ESEKIELI 26:10 - Biblía Axweesantá Hhohho' ar Mungú 2004

¹⁰ Farsuú waawutmo Nebukadnesa ku ló'wa úr, nee teeri birnga gáwtí tleesiyé' iri tuuntúk. Koo/i iri daaraxát as kududuhoó slaqwaruusér faras gwaa i tsa/aan, nee gaardaá slaqwara nee kudá' huwaá koomá', qoomár bir darah afkú gixsaroge a adór múk daráh baraá gixsa ar dír aa fee/it.

ESEKIELI 26:10 Iomraidhean Croise

YEREMIA 39:3

Qoomár gixsár Yerusalemu kawa hayóh geeraharuuse sleémeero ar waawutmoó Babuloni tari dáh nee tari iwiít dír afkú tla/aangw. Umer'ín a ti: Nergal-sharesa, nee Samgar-nebo, nee Sar-sekimu heedaádá' úr oo mukdá' taa karmuumúy nee Nergal-sharesa geeraharusmoó xu'utuusér tsatse/ dinkwa nee geeraharuusér hatlá' ar aa met ar waawutmoó Babuloni.

YEREMIA 4:13

Ga/aawaak, wakusmo ni hi'iit adór huunki. Gaarduuwós awa slaqwara a adór bambaao, nee farasuuwós i gaanslár ti'ii'ín gwares ba/a. Tsaxwaarén asma aga hhaamaán.

YEREMIA 47:3

Inooín kididiheelíngw faras ku axaas, nee tsimaahhír gaardaá slaqwara, nee kuduuduhár /angeegeuú gaardu kari axaas, baabi'i na/ii'ín kiri máy amohhe'eemisuuwo, asma dabaaín naa tsatiitiyé' ló'wa aleeró.

ESEKIELI 23:24

Múk /iikú daáhh ni hardah ar gardaá slaqwara nee awa huwa loohisoro. Inooín múk yaariír ngun geerahariyá'. Kiíng in harweeriyá' bihhe sleémeero ar gaambudaá uren nee awa ninakwe nee kifiyadaá muqsla. Aníng aleesleemuú kiíng iwa sakwasleemutiyá' ugwa haniís, inooín kiíng tin sakwasleemuut ar daber'ín.

ESEKIELI 26:15

Anuú Aakoó MUNGÚ Tiro an babaw, «Yaamuloouusér afaá tlawi tlunaa/ír huuamaawók birnga axaasiyé', nee /aa/aá múk taa slahh'eemisi, nee kudá' taa tsu/i afor'ín barka axaás tari daaraxaat.

ESEKIELI 26:7

«Anuú Aakoó MUNGÚ a kah, waawutmo Nebukadnesa oo múk Babuloni, waawutmoó waawitá ngu /iikú wa huúw, nee farsuuwós nee gaardaá slaqwaraaro nee slaqwaruuseedá' faras gwa i tsa/aandi, nee slaqwaruusér yaariire, Tiro ngin i haratlayá' ngiri haraweeliyá'.

ESEKIELI 26:9

Gufteraá koo/i fe/it gi geeraá koo/írí qaas, nee /ampuuwók awa xuuma giri fee/ ar suruúru.

ESEKIELI 27:28

/Aa/aá mukók kudá' gadiyuús baraá tlawtá wa alé birka axaás, yaamaá bihhaá tlawi niri daraxaatiyá'.

YOSHUA 6:20

Naagáy muu iri tseé', tarumbeetadu kiwa ufaáhh. Muu afór tarumbeetadu kawa axaás, tari ak tseé' ar afór ur, nee koo/i iri huhu'uún, muu iri dáh baraá gixsa umuú heewo ar didií sihhiít, inooín gixsa ngiri hayoohiyé'.

YOSHUA 6:5

Qoomár kaahamuusér Mungú tarumbeéta binga ufáhh ar afór ur, kuungá' sleémeero bar aga axasé', ta tseá' ar afór ur, daqaní koo/ír Yeriko iqo hú', umuúqo heewo didií dirii'i i geerií hi'iiti, gixsa ngi i haratlay.»