ESEKIELI 24:6 - Biblía Axweesantá Hhohho' ar Mungú 2004

⁶ Gawaá adoorihe anuú Aakoó MUNGÚ a kah, ‹Tsaxwaawós gixsadá' tsu/umamiit, gixsarí an adór muqslír kuútuú koom, kuútuú baloó tu/uutaká, weegamoó fu'unaay baraawose kun wakeetín duxuungo, slám ku tsawditiiká.

ESEKIELI 24:6 Iomraidhean Croise

2 SAMUELI 8:2

Daudi múk Moabu guri malé baál, gurí yaamií qaatiís ar hhaay, guri tsaát baraá doqoro tám ar hima. Daqoroó tsár guri tsuú/, ala daqtá tám gari slafíngwí máy. Múk Moabu iri lawaalér Daudi tleehhiít, nguri koodíri hanmisiyé'.

2 WAAWITÁ 21:16

Inós múk Yuda guna dahaás baraá tlakweemaawós, inooín tlakweema ngiri tleehhiyé' geeraá AAKOÓ MUNGUHE. Sleeme Manase múk yaariír oo dakuús wásl guna tsuú/, tseerér yaariir ina ku'út badu sleémeero ar Yerusalemu.

2 WAAWITÁ 24:3

Looeemaawo muruú tlákw múk Yuda guna sláy ar adoodá' AAKOÓ MUNGÚ ngira oó', aa inooín kiwa ar tlay dír geeraawose, asma tlakweemaadá' waawutmo Manase aa tlehhaahhiít,

2 WAAWITÁ 24:4

nee sleeme asma inós baraá Yerusalemuro tseerdaá múk dakuús wásl gina ku'uús. Ala AAKOÓ MUNGÚ tlakweemaadá' gaa slaiiká ngiwa gurtlay.

YEREMIA 2:22

Tam tu hamaátl ar na/dí nee saabuúnoó tsumtá tu/uuma, mulkoó tlakweemaawók in meet dír geeraaeé'. Anuú AAKOÓ MUNGÚ tí ngina oó'.

YEREMIA 6:29

Asla kaa oohisa hhe'eés, ala muqslaadá' harimaaká i weqaweqká as tiwa paratl, kár ala gár nis kumiit muk'eé' hhohhoeemisuwo i káhh, asma múk tlákw slasla/aremaín gi hingemisiiká.

ESEKIELI 11:11

Gixsár Yerusalemu a adór hutlayhungeeká male alé, nee kuungá' a fu'unaay tleehhita'aaká baraá guruú gixsarihe. Aníng kuungá' nun sakwasleemuút dír digimuú múk Israelír wa alé.

ESEKIELI 11:3

kudá' kaahá', ‹Qoomár do' tlehha aa xeeriiká. Gixsarí a adór hutlaay, nee atén a adór fu'unaay.›

ESEKIELI 22:12

Mukko baraahunge muu gun peésaárí hanmiis as múk hatlá' kuwa tsu/i. Aldaafi ana ót, nee muruuwók una peésár hara/untsár weermís as tawa daqaari'iimár gaanslár sla', aníng iri ló'wa gunqaarés.› Anuú Aakoó MUNGÚ tí ngina oó'.

ESEKIELI 22:2

«Heewí, taa amohhe'ési sakwasleemaro, gixsarí múk tsu/a/iim kawa sakwasleemut? Gimáy, muruuwós kudá' sleémeero aníng i buhhtamís ooeek.

ESEKIELI 22:27

Geeraharuuser'ín baraá gixsaro a adór taweruú makiito'ór /aáy, ta tsu/uut as tiwa kilooín daqaari'itimisiya' ar loohír qoomaaká.

ESEKIELI 22:3

Ka beer, anuú Aakoó MUNGÚ a kah, kiíng a gixsár mukók oo kilá' tsu/a/iim, nee ti kilók meetagaamís ar slaqsi'iidaá munguaá hatlá'. Gawaá adoorihe qoomaarók ar sakwasleema naa xeér.

ESEKIELI 24:3

Muk'eé' kwí aa dee/anuut slaqsaywí tay laqaan, nee ki beer, Aníng Aakoó MUNGÚ a kah, ‹Hutlaay qaaseek gawaá akweeso, ku ma'áy qasá'.

ESEKIELI 24:9

«Gawaá adoorihe, anuú Aakoó MUNGÚ a kah, ‹Tsaxwaawós gixsár tsu/umamiit. Aníng ufuú yaariír oo migír un burumbuúr.

Yoeli 3:3

Inooín muk'eé' nguna tsawdoórí tleehhiyé'. Maamár garma kana haniís tawa bu'utuú tsaatuso'o. Maamár dasi ngina haniisiyé' as difaái ngiwa slaya'.»

OBADIA 1:11

Bál gixsár Yerusalemu kawa haraadarahi, kuungá' ana bihhií sihhité', dahaaye daqaari'iimarós gari ar tleér, nee mukdaáduú tsifir hatlo kaangardaá gixsa kiwa waaraáhh, tsawdo kari tleéhh as Yerusalemu, qoomaadae kiíng an adór heé wák baraá tla/ángw mukdae.

YONA 1:7

Mukdá' baraá miringamoó wa gadiyuús tari kilooín axweés, tay káh, «Gimsé', tsawdo a tleehhaán as heewí slahh'amaayeerí tisa sleér nguwa slawaan.» Tsawdo kari tleéhh, ala naxés tsawdo Yona guri sleér.

MIKA 7:2

Heé inkihhím i kaahh baraá ayaawihe, Heé gan'amuú tlehhiít i kaahh. Umuúqo heewo gár i leelehhiiti a hee nguwa gaasi. Umuúqo heewo hhiyaawós gun tsaaxweelír i qamín.

NAHUMU 3:1

A tsaxwaawók kiíngasír gixsár tseerdaá ku'umamiis, aga háts muruú lamto nee oo al/aymaaro, hara/untsaawók i baloó faakiaaká.

NAHUMU 3:10

Tam adoorihe kana ar tláy amór saáwí ale, mukós kuri ar tláy baraá lawaali'iima, na/iiwós kudaá qaweero kina tlumhhumamiís baraá lohdaá uren, mukós kudá' ta ilaiwawa/i kuna tlaxún, nee mukós kudá' urén sleémeero kuna tsegiít ar qutúr.

Matayo 23:35

Gawaá adoorihe tseerdu sleémeero awa múk hota ganaá', kudá' taa yaamií ku'uús, nu i ki/iyá', iimír tseerér Abeli wa tleemu kudá' hota ganaá', tam ay tseerér Sakariuú Barakia, kudá' taa gasé' tla/ángw kitángw ilahhooa nee Doó Mungú.

DABE 23:13

Baraá xooslarhunge masók kurmo i deer as qoomár bar /o/ór slá' bohoongw kuwa fol ar kurmo, nee /o/ooro bara hhe'és kari típ.

YOSHUA 10:22

Yoshua iri oó', «Mar'i kisaak, waawitaádá' kooán duuxare', amor'eénií huwaare'.»

Geehhoeemaá 17:6

Aníng ngiri tsaáhh adór /ameenidá' kara oonitiís nee tseerér múk hhohhó' sleémeero oo Mungú, nee ar tseerér mukdá' taa tsuú/ as Yesu kuwa lamabu'ún. Aníng inós ngiwa ár niri ló'wa waa/oó/.

Geehhoeemaá 18:24

Baraá gixsarihe tseerér aaruuse kaa ár, nee ar múk hhohhó' oo Mungú, nee ar mukdá' sleémeero taa tsuú/ baraá yaamuwo.