ESEKIELI 25:4 - Biblía Axweesantá Hhohho' ar Mungú 2004

⁴ Gawaá adoorihe aníng kuungá' nu qaás gawaá dabaá múk da/aáw as tunduwa aali. Inooín xafay'ín ngun tleehhiyá' baraá tla/angwhúng, nee heemaduuín ngin kiki'iyá' baraá yaamuuhúng. Inooín mamaá ayaahúng ngiri /ayiyá', nee ilwaahúng ngiri wahná'.

ESEKIELI 25:4 Iomraidhean Croise

IIMU/UUNGW 29:1

Yakobo ina kumiít aaiiwose, iri hardáh baraá yaamaá múk da/aáw.

2 SAMUELI 12:26

Qoomaadae, Yoabu gixsár Raba ar múk Amoni gana i haratláy slaqwaraaro. Inós gixsadár waawuti'iima gari hayóh.

1 WAAWITÁ 4:30

Solomon múk yaamaá da/aáw nee oo Misriro gi baa/ sagalooaro.

ISAYA 1:7

yaamuuhúng kaa deewa'ameérí geexáy, gixsaduuhúng kaa daá/ ar asla. Yaamuuhúng hooma gaa dír ilaahúng wa ar tleér, i baraá deewaa'ame, kwaáo hooma gina hhitiín.

ISAYA 41:2

Heé heewí baaliliím umuú diiro gwaa da/aáwá sihhtis a heemá bar a aningeeká? Oo xooslu sleémeero gaa dabaawós í haniis, inós waawitá gun yaamií adah, guri teeri tlees ar paángarós, giri adór muundáy wá haritlees ar ga/aleerós.

ISAYA 65:22

Inooín maraay ngi tleehhiaaká as múk hatlá' ngiwa i hotaá ay, laqaá balaangw ngu dahasiaaká múk hatlá' guri /aay. Asma muk'eé' kudá' naa tsawaár, kureeraá yaariir kin ló'wa hoot, adór kureeraá xaai i hotatina'. Muk'eé' oo naa tsawaár gadiyér dabaaín ngin saqwalaala/iyá'.

WA/AA/I 1:14

«Tlakweemaaeé' sleémeero gina burumburaarín, giri gawaaeénií qaás, giri dinkwárí tseék ar dakós, ngiri gawaá istaeéní tarereé', aníng iri al'iloouyé', Aako aníng iga qaás gawaá dabaá múk aníng tlaampa'aasaro ni aleeslawaaká.

ESEKIELI 25:10

Yaamaá múk Moabu nee awa múk Amoni i haniís dír dabaá múk da/aáw as tawa kooín. Múk Moabu i malé xooro tleehhitiiká.

TLAHHOÓ LAÁWI 26:16

daqaní aníng adoorí an tleéhh, nun slaáhh ar nuwa de'ér urií huuw ar gaanslaay, nee tiqtír da/eewe, nee ga/atantá nu ila' taampuupuuw, nuri naduduúr. Dahaasingwhúng un dahaasiindá' ala u gár wa sleera'aaká, asma wakuuserhúng gun /ák.

FAARO 23:7

Bala'amu aarirós tí gari oó', iwa kaahi, «Balaki ina leéhh ay yaamaá Aramu, waawutmoó Moabu ina leéhh iimír tlom'aá da/aáw, iwa kaahi, ‹Qwaláng múk Yakobo lu'usek as daanduueé', qwaláng múk Israeli tli/isek!›

DABE 28:33

Xoorór kuúng ta baloó xu'uká ni hardát, balángw yaamuuwók sleémeero nee oo hameeroge gun /ák, kuúng turi baramaanuus daqisleém.

DABE 28:51

Inooín hikwaawók ngin /ayiyá' nee balangoge ay dír kuúng uy hhaamisiya'. Inooín kuúng u balángwí geexay'aaká, nee difaáiro, nee di/to. Inooín tse/eetaá hikwaawók, nee deeloó bee/angoge ngun hhaamiisiyá'.

HAR'OHUUSE 6:33

Qoomaarihe múk Midiani sleémeero nee múk Amaleki nee kuduú hatlá' oo bihhaá da/aáw aa dinkwár i burumburiít, tari waaraáhh gayuú hatlá' oo Yordani, xafay'ín nguri tleehhiyé' baraá xatstá Yesre'eli.

HAR'OHUUSE 7:12

Múk Midiani, nee múk Amaleki, nee múk hatlá' sleémeero oo da/aá daáhh xatsa ngaa qaroó alqaatiyé', yaareemaawo a adór ingigi, nee inooín angamíár yaariir adór hhasángw afaá tlawi ngi koná'.

HAR'OHUUSE 8:10

Seba nee Salmuna ta baraá yaamaá Karkorírí dirii' dinkwa nee slaqwaruusér kume mibaá nee kooán ar aa met slaqwaruusér da/aawe, asma hhaeeín awa slaqwarár paangadu ngi baalá' awa kume tsiiru nee mibeeraá tsár kina qororo'oós.