ESEKIELI 27:17 - Biblía Axweesantá Hhohho' ar Mungú 2004

¹⁷ Tam múk Yuda nee oo Israeli halaanu'uuma ngina tleehhiyé' nee kiíng. Inooín angaáno nguna hanisiyé', nee seituúni, nee /aantsír aa geerií hamat, nee dane, nee di/i nee mooyángw tsuú', as bu'utuú muruuwók.

ESEKIELI 27:17 Iomraidhean Croise

IIMU/UUNGW 43:11

Baabuúwós Israeli iri oó', «Bar adoosíng, adoorí na tleehhaak, muruú hhó' oo yaamu na huwaak ar xosluuhúng: Di/tá niina ar mooyaangw, danuú niiná, moqoonjó, nee mooyangwdá' ta babay manemane, josi, gár adór karaánga, nee loósi, gár adór miniqiti.

1 WAAWITÁ 5:9

Sagadiyuuser'eé' xaaidá' ngi aweerís gawaá Lebanonír wa ale ay baraá tlawi, aníng ngi gan'aás ar baraá ma'aay, birka dinkwárí tseék ay didá' kuúng naa ó'. Didaádae in gweér, daqaní ki ilaaót. Ala aníng gár ni dirógí slaa' a muruú /aymár dooeé' ngun sleér.»

2 QOM'I 2:10

Mukduú xaai tlaaqa aníng u /aymiís, ar puuruú angaáno oo taa tuú' oo guniyadu kume tsár, nee guniyadu kume tsár awa angaánooduú shayiri, nee liíta kume tsiire tsiyáhh ar difaái, nee liíta kume tsiire tsiyáhh ar di/i.»

ESRA 3:7

Inooín peésa kari haniís dír qwatsiiruuse nee múk hhasliít, muruú /ayma nee oo wahaangw nee di/ito kina haniís dír múk Sidoni nee oo Tiro as xaa'aá sahhta kingiwa tsati gawaá tloomár Lebanonír wa ale, nee kingiwa huwi ar baraá tlawi ay gixsár Yopa, ar adoodá' Koreshi waawutmoó Persia ngira pa/ángwií haniís.

YEREMIA 8:22

Ahaá, baraá yaamaá Gileadiwo xa'anoó maasáy i káhhi? Ahaá, qwaslaarmo i káhhi Gileadiwo? Ahaá baré muk'eé' kuú narkute kwa hungu/uusiiká.

Tlehhema'aá ya/Abuuse 12:20

Herode iri ló' wa buúhh dír múk Tiro nee Sidoni. Inooín kuri hara daqáy ar muunuú wakleeli'iima. Blasto kuna mulqi'iimár i tleéhh, asma Blasto an heé doó gu'utér waawutmo gu amohhe'eemiís. Tari wayduú áy amór Herode, asma múk yaamuuín muruú /ayma dír nguwa slaslay a dír yaamaá waawutmo.

DABE 32:14

Inooín di/i nee ilwa ngina dír hikwá wa slayé'. Di/tá bee/aangw nee ar gwaandaawe ngina slayé', daqoroó Bashani oo awe nee aara, dinkwa nee angaánoó ló'wa hhohhó'. Difaáír /aben ar mamaá sabiíbu ana wahaandé'.

DABE 8:8

Yaamuuká' a yaamaá angaánoó shayirír koomá', nee xaa'aá sabiíbuwo, nee /aantsihe, nee xaa'aá ta babay komamaángaro, nee seituúniro nee danuhe.

HAR'OHUUSE 11:33

Yefta baalír ur gana sláy, gixsadaá mibeeri tsár awa Aroeri, nee kudaá iisaapoó Minitiro, nee Abel-keramimu giri hayóh. Múk Amoni kuri ló'wa baál nee xoorór Israeli.