ESEKIELI 26:15 - Biblía Axweesantá Hhohho' ar Mungú 2004

¹⁵ Anuú Aakoó MUNGÚ Tiro an babaw, «Yaamuloouusér afaá tlawi tlunaa/ír huuamaawók birnga axaasiyé', nee /aa/aá múk taa slahh'eemisi, nee kudá' taa tsu/i afor'ín barka axaás tari daaraxaat.

ESEKIELI 26:15 Iomraidhean Croise

ISAYA 2:19

Muu iri dah baraá mar'ór tla/u, nee baraá boh'ér yaamu, geeraá dae tlaquú AAKOÓ MUNGÚ nira hardihiiká nee xirfuú waawuti'iimarós, qoomár birna tláy as yaamu ngiwa dae tsati.

ISAYA 41:5

Ayeemaá afaá tlawi muruuwí ngwaa ariyé' nay da'ayutiyé', yaamu sleémeero niri daaraxaatiyá', muu sleémeero tina burumbuúr niri hardihiyé'.

YEREMIA 49:21

Afór huuamaaín yaamu giri diingís, afór /aa/eeín kari tlawtá Shamúr wa axaas.

ESEKIELI 26:10

Farsuú waawutmo Nebukadnesa ku ló'wa úr, nee teeri birnga gáwtí tleesiyé' iri tuuntúk. Koo/i iri daaraxát as kududuhoó slaqwaruusér faras gwaa i tsa/aan, nee gaardaá slaqwara nee kudá' huwaá koomá', qoomár bir darah afkú gixsaroge a adór múk daráh baraá gixsa ar dír aa fee/it.

ESEKIELI 26:18

Hamí daxta yaamuudá' saawá' afaá tlawto naa daaraxatiyé' asma hu'umaawók. Kudá' sawen naa kwisliitiyé' as kiíng tawa hhaán.›

ESEKIELI 26:21

Aníng kiíng i gár dae tlaaq tleéhh, an sangw baloó deerutká. Tam ti leelehhtuú aya ti baloó slayká. Anuú Aakoó MUNGÚ tí ngina oó'.»

ESEKIELI 27:28

/Aa/aá mukók kudá' gadiyuús baraá tlawtá wa alé birka axaás, yaamaá bihhaá tlawi niri daraxaatiyá'.

ESEKIELI 27:35

Muu sleémeero oo baraadá' hoót dae gwa fák as kiíng, waawitaáín aa ló'wa da'ayuút. Gitsee/er'ín ka bo/ as gurhaami.

ESEKIELI 31:16

Xoordu ina daaraxaás ar afór huu'umaawós, qoomár ngiwa yaamií daáhh baraá gi'i, dinkwa nee kudá' /e/etimá' baraá bohoongw, nee xaai sleémeero awa Edeni, xaa'aá hhohho' awa dimbé baraá Lebanoniro, kudá' taa eemiís ar ma'aay, kina gurkwa/amís baraadaá gi'iiwo.

ESEKIELI 32:10

As adoorí xoordu niri kwisliitiyá', waawitá iri da'ayuut qoomár aníng paángar'eé' baraá mamukuús geeraaín wa alé. Umuú daqto tari daaraax, umuú heewo slafiingós gun /iimiis, baalaadár huu'umaawoge.