ESEKIELI 26:20 - Biblía Axweesantá Hhohho' ar Mungú 2004

²⁰ Aníng kiíng in /aytiís baraá bohoongw as iwa haragaas amór mukdá' baraadá' i dirií', kuduú aáng. Tari baraadá' wa hót ay alhhe'eesáy wasle, múk baraawók i hotaá áw i kaahh, nee pa/aangw u sleeraaká baraá yaamaá múk slafa.

ESEKIELI 26:20 Iomraidhean Croise

WARA'AMI 27:13

Aníng a haratlintatií' niwa hoot ay dír hhooeemaá AAKOÓ MUNGÚ ngay ar baraá yaamaá múk slafa.

WARA'AMI 28:1

AAKOÓ MUNGÚ, án kuúng u i /aa/amiím, kuúng a dír guway'eé'. Iiárií qaasáng ma xasliitaar. Bira mu/aywatsiká, aníng a slaqás, nee mukdá' aa qaatl iri /eét baraá gi'i.

ISAYA 14:10

Inooín sleémeero kiíng tiri bay, ‹Kiíng sleeme aga daqatlakuúri adór atén wa alé! Kiíng sleeme aga adór atén tleehhíti!

ISAYA 14:9

«Gi'i baraywo naa gwarangwaritiyé', as kiíng iwa ilaoohiya' bara baraadií hardát. Mukdá' aáng aa qaatl kungun tlees as iwa taaqweesár aya', nee mukdá' sleémeero oo waawituú xoordu kungun tlees gawaá kiteeri'ín kudaá waawuti'iimar'ín wa alé sleeme.

ISAYA 4:5

Aluuwo umuúqo diiro gawaá tloomár Siyoniro, nee wa/aamér dinku'uumár muko, qoomár tlaatla/ango AAKOÓ MUNGÚ gan huunkár tuuntuuk, nee xweeraawo gan tuuntuuk ar quui nee tsángw asla oo gwa/aát. Tam adoorihe xirfuú AAKOÓ MUNGÚ gixsa sleémeero gan tuuntuuk ar heémaarós, nee gari de'én.

ISAYA 59:10

Atén koo/i an dabár leelehhitaán a adór heé taampa an dabár leelehhitaán adór heé ilaá koomaaká. Tin sadukuuts tlaatla/aango adór múk xweeraá hi'imiít. Dír múk /uuruú kooma atén an adór tu'u.

YEREMIA 33:9

Gixsarí dir'eene tari gixsár qwal/uú huwahuuw nee ilaiwa/ame nee xirif dír geeraá xoordu sleémeero awa yaamuwo, kudá' kaangwí ngu axaasá' oo hhooeemaadá' naa dír múk Yerusalemúr i haniís. Inooín tari da'ayuut nee tari daaraax as kaangwí.»

WA/AA/I 3:6

Ina iwiitís baraá giwti adór tuuár deelo gaa gas.

ESEKIELI 31:14

Adoorí ina tleehharút asma xaai sleémeero kudaá dír ma'aay mindiwa tlenaanuyé' ay gawaá doori. Xa'anoó hatlá' oo taa eemiís tlenaango adór kwí mingiwa malé áy. Asma umuú gaa alhhe'eesaywós a gwa'ara, tam muu sleeme a adoorí, sleémeero ta /eet baraá gi'i.›

ESEKIELI 39:7

Umuueé' kudá' hhoohhoó' muk'eé' oo Israeli guri tsaahh, slám a baloó ya/amaaká umuueé' kudá' hhoohhoó' kuwa male slasla/areesi. Nee xoordu sleémeero ngiri tsaahhiyá' adór aníng tar AAKOÓ MUNGÚ, kudá' hhoohhoó' oo Israeli.

AMOS 9:2

«Inooín tam i /eetiia baraá gi'i, aníng in baraadá' wa duúx, inooín tam i tsa/ana'a gawaá doori, aníng ngin gawaadá' wa aweeriís.

YONA 2:2

iri oó', «AAKOÓ MUNGÚ, án kuúng una i /aa/amiím as slahh'amuueé', kuúng iri mu/aywáts. Ana baraá gi'ií wa firiím, kuúng afor'eé' kari axás.

YONA 2:6

Niri /eét ay baraá gi'i, afér yaamuueé' kari aluueé' wa tseék ar tseegmór ta gweeriiká baloó ale. Ala kuúng, AAKOÓ Munguúeé', ina slafi dúx baraá bohóngw gwa'arár wa alé.

SEKARIA 2:8

AAKOÓ MUNGÚ Aleesleemusmo, kudá' iga ya/aaw as xirfuuwós daanduú xoorduudá' kuungá' na loohatisi'i i kaahi, «Heé kuungá' naa kwatiit, a maamár iltaeé' gana kwatiít.

FAARO 16:30

Ala barnaxes AAKOÓ MUNGÚ gár /aben gaa tleéhh, yaamu afa nguri awaatliyé' as inooín ngiwa gu/iya', dinkwa nee muruuín kudá' sleémeero i kona'a, iri slafi /eetiyá' baraá gi'i, daqaní ka xuá' adór mukwí AAKOÓ MUNGÚ ngura waaqaaiyé'.»

FAARO 16:33

Naagáy, inooín dinkwa nee muruuín sleémeero kudá' ta kon tari slafiingw /eét baraá gi'i. Yaamu niri haraki/iyé', sleémeero tari hhán.

Matayo 11:23

Nee kiíng gixsár Kapernaumu, xáy, ti tsa/aási ay gawaá doori? Aasla'áy, tin /aytiis ay baraá gi'i. Asma muruú waa/oo/amo oo aa tleehharuut diroge, geera dír iwa tleehharuút bar an baraá Sodoma, geera Sodoma i deer ay laarí.

Luka 10:15

Nee kiíng gixsár Kapernaumu, xáy ti tsa/aási ay gawaá doori? Aasla'áy, tin /aytiis ay baraá gi'i.»

2 Petro 2:5

Mungú múk aáng gwa gurtlayká sleeme, ala tluwoó da/atén nguri huúw daanduú yaamaá múk tlákw. Heé aa ba/an a Noa kilós, kudá' kángw hotaá ganaa'á' gu alki/aa/iít, nee múk faanqw oo hatlá' iri ba/án sleeme dinkwa nee inós.