ESEKIELI 26:3 - Biblía Axweesantá Hhohho' ar Mungú 2004

³ Gawaá adoorihe, anuú Aakoó MUNGÚ a kah, Aníng daxta nee kiíng Tiro ti araán. Xoordaá yaariir ngi tleés, inooín kiíng in i haratlayá' adór gwaanduú ma'aay.

ESEKIELI 26:3 Iomraidhean Croise

WARA'AMI 107:25

Ina ilawaáts, bambaao niri hardát, gwaanduú ma'aay iri sihhiít.

ISAYA 5:30

Baalaadae nin /orootliyá' gawaá múk Israeli adór tlawtá aa lexwaandut. Heé yaamu gaa i qaytsiit, gár i ari a giwti nee slahh'amu, gwa/aateema kin tuuntuuk ar huunkáy.

YEREMIA 21:13

Ga/aawaak, hám daxta aníng nee kuungá' an slaqwaán, kuungaáká' baraá xatsoó wa hootá', kuungaáká' aga iwiite' gawaá tlaa/ár baraá xatsa, kuungaáká' kaahá', ‹Heé atén ti qiítl i haratleemuwo a heemá? Ahaá, a heemá oo dahamaá baraá yaamuurén gi aleesláw?›

YEREMIA 25:22

Waawitá sleémeero oo Tiro nee Sidoniro, nee waawitá sleémeero oo afaá Tlawtá Tla/aangw.

YEREMIA 50:31

Aako, MUNGÚ Aleesleemusmo, i kaahi, «Ga/aawaak, kuungásingá' daara/aamá', ti araán, asma baalarhúng naa hardát ar án kuungá' nuwa muux.

YEREMIA 50:42

Ga/alduuín nee lawluwo nga taataahhiyé', a múk xaraásl, oo gurtleemuú koomaaká. Kududuhay'ín a adór gwaanduú tlawi, inooín ta gawaá daandeemaá faras. Farsuuín ngwa ii tsa/ané', tindin haratláy amór kuungaá Babuloni.

YEREMIA 51:42

Tlawi naa haratleér amór Babulonírí ale, Babuloni kaa tuuntuúk nee /ur/urtá gwaanduú ma'aay.

YEREMIA 6:23

Inooín ga/aldu nee lawlu nga baraá dabaaín i oohiyé', múk xaraásl i gurtleemú konká, i kududuhiyá' adór hhaahhoó' ma'aay. Naa tsa/ané' gawaá daandeemaá faras, taa amohhe'eesiyé' slaqwaraaro daanduú Siyoniro.»

ESEKIELI 21:3

Múk Israeli kubeeto, anuú AAKOÓ MUNGÚ a kah, ‹Anuú kilá' nee kuungá' ti araán. Aníng paángar'eé' a duúx baraá qawáy wa alé, múk tlákw nee oo hhoe nguri tsuú/.

ESEKIELI 26:19

«Asma anuú Aakoó MUNGÚ a kah, Kiíng Tiro i sluhhi tleéhh adór gixsadaá muu iwa lóh, qoomár ma'aay birnga baraá iltá wa huúw, nee ma'aá yaariir iri tuuntuukiyá'.

ESEKIELI 27:26

Mukdaádá' miringamoowók madiít ina huúw baraá tla/ángw tláwtí alé. Fur'ár da/aá daahh iga giqaqeér qoomár tawa baraá tla/ángw tláwtí dirii'i.

ESEKIELI 28:22

Aariím daanduuwose, ka beer, Aakoó MUNGÚ i kaahi, ‹Kiíng Sidoóni, ga/aaweek, aníng nee kiíng ti araán, nee xirfuueé' nguri laqaám baraawók wa alé, qoomár sakwasleemar'eé' bara boo/eés daanduuwoge. Nee hhohhoartaeé' ngiri laqaám. Daqaní aníng kuungá' i tsahhá' adór aníng tar AAKOÓ MUNGÚ.

ESEKIELI 29:10

Tí ar ló', kuúng nee yauuwoge nu sakwasleemuút. Gawaá adoorihe yaamaá Misri i xaanxay tleéhh, iimír Migdoli wa tleemu ay Siyene ay digmuú yaamaá Kushi.

ESEKIELI 38:3

ta o', Aakoó MUNGÚ i kaahi, ‹Gógu, aníng nee kuúng ti araán, kuúnguú waawutmoó úr oo yaamaá Mesheki nee Tubali.

ESEKIELI 5:8

Gimsé', anuú Aakoó MUNGÚ a kah, Aníng sakwasleemar'eé' a boo/eés dirhunge, dír geeraá xoordaá hatlae.

MIKA 4:11

Hám daxta xoordaá yaariir naa burumburitiyé', gixsár Yerusalemu ngaa harweeriyé', as kuungá' múk Yerusalemu tunduwa i haratlay, ta kaahi, «Gixsár Yerusalemu ka hhitin. Ilaarén taangór gixsarí ngi ariye'.»

NAHUMU 2:12

Inooín a slaqás nee direeri kudá' sluqor'ín ngi ohiimá' ar xaraasleema aluuwo muruudá' naa ohiné' nguri qasmiisiyá' dír na/ii'ín.

NAHUMU 3:5

AAKOÓ MUNGÚ Aleesleemusmo i kaahi, «Ga/aaweek, aníng a slaáqw nee kiíng, aníng tlabaawók in waatleés ay gawaá sagók, aníng xoordu ngiri /aankwetsuuwók i laqaám, nee waawuti'ima ngiri alsi'imuuwók i laqaám.

SEKARIA 14:2

Asma xoordu sleémeero in burumbuúr as niwa slaqwarár aya' amór gixsár Yerusalemu, nee gixsa kari hayoh, nee maraywo, nee /ameena kari ohín ar /uuru, nee tlaqtá múk gixsa kanar tláy baraá lawaali'iima, ala mukdá' aa meet baraá gixsa ku ar tlayká.

SEKARIA 9:4

Ala Aako daqaari'iimar'ín sleémeero ga dir'ín wa hayoh, gay /aytiis baraá tlawi, nee gixsarí asla gari /ák.

Luka 21:25

«Qoomaadae laya kingi laqán ar gawaá tsee/amá, nee slahhaangw nee tsetse/. Nee baraá yaamuwo muu i baraá slahh'amuú yaariír i dirii', ta baraá daér yaariír i dirii', asma adoodá' tlawi iwa amoqwaqwadiin.