ESEKIELI 26:13 - Biblía Axweesantá Hhohho' ar Mungú 2004

¹³ Tsimaahhír daa'aangw a hhaamiís. Afór gidandoorayhúng a male axasa'aaká.

ESEKIELI 26:13 Iomraidhean Croise

WARA'AMI 137:2

Gidaandoorayrén una tarereaán, gawaá xaa'aá baraá Babuloni.

ISAYA 14:11

Adoodá' tir iia tleere taa /aytiís ay baraá gi'i, dinkwa nee mariímbawoge. Muruudá' ta bay /ayma kwaa hhaáf tawa qatnirók, nee naanaga an gár ta uuntsus.›

ISAYA 22:2

Ahaá asma milá tseeoro yaamu misa gaamisé'? Gixsa aa leexút, ta qwalalaa/, mukhúng kudá' taa tsuú/, kwaa tsu/iiká baraá slaqwarár wa alé, laqaá kwaa tsu/iiká ar paánga.

ISAYA 23:12

I kaahi, «Aá gixsár Sidoni, tidár baramaanuso'o, kiíng qwal/uwo a ki/iká, tam bar yaamaá Kuprórí goba, amorqae amohhooa a sleeraaká sleeme.»

ISAYA 23:16

«Mariímbarók taatahheek, tláw baraá gixsa wa hi'iimiteek, kiíngasír sli'iimuso'o ar taa gunqaareés, daa'ángw tsuú' daaeek, daa'ángw yaariír daaeek, daqaní dooqa ti malé insláy.»

ISAYA 23:7

Gixsarí an gixsár qwal/úwo dír Tiroro, gixsadá' taa tleéhh iimír aáng wa alé, tidá' yaamuloouuseerós ayeemaá sawen gaa aalír eer.

ISAYA 5:12

Baraá deelor'ín ar urene gidaandori iqo kahhká, nee seesero, nee mitingarto nee filiímbiro nee difaái. Ala tlehhma'aá AAKOÓ MUNGÚ ngi ya/aa/ana'aaká, tam gadiyér dabaawós ngi gaárí xuiaaká.

YEREMIA 16:9

Asma AAKOÓ MUNGÚ Aleesleemusmo, Munguú Israeli, i kaahi, «Ga/aawaak aníng afór qwala/ nee ar bara/ a qwaareés baraá yaamuukae, tam qwal/uú ni/imár /ayla. Tí kuungaákaá slafá' a aandá' ilaahunge.

YEREMIA 25:10

Aníng afor'ín ar qwala/ nee ar bara/, nee ni/imár /ayla, nee afór xoosliingw a qwaareés dir'ine nee tsaa'asór oh a gaás dir'ine.

YEREMIA 7:34

Yaamu in xaanxay tleéhh, iimír gixsadaá Yuda wa tleemu ay lohdaá Yerusalemu, afór qwala/ nee qaseengw ka axaasiiká nee afór ni/imár /aylaawo asma yaamu i deewaaiyá'.»

ESEKIELI 28:13

Ana Edenír wa hót, dír asalmoó Mungú, tuna qaalín ar tlaa/aá tlaxo uren, awa akiíki, nee topaási, nee yáspi, nee sabarajaádi, nee beriíli, nee sardoniíki, nee yakuúti-sirboo/, nee miisli, nee sumariídi. Tuna qaalín ar sahaábu hhohhó'. Muruuwí sleémeero kuna amohhe'eés as kuúng, iimír bál tuwa tleéhh.

HOSEA 2:11

Slám qwal/amaayeerós sleémeero a hingeés. Nee deeloorós tidá' urene, nee deelór uren ar slahhaangw niwa ti'iít, nee deelór Sabaáto nee deeloodá' uren taa qaás.