ESEKIELI 24:17 - Biblía Axweesantá Hhohho' ar Mungú 2004

¹⁷ Ala tawo quruú/, ma tseeaar. Heewí aa gwaa' mu sa tsuunqusaar. Ya/ataawók dahaaseek, nee warqamoowók oo saga tseegeek, afkók mu lu/aar, laqaá muruú /aymár tsuunqumis mu /ayaar.»

ESEKIELI 24:17 Iomraidhean Croise

2 SAMUELI 15:30

Ala Daudi ina kumamiít iri tsa/án tloomár Seituni, i hara /aa/amín, i ya/ataá konká, nee sagós gwaa tuuntuúk. Tam mukdaádá' sleémeero nee inós ti alkoomá', sagér'ín kaa tuuntuúk tawa tsa/aa/an gawaá tlooma, ta hara /aa/amín.

WARA'AMI 37:7

Dír AAKOÓ MUNGÚ i xasliiteek, inós ku daán ar qitla. Kurkeér heé adoorós tidá' ar al/ayma ga ya/a/aám, nee mukdá' lohuín kudá' tlakw ngaa muruú wa slaye'.

WARA'AMI 39:9

Aga xasliít afkwe'eé' ugwa mutsutsuú'. Asma kuúng an kudá' adoorí gaa tleehh.

WARA'AMI 46:10

«Haay xasliité', tsaahhaak adór aníng tar Mungú! Aníng taa iia tleereés baraá xoorduwo, ti iia tleér baraá yaamuwo!»

ISAYA 20:2

qoomaadae AAKOÓ MUNGÚ Isaya, garmoó Amos gwaa báy, «Tlabaasingaá guniyadu duuxeek gawaá slaqwtoge nee ya/ataawo sleeme.» Isaya axweesantí gari iialooeés, gari tleéhh iri hi'iimiít ar /aankwets nee ya'aá tawo.

YEREMIA 13:18

Waawutmo nee aayoorós bawaak, «Aweeraré' gawaá kiteerihúng awa waawuti'iimaro, asma slam'iihúng kudá' hhohho' naa huuhu'uné' gawaá sagerhunge.

ESEKIELI 24:18

Naagáy matlaatleero ana axweesaán nee muu, tsiindoowo harer'eé' iri gwá'. Matlaatlér taa kawaani tidá' taa báy ana tleéhh.

ESEKIELI 44:18

Warqamaá neewór kitaáni ngi tsegitiyá' gawaá sager'ín, nee surwaánaay ngun dahaasiyá', ala hima ku tseegiiká.

HOSEA 9:4

Ilahhooár difaái ka sangw dír AAKOÓ MUNGÚ i hanisiiká, tam ngu sangw qwal/atisiiaaká ar ilahhooár muruú ta tsu/i. Ilahhooaar'ín ar muruú ta tsui tari adór mikaátér múk tsuunqumiís. Umuúqo heé gaa /ayi kwaa meetagaás. Asma mikaáter'ín tidá' gár iwa hariin a har qwarkuín gun tse'eemís, i harindaaká kawa baraá doó AAKOÓ MUNGÚ i huwi.

TLAHHOÓ LAÁWI 10:6

Mose Aroni nee daaqaywos, Eleasari nee Itamari giri báy, «Se'eemerhúng ma xaafara' nee tsitayhúng mu feehhamiisara' as tsuunqumis, bar adooriheeká tundu tsuu/ nee AAKOÓ MUNGÚ, xooro sleémeero gari i buuhh. Ala hhaeehúng awa xoorór Israeli ngi aleeslayá' iwa hheehhe'eemiisiya' as asltadá' AAKOÓ MUNGÚ naa huwi.

TLAHHOÓ LAÁWI 13:45

«Umuúqo heewo oo tiqtír tsatmituú koóm tlabaá slaxaremo gin tsitiit, nee se'eengós gu xaafiiká, nee afkós gun luu/, inós iri tseeamín iwa kaahi, ‹Aníng a baraá meeta! Aníng a baraá meeta!›

TLAHHOÓ LAÁWI 21:10

«Kaahamusmoó úr oo Mungú, as inós kuwa úr tla/ángw hhaeewose, nee kuwa dí/tár iimbalaáx kuri paraátl, as tsitoó hhohhó' nguwa tsiiti, se'eengós munguwa tawo máy, laqaá tlabaawós mingiwa feehhamiís as tsuunqumis.

AMOS 8:3

Baalaadá' bira xeér, daa'ángw Doó Mungú a tsuunqumis. Anuú Aakoó MUNGÚ tí aga oó'. Tuaá yaariir nay tlufaafuiyá' umuú diiro, kiri qawti kwakwaahh.»

MIKA 3:7

Mukdá' iigu'utuú ara'ár, tay amooqwaar, kuri mureekeemiis, nee mukdá' aaririím tay amooqwaar sleeme, kuri niinaweemiis. Sleémeero afer'ín kari tuuntuuk, asma Mungú i ilawatsiiká.

HABAKUKI 2:20

«Ala AAKOÓ MUNGÚ i baraá do'ós kudá' hhoohhoó' i dirii', yaamu sleémeero i xasliitiye' geeraawós i ale.»

Matayo 9:23

Yesu iwa dír doó waawutmoodií hardáh, múk filiímboó ufhhaám guna didií áy, nee boo/oó muu oo tsuunqumiís.