ESEKIELI 27:12 - Biblía Axweesantá Hhohho' ar Mungú 2004

¹² «Múk yaamaá Tarshishi nee kiíng halaanu'uuma ana tlehhé', asma daqaari'iimarók tidá' a tsiniq, tidár umuú daa'awto. Daqaari'iimár peésa, nee ar muqsla, nee ar baáti nee ar harsaásaay as muruuwók kudá' taa slá' kuwa sleer.

ESEKIELI 27:12 Iomraidhean Croise

IIMU/UUNGW 10:4

Daaqoó Yafani a Elisha, nee Tarshishi, nee Kitimu nee Dodanimu.

1 WAAWITÁ 10:22

Asma waawutmo miringér Tarshishír kakaw ngiwa kon baraá tlawto nee ar Hiramu in al'aa'aá kakeér. Baraá kureeraá tame daqeemu ngu hhe'es wak. Gár ni huwahuwiya' a sahaábu nee peésa nee xareemi nee poohám nee tsir/orká ta bay tausi.

1 WAAWITÁ 22:48

Waawutmo Yehoshafati miriingér Ofiri kakaw gana tleéhh ar sahaábu leehha, ala ina hardatiká, asma ina qeqtiín baraá Esion-geberi.

2 QOM'I 9:21

Solomon miringér sagadiyuusér waawutmo Hiramu ir aa'aá kakeer ay yaamaá Tarshishi gan kón. Alaá kureeraá tame miringeedá' ni kikí/ ar sahaábu nee peesaaro nee xareemaá daweero, nee poohame nee tsir/ór ta bay tausiro.

WARA'AMI 72:10

Waawituú Tarshishi nee múk yaamaá kaahaar oo baraá tla/ángw tláwtií dirií', koódi ngi huwiye', waawituú baraá Sheba nee Seba qeemuú i kona' ngu haniisiye'.

ISAYA 2:16

Nee gawaá daanduú miringe sleémeero ar yaamaá Tarshishi, nee gawaá daanduú miringe sleémeero tidá' hhohhoe.

ISAYA 23:10

Baraá yaamuuwók ar waaraahheek adór yaaér Nili, kuungaásá múk Tarshishi, asma daxta gár nu tatlmis i káhh.

ISAYA 23:14

Tsuunqumiisé' kuungaásá miringér Tarshishi, asma koo/irhúng tidá' tay gwaagoba' kaa gaás.

ISAYA 23:6

Tlawsé', ta'aaimé' ay yaamaá Tarshishi, tsuunqumiisé' kuungaásá yaamuloouusér afaá tlawi.

ISAYA 60:9

A miringér baraá ma'aay tidá' yaamaá afaá tlawtá daahh, kinga geerahaár nee miringér Tarshishi. Tidá' na/iiwók ngaa amór saáwa ki/is, peésar'ín nee sahaábu ngi koná' as daanduú umuú AAKOÓ MUNGÚ, Munguúhúng, nee daanduú Kudá' wák oo Hhoohhoó' oo Israeli, asma inós kuungá' nuna xirfayeés.

YEREMIA 10:9

Slaqsi'ii'ín kuká' kina parootuús ar peésár Tarshishír daahh, kina parootuús ar sahaábuú Ufasír daáhh. Gaarí an gadiyér kareeruú kwahho ga xuú', nee múk sahaábuú kwahhuút. Kaa tlabaá sirbó/ií dahaás nee awa sirda/aten, kudá' taa tleéhh ar daba'.

ESEKIELI 27:11

Múk Arfadi nee oo Hela nee slaqwaruuser'ín ko/uuwók ngina xuné' bihhe sleémeerowo, múk Gamadi maraywók kudá' tlet ngina xuné'. Inooín gaambuuín ngina sihhiyé' bihhe sleémeero awa koo/irók. Gawaá adoorí tiri ló'wa hhohhoeés.

ESEKIELI 27:13

Múk Yafani, nee oo Tubali nee oo Mesheki halaanu'uuma ngina tleehhiyé' nee kiíng, inooín tiri muk'ín i weerimiís as kahhó' xooslaarók tidár muqslár sirda/aten kawa slay.

ESEKIELI 27:16

Múk Edomu halaanu'uuma kana tleéhh nee kiíng asma muruú ta weermis ku ló'wa úr. Inooín xooslarók ngina tlaxuné' ar tlaa/aá ta bay akiíki, warqamaá sirda/aten, warqamaá taa qaalín ar kitaánír hhohho' nee tlaa/aá ta bay marijaáni nee awa yakuúti.

ESEKIELI 27:18

Múk Damasko halaanu'uuma gana tleéhh nee kiíng asma muruú yaariír ta koon, asma daqaari'iimár yaariir ar umuú daa'awto. Ina difaáír Helbonír daáhhií hanisiyé', nee se'éngw /awák oo bee/aangw.

ESEKIELI 27:33

Xooslaarók tidá' iwa hardát gayuuqá', mukdá' xooslarók tí ga slaá' gari harhhe'ees. As yaareemaá daqaari'iimár xooslarók tí. Waawituú daanduú yaamu una daqaari'itís.

ESEKIELI 28:16

Slaasláwár yaariir ar taa sleér uri malgu'uumár ar eér, nee tlakweema kiri tléhh. Gawaá adoorihe án un guús adór gár slasla/aár wa ale dír tloomar'eé' tidá' hhoohhooe. Nee keruúbidá' u xuúm uri tlatlahhás amór saaw baraá tla/ángw tlaa/eedá' qwiirii/á' wa ale.

ESEKIELI 28:5

Ar fuquraangók oo yaariír baraá halaanu'uumaro, daqaari'iimarók aga tlahhás, tari daara/út as daqaari'iimarók.

ESEKIELI 38:13

Yaamulouusér Sheba nee Dedani dinkwa nee múk halaanu'uumár tlehhiít oo yaamaá Tarshishi nee oo isapaydá' bir yaahamisiyá', tawa kaahi, ‹Xáy, naa haasaángú léhhi? Xáy, slaqwaruuseerók aga buruumbúdi as tawa haratleera' nee haasaáng kuwa ar tleér nee peésa kawa taatahh nee sahaábu, nee haasaángú yaariír kuwa ar tleer?› »

YONA 1:3

Ala Yona ina tláy, iri goów amór yaamaá Tarshishi, as iwa nahhaati AAKOÓ MUNGÚ wa alé. Ina aweér ay yaamaá Yopa, miringamoó yaamaá Tarshishír káw guri ár. Yona peésa gari buú', iri tsa/án baraá miringamoó i alé, as tiwa kona' nee inooín ay yaamaá Tarshishi, as iwa nahhaati dír AAKOÓ MUNGÚ wa alé.

Geehhoeemaá 18:12

Muruuín kudá' ta tlaxwaaxun a kwí, sahaábu nee peésa nee tlaa/eedá' tlaxo uren nee kwasluudá' tlaxo uren, inqwaruudá' /awák taa tleéhh ar kitaánír hhohho' nee kudá' sirda/atén, nee inqwaruudá' natsaatsaá' nee kudá' da/atén, nee umuúqo xa'anoó mooyaangw tsuua, nee umuúqo xooslmoó taa tleéhh ar xareemaá daawe, nee umuúqo xooslmoó taa tleéhh ar xa'anoó tlaxo úr, nee kudá' taa tleéhh ar muqslár sirda/aten, laqaá ar muqslár da/aten, laqaá ar tlaa/eedá' ta bay marumaru.