ESEKIELI 26:12 - Biblía Axweesantá Hhohho' ar Mungú 2004

¹² Daqaari'iimarók ngiri ar tlayá' nee umuú gaaro ar ta koonda. Koo/irók ngi fee/iyá', nee marayhúng kudá' xirfayen ki yaamií daahh, kudaá tlaa/e nee awa peehháy, nee hhapeedá' taa maraysír tlehhé' gari ku'uus baraá tlawi.

ESEKIELI 26:12 Iomraidhean Croise

2 QOM'I 32:27

Waawutmo Hesekia iri daqaari'iít, umuú heewo guri ilaiwawaá/. Inós daqaari'iimár peésa gana tleéhh, nee sahaábu, nee tlaa/aá tlaxo gawden, nee tlaa/aá hatlae, nee muruú ta muruú /aymaárár tsuu'umiisi, nee gaambu, nee xooslaá hatlá' awa tlaxo gawden.

2 QOM'I 36:10

Alaá kurkú wák iwa waaraáhh waawutmo Nebukadnesa mukós guna ya/aáw Yehoyakini kuwa huwi baraá yaamaá Babuloni dinkwa nee xosluudá' tlaxo uren ar Doó AAKOÓ MUNGÚ. Sedekia hhiyoó Yehoyakini guri waawutmoó Yuda nee oo Yerusalemúr wa qaás.

ISAYA 23:11

Asma inós dakós gwaa tleés gawaá daanduú tlawi, waawuti'iima gari diingiís. AAKOÓ MUNGÚ hara'aya gaa oó' ar koo/ír gawit ar Kana'ani kawa hhaamisi.

ISAYA 23:8

Heé muruuwí tlákw gwaa qoomees daanduú Tiroro a heemá, gixsarí waawitá gun slam'í dahamaamís halaanuuseerós an geeraharuuse, nee mukós kudá' muruú weermamiís an múk ta ilaiwawa/i baraá yaamuwo.

ISAYA 32:12

Da/eewerhúng puupuxumisaak as gurhaamír daanduú qamuudá' aáng sla'atamiisa'a nee as sabiíbudá' aáng ló'wa laqwaliím,

YEREMIA 25:34

Tsuunqumisé', kuungaásingaá de'eemusér muk'eé', nee /aa/é'! Baraá da/arár wa gwaangwaraa'amiité', kuungaá de'eemusér bee/aangw! Deelór kuungá' tunduwa tsu/i, nee tunduwa diyaa/i naa hardát. An pahhá' adór xooslár hhohho'.

YEREMIA 52:14

Slaqwaruuse sleémeero ar Kaldayo, tidár dinkwa nee geeraharusmoó úr oo xuumuuse, koo/i sleémeero tidá' gixsár Yerusalemu ga harwet kana feé/.

ESEKIELI 26:5

Tari yaamaá kaahaar tleehhít awa baraá tla/ángw tlawi, nee múk siyoó ohiím baratsufay'ín nguri gawaadí intlaahán. Anuú Aakoó MUNGÚ tí ngina oó'. Xoordu iri ar tlayá' haasaáng wa alé,

ESEKIELI 28:8

Inooín un /aytisiyá' baraá bohoongw, kuúng tari gwá' ar gwa'arár tlakw adór tigár hee aa /eet baraá iltá ma'aay.

DANIELI 11:8

Munguii'ín kudaá hatlá' giri gagaar ay Misri, nee kudá' taa weeqatisi nee xoosladá' taa tleéhh ar peésa nee ar sahaábuwo. Kureeraá hhawa'aakahe waawutmooduú basa i haratlayká amór waawutmoó /iya.

HOSEA 13:15

Inós tam i diihhe'eesi ta hhaeewose, ala AAKOÓ MUNGÚ fur'a ngi da/aá wa kwaahh ar baraá xaanxoó daahh. Kutlaay sleémeero guri kahás, hhaleeri'ín sleémeero giri /oomés. Daqaari'iimar'ín sleémeero ar afhhamít gari ar darát.

AMOS 5:11

Kuungá' múk narkuute un baramaanuumamisá' nee ohmér yaariir ar angaáno an ohahiindá'. Maraay ina tlehhité' ar tlaa/aá taa tlaáq, ala kuungá' baraá maraysíng i hota'aaká. Kuungá' qamaá sla'atamisá' awa sabiíbu ina mak doslé', ala kuungá' difaáir'ín a wata'aaká.

NAHUMU 2:9

Gimsé', peésa ar tlawaak, sahaábu ar tlawaak, asma a daqaari'iimár baloó faakaaká, umuúqo xooslomoó afhhamite i deer.

SEKARIA 7:14

Ala án inooín in diyaá/ ar bambaao baraá tla/ángw xoordaá inooín ni xuiaaká. As adoorí yaamuudá' naa geexayé' niri deewaaiyá', tam heé tla/angwdár waaraáhh iri kaahh, asma yaamuudá' sla'atimisá' kaa deewa'ameérí geexáy.»