ESEKIELI 24:14 - Biblía Axweesantá Hhohho' ar Mungú 2004

¹⁴ Anuú Aakoó MUNGÚ tí ngina oó'. Gaarí i bó/, aníng a tleéhh. Gár adór tihe aníng a lakiitaaká, laqaá gurueé' i tlayká nee a warqawaaká. I sakwasleemuút ar har qoomoó adoodá' tar hotaatiin nee tlehhmi'iiwók.› Anuú Aakoó MUNGÚ tí ngina oó'.»

ESEKIELI 24:14 Iomraidhean Croise

YOBU 27:22

Mungú gun fur'aárí tlees sleeme gu gurtlayká. In mak ta'aaín yeé ya'aawose, ala gár i bui i káhh.

WARA'AMI 33:9

Asma inós ngiwa oó' iri tleehharút, inós iwa ilawaáts iri deerút.

ISAYA 3:11

Ala mukduú tlakuuse a tsaxwaaín ado gi alxir'imít, asma adoodá' naa tleehhiyé' an tidá' gi slaw.

ISAYA 55:11

An adoodá' axweesantá aa baraá afkueé' wa ti'it, asma iwa tawo ki/ká amor'eé' ale. Ala aqo tidá' ni slaa' gan boo/és, aqo tidá' kasa ya/aáw gan tléhh.

YEREMIA 13:14

Inooín in kilooín haraa'awísh, ín baabá nee na/ii, i baloó gurtlawaaká, i baloó mawaaká sakwasleemaro, laqaá i baloó gurtlawaaká, aqo in hhaamiís.› »

YEREMIA 23:20

AAKOÓ MUNGÚ buhhtaawo i baloó alií ki/iiká, ay dír tidá' aa slaá' tleehharo baraá muunaáwose ngay boo/eesi. Deelór ni hi'iita tí kuungá' a tsaahha hhe'eesá'.

YEREMIA 4:18

Yúda, hotaangók nee tlehhmi'iiwók kuúng ugwa kaangwí huwiyé'. Kaangwí an qwanaay nee slahh'amu diroge, slám a ló'wa dáh baraá muunaáwók.»

ESEKIELI 16:43

Kiíng aga gunqaarút tidá' anuú Aakoó MUNGÚ naa tleéhh qoomár kiíng tawa /amaatliito'o. Kiíng aníng iga ló'wa buhhtís ar muruudá' sleémeero taa tlehhaahhít. Aníng kiíng i li/áy buú' daanduú umuú gár taa tlehhi. Anuú Aakoó MUNGÚ tí aga oó'. Xáy, slasla/ara ugwa qo dogkáhe daanduú muruuwí sleémeero án ni ahhiita?»

ESEKIELI 17:24

Daqaní xaai baraá yaamu sleémeerowo ngiri tsaahhiyá' adór anuú AAKOÓ MUNGÚ xaa'aá tlet ngir gáwtá wa daraáhh, xaa'aá ququmat ngiri tledemiís. Aníng xaa'aá naa/á' in kahaás, nee awa kaaharen in naa/amií ki/ís ngay ureemiís. Anuú AAKOÓ MUNGÚ tí ngina oó' nee an tleéhh.»

ESEKIELI 18:30

«Gawaá adoorihe, anuú Aakoó MUNGÚ kuungaá múk Israeli, nun sakwasleemuút. Umuú heewo un sakwasleemuút ar harqoomoó tlehhmi'iiwós. Hhu'uu'umé' nee tlakweema tlehhtuuwo mawaak, tlakweemaahúng munduwa hhaamiisiyé'.

ESEKIELI 22:31

Gawaá adoorihe iga buhhtaaeéní ku'uús, nee ar asltá xarasleemaeé' iga hhaamiís ar harqoomoó tlehhmi'ii'ín i diri'iya'. An adoodá' ni kah, anuú Aakoó MUNGÚ.»

ESEKIELI 23:24

Múk /iikú daáhh ni hardah ar gardaá slaqwara nee awa huwa loohisoro. Inooín múk yaariír ngun geerahariyá'. Kiíng in harweeriyá' bihhe sleémeero ar gaambudaá uren nee awa ninakwe nee kifiyadaá muqsla. Aníng aleesleemuú kiíng iwa sakwasleemutiyá' ugwa haniís, inooín kiíng tin sakwasleemuut ar daber'ín.

ESEKIELI 23:29

As adoodá' kiíng iwa slaiaaká, mamaá gadiyér dabaawók ngin hayoohiyá', tlabaawók kiri hayoh iri /aankwetsisiyá', /aankwetsuú tsaatu'uumarók gár kur lu/ iri qwát. Kaangwí gár kusa sleér a as tsaatu'uumarók nee fuqtók.

ESEKIELI 24:15

Axweesantá AAKOÓ MUNGÚ ana malé axaás, i kat,

ESEKIELI 30:9

«Baalaadae ya/abuuse a ya/aáw ar múk Kushi gu naxwtá aw, kudá' ti xuá' iwa baraá wayda. Inooín gurhaamír ur giri eér bál Misri bara hhaamiís. Ar ló' deelo ni hi'ít.

ESEKIELI 36:19

Ina diyaá/ baraá tla/ángw xoordaá hatlá', ngiri tsiyayaáx baraá yaamaá hatlá'. Inooín ina sakwasleemuút ar har qoomoó tlehhmi'ii'ín.

ESEKIELI 5:11

«Gawaá adoorihe, ar adoodá' anuú Aakoó MUNGÚ nir hotaatima, kuungá' diirír hotaaeé' aga meetagasé' ar muruudá' aníng ni sla'aaká, aníng kuungá' nun amór saáw i kwaáhh. Guruueé' i baloó tlayká, nee hee tumu wák oo ni meetiis i kaahh.

ESEKIELI 7:3

Hám daxta alhhe'eesay naa hardáh. Buhhtaeé' awa xaraaslá' daanduhunge i axasá', nun sakwasleemuút ar har qoomoó tlehhmi'iihúng, nun sakwasleemuút as muruudá' sleémeero aníng i buhhtamís taa tlehhé'.

ESEKIELI 7:4

Nu baloó mawaaká, laqaá gurueé' i tlayká, aqo nun sakwasleemuút, har qoomoó tlehhmi'iihúng, barnaxes muruudá' aníng ni ahhiit i baraá tla/angwhúng kón. Daqaní kuungá' a tsahhá' adór aníng tar AAKOÓ MUNGÚ.›

ESEKIELI 7:8

«Hamír kilá' ilooeemaá xarasleemaá daanduuhunge i axasá'. Án kuungá' nun i buúhh. Nun sakwasleemuút ar har qoomoó tlehhmi'iihúng kudá' taa tlehhité'. Nun sakwasleemuút ar har qoomoó muruudá' buhhtamís taa tlehhé'.

ESEKIELI 7:9

Nu baloó mawaaká, laqaá gurueé' i tlayká, aqo nun sakwasleemuút har afiqoomoó tlehhmi'iihúng, barnaxes muruudá' aníng i ahhiit i baraá tla/angwhúng kón. Daqaní kuungá' a tsahhá' adór aníng tar AAKOÓ MUNGÚ, kudá' nu hhaamiís.

ESEKIELI 8:18

As daanduú muruuwihe aníng inooín in i xaraásl. Hee tumu wák i kotsoqotiiká, laqaá guruueé' i baloó tlayká. Tam i /a/aminá' ar afór ur, aníng i baloó axaasaaká.»

ESEKIELI 9:10

Bartaeene i baloó mawaaká, laqaá i gurtlawaaká. Aníng an tleéhh adoodá' hariim as tlehhmi'ii'ín.»

SEKARIA 8:14

Asma AAKOÓ MUNGÚ Aleesleemusmo i kaahi, «Adoodá' geera kuungá' nura gár tlaákw i slaá' tleehhamooro qoomár baabi'iihúng iwa buhhtisiyé', nee muner'eé' ki/ima giri sí'.

FAARO 11:23

AAKOÓ MUNGÚ Mose guri mu/aywaáts, «Ahaá aleesleemueé' aa /aarúyí? Gimáy daxta axweesante'eé' adór tar ló' laqaá lama a tsáhh.»

FAARO 23:19

Mungú lama ga adór heéwaá tsatiiká, laqaá i adór heéwaá gwadiidinká. Xáy al'axweesani ga oói gadaádá' gari boo/eesiiká? Gaa ga oói gadaádá' gari tleehhiiká?

Matayo 16:27

Asma Garmoó Hee i hardah ar baraá xirfuú Baabuúwós dinkwa nee malaykeerós. Qoomaadá' an qoomár umuú heewo nguwa bui ar qoomoó tlehhemi'iiwós.

Matayo 24:35

Doori nee yaamu i waaraahhiyá', ala axweesante'eé' i baloó waarahhká.»

1 SAMUELI 15:29

Slám Munguúduú xirfuú Israeli, lama ga ooiiká, tam i gwadidinká asma inós a heewooká.»