

ISAYA 60:6

Yaamuuwók ki tuuntuuk nee daqtá angamía. Eeít damaá angamía awa múk Midiani nee Efa, nee sleémeero awa Sheba nin hardihiyá'. Inooín sahaábu nee mooyángw tsuú' ngun huwiyá', nee inooín xirfuú AAKOÓ MUNGÚ ngun alki/iitiyá'.

ESEKIELI 23:42

Naagáy tsimaahhír múk hhaslitaaká adór múk aa oonimiit kari axaas i baraá xaanxoó dáhh. /Ameenadá' kari mungiaá hhohhó' i dahaás nee slam'aá hhohho' gawaá sager'ine.

ESEKIELI 28:13

Ana Edenír wa hót, dír asalmoó Mungú, tuna qaalín ar tlaa/aá tlaxo uren, awa akiíki, nee topaási, nee yáspi, nee sabarajaádi, nee beriíli, nee sardoniíki, nee yakuúti-sirboo/, nee miisli, nee sumariídi. Tuna qaalín ar sahaábu hhohhó'. Muruuwí sleémeero kuna amohhe'eés as kuúng, iimír bál tuwa tleéhh.

ESEKIELI 38:13

Yaamulouusér Sheba nee Dedani dinkwa nee múk halaanu'uumár tlehhiít oo yaamaá Tarshishi nee oo isapaydá' bir yaahamisiyá', tawa kaahi, ‹Xáy, naa haasaángú léhhi? Xáy, slaqwaruuseerók aga buruumbúdi as tawa haratleera' nee haasaáng kuwa ar tleér nee peésa kawa taatahh nee sahaábu, nee haasaángú yaariír kuwa ar tleer?› »