ESEKIELI 26:17 - Biblía Axweesantá Hhohho' ar Mungú 2004

¹⁷ Inooín tiri satsuunqumiis ar afór ur, tari ooi, ‹Kiíng gixsár iia tleer taa hhaamiís, taa amór tlawtá wa kwaáhh! Kiíng nee yaamuloouuseerók /uuru una laqaandé' daanduú tlawto, tidá' taa da'ayumiít nee múk yaamaá kaahaar sleémeero.

ESEKIELI 26:17 Iomraidhean Croise

2 SAMUELI 1:19

«Mukduú xirfuuwók kwaa tsuú/ gawaá tlom'iiwók wa ale. A adoomá adór miguuse kara daásl!

ISAYA 14:12

«Kiíngadár aáng ar adór tsatse/ír haymú, adór tira /aytiís gawaá doorí wa alé? Kiíngadár xoordaá yaariir iga balaalit, adór tira yaamií daáhh?

ISAYA 23:4

Muruuté' kuungaásá Sidoni, múk gixsar'ín taa harweér ar koo/ír gawit, asma tlawi sleeme kaangwí gu alki/ít i kat, «Aníng asltá xwayla aga baloó tsaqiiká, sleeme aga baloó laqwaaliiká, daaqoó naa umiím i kaahh, tam dasuú naa ureemiís i kaahh.»

ISAYA 23:8

Heé muruuwí tlákw gwaa qoomees daanduú Tiroro a heemá, gixsarí waawitá gun slam'í dahamaamís halaanuuseerós an geeraharuuse, nee mukós kudá' muruú weermamiís an múk ta ilaiwawa/i baraá yaamuwo.

YEREMIA 48:39

Ga/aawaak, adór tara qeqtín! Ga/aawaak adór tar tsuunqumisi! Múk Moabu aa alií kií/ ar mure. Múk Moabu aa gár waaqaseengw tleehhiít, nee gár dae tlaaq dír inslaawaay sleémeerowo.»

YEREMIA 50:23

Axáy a adoomá, gixsarí aáng adór yuúnduú yaamu sleémeero, adór ira qeqtiín. Babuloni adór ira dír dae tlaaq tleehhít tla/ángw xoorduwo.

YEREMIA 6:26

Tlabaá guniyadu dahasaak, muk'eé', nee ta gwangwara'amitá' baraá da/arár wa aleeró. Tsuunqumisé' ar /aa/aá uren, adór heé na/aywós oo wák aa gwaa'. Asma heedá' nu hhaamiís ni gaanslár hardah.

YEREMIA 7:29

Kuungá' yaamuloousér Yerusalemu, se'engwhúng deeqwaak nee ku kwahhá'. Tsuunqumisé' gawaá sagér tlom'i wa aleeró, asma AAKOÓ MUNGÚ kuungá' naa sií' nee naa máy, kuungá' qartá buhhtaawós gwarangwariim.

YEREMIA 9:20

Aá /ameéna, axweesantá AAKOÓ MUNGÚ iiárií qaasaak, nee iiaahúng axweesantá afkós ngi axaasiye'. Dasuuhúng tsuunqumisuwo intsaahhatisaak, nee umuú heewo inslaawmoowós ngu intsaahhatisi daa'ángw folituuwo.

WA/AA/I 1:1

Gixsarí geeraawo muko haats, adór ira kilós mét. Tidá' geeraawo ur baraá xoorduuwo, adór ira kwaali'ít. Inósadár dasír waawutmo baraá tla/ángw gixsaduuwo, adór ira adór kwaalo'o tleehhít.

ESEKIELI 19:1

AAKOÓ MUNGÚ aníng ina báy, «Tsuunqumiís as daanduú geeraharuusér Israeli.

ESEKIELI 19:14

Asla ina ti'ít baraá tla/ángw xa'anoodá' wa alé, haleemi nee mamuuwo giri /ák, haleemiiwós i baloó iiay'aaká, laqaá i adór hhartá waawuti'iima tleehhitiaaká.» Gaarí a tsuunqumis, nee i tsuunqusmo tleehhit.

ESEKIELI 32:16

Gaarí an tsuunqumisuudá' oo /ameenár xoordaá hatlá' iri tsuunqumiis daanduú yaamaá Misriro nee mukós sleémeero. Anuú Aakoó MUNGÚ tí aga oó'.»

ESEKIELI 32:2

«Heewí, tsuunqumiís as waawutmo Farao oo yaamaá Misri, ku beer, ‹Kuúng Farao, tiwa xu' a diraangw baraá tla/ángw xoorduuwo. Ala kuúng a adór dayshamoó úr oo baraá tlawi. An /uurúr ti'imít baraá yauwo, ma'aá baraá yau in /eeragaamís ar ya'aawók, nee yau in xwarangwxwariín.›

ESEKIELI 32:23

/Aantuuín kaa baráy foola hhe'eés baraá bohongwduú gi'iwo. /Aantaá slaqwaruuseerós tidá' sleémeero taa tsuú/ baraá slaqwarár wa ale, inós ngwaa harweeriyé'. Qoomár inooín iwa slafiya', muu nguna daandeemo feehhamiisiyé'.

ESEKIELI 32:27

Mukwí kwa dinkwaárií fooliiká nee pihhuuseedár aáng, tidá' aa baraá gi'ií /et nee xooslar'ín ar slaqwaraaro, paangaduuín nga sager'ín i qaasiyé', nee gaambuín i gawaá slaqooín. Pihhuuseerí qoomár iwa slaf muu nguna daandeemo feehhamiisiyé'.

Yoeli 1:18

Qaytsiít adór hikwa ir aahhamina'! Daqtá hikwa i tambeerús, asma gitso i káhh. Tam daqtá bee/aangw iri slahhá' sleeme.

OBADIA 1:5

Fisuuse bar naa fiisór eér, laqaá malguuse bar xweeraawo iga haraadát, xáy, harqoomoó tar tlay aqo kudá' ni aleeslay'aakáhe ar tleemuuwo. Múk sabiíbuú bu'uúm bira bu'úngw áy, ahaá, sabiíbu lo'o qwaareesa ku geexaykáhe. Ala wakuuseerók do'ók gun paapa/ás.

MIKA 2:4

Baalaadá' birna hardát, muu kuungá' nuri daa'ángw kooyaángwí oh, oo adoodá' kuungá' taa mukdá' i tlehhé', tawa adór daa'ángw wa/aa/i, tay ooi, ‹Atén taa /awa/awín ló'wa alé, AAKOÓ MUNGÚ daqaari'iimarén gana warqeés, gari hingeés direne, qamuurén gina qasmiís dír múk wakuuse.›

SEFANIA 2:15

Gaarí aqo tsuuwá gixsadáe, tidá' aa hot ar daara/aangw nee diihhooa, tidá' aa baraá muunaáwós i o', «Aníng an aníng, oo hatlá' i kaahh, aqo har aníng.» Ga/aawaak adór ira deewá', diirí tari dír makaay ni watliya'. Umuúqo heé waaraahha gan niqmis gari qoongo'oomiis.

YOSHUA 19:29

Diirihe digma iri warqáy iri Ramár xuú' iri ti'iít ay gixsár Tiro, tidá' taa tleéhh ar koo/ír gawit. Naagáy diirihe digma iri Hosár xuú', iri dáh baraá Tlawtá Tla/aangw. Gixsadaá hatlá' awa taa haraaóh a gixsár Maharabu nee Aksibu,