ESEKIELI 23:5 - Biblía Axweesantá Hhohho' ar Mungú 2004

⁵ Ala tam Oholiba a harer'eene, inós ina kumít fuqto, nee sla'aaruuseerós tidár yaamá Ashuru gana ilatleerús.

ESEKIELI 23:5 Iomraidhean Croise

1 WAAWITÁ 14:16

AAKOÓ MUNGÚ múk Israeli gu sii' as tlakweemadá' Yeroboamu aa tleéhh, nee múk Israeli gway baraá tlakweemií dahaás.»

1 WAAWITÁ 14:9

Ala kuúng muruú tlákw una tléhh oo hee aa baloó tleehhiiká iimír aange. Kuúng aníng iga buhhtís, asma kuúng slaqsa'aá munguaá hatlá' iga tléhh, nee aníng iga áhh, iri alaá xu'ús.

1 WAAWITÁ 15:26

Nadabu tlakweema gina tleéhh dír geeraá AAKOÓ MUNGUHE, adoodá' baabuúwós aa tleéhh gana eehár, kudá' múk Israeli gwaa baraá tlakweemií dahaas.

1 WAAWITÁ 15:30

Muruuwí sleémeero ina tleehharuút, asma Yeroboamu AAKOÓ MUNGÚ, Munguú múk Israeli guna buhhtís, ar tlakweemaawós, nee múk Israeli guna baraá tlakweemií dahaás.

1 WAAWITÁ 21:26

Inós gár ta waki gana tleéhh, munguaá múk Amori ngiwa sluufmiís, mukdá' aáng AAKOÓ MUNGÚ aa guús geeraá múk Israeli wa ale.

2 WAAWITÁ 15:19

Naagáy Pulu waawutmoó Ashuru yaamaá Israeli giri i haraatláy. Nee Menahemu kilór mibeera tám nee tsiyáhh ar peésa gari haniís dír waawutmoó Ashuru nguwa alee/iisi waawuti'iimarós ngiwa gawdeesi baraá yaamaá Israeliro.

2 WAAWITÁ 16:7

Ahasi muu guri ya/aáw amór waawutmo Tiglat-pileseri oo Ashuru iwa kaahi, «Aníng a sagadiyusmoowók oo inkihhimuú koóm, qwaláng tu/áng baraá dabaá waawutmoó Aramuwo nee oo Israeliwo kudá' aníng iga i haraatlaye'.»

2 WAAWITÁ 17:3

Waawutmo Shalmanesa oo Ashuru guna i haraatláy, Hoshea iri sagadiyusmoó Shalmanesa tleehhiít, ohme gari hanmiís.

YEREMIA 50:38

Ma'ay'ín ni kahiye', as kahhó' niwa kahiya', asma Babuloni a yaamaá murslaaqatuú mungui. Muu a slarhhamumuút daanduú slaqsa'aá munguaá hatláe.

ESEKIELI 16:28

«Ala kiíng aga hhe'esiká, tari sli'imár eér amór múk Ashuru. Tam sli'imaasíng sleeme iga tafki/iská.

ESEKIELI 16:37

Naagáy aníng mulqeerók tidá' sleémeero nee kiíng aga alqwalala/e' ngi burumbuúr, kudá' sleémeero ta sla' nee kudá' ta sla'akahe, ngi burumbuúr bihhe sleémeero as kiíng iwa i haratlaya', aníng kiíng iri /aankwetsiís dír ilaaín wa ale, /aankwetsuuwók nguri ariyá'.

ESEKIELI 23:12

Inós múk Ashuru guna ló'wa ilatleerús nee ga/awuuseero, nee geeraharuusér slaqwara, nee slaqwaruuseedá' tlabaá slaqwara gaa dahas, nee slaqwaruusér faras i tsa/amtooro gu ló'wa xuu', inooín sleémeero a masoombár hhohho'.

ESEKIELI 23:16

Inós slaqsi'iikaá mukwí ngiwa aán, hheehha gari gás, gura' gari óh, ya/abuuse gari ya/áp ay yaamaá Kaldayo.

ESEKIELI 23:20

Inós hhawaataá aa ló'wa slá' a kudá' hheehhar'in adór taqár daqwaaye, nee kudaá /uuruuín oo xwayla oo adór kuquú farsuú yaqaambe.»

ESEKIELI 23:4

Dasír ur ka bay Ohola, nee ar niina ka bay Oholiba. Naagáy sleémeero nay kwe'eé' tleehhitiyé', na/iieé' awa daaqaay nee awa dasuuwo ngiri laqwaaliyé'. Ohola a gixsár Samaria nee Oholiba a gixár Yerusalemu.

ESEKIELI 23:7

Ohola tsaatu'uuma gana tléhh nee waawituú Ashuru sleémeero, inós tiri meetagás ar munguaá slaqsi'iidá' sleémeero awa umuú hhawaatuú aa slai.

ESEKIELI 23:9

Gawaá adoorihe aníng inós ngiri haniís dabaá sla'aaruuseerós tidár Ashuru, tidá' inós aa ló'wa slá'.

HOSEA 10:6

Slaqsayduú dama kuri huuw Ashuru. Kuri koódír wa haniis dír waawutmoó úr, múk Efraimu kuri mureekees, nee múk Israeli iri muruut as slaqsayduú mungú.

HOSEA 12:1

Umuú gaaro ar múk Efraimu i tlehhiiti a tawo. Lameemo nee muruú tlakwe ngin alkoná' tlehhtuuwo. Inooín alqado ngin tlehhiitiyá' nee múk Ashuru, nee di/i kan huwahuuw ay Misri.

HOSEA 5:13

Qoomár múk Israeli tiqtir'ín ngiwa tsaáhh, nee múk Yuda inkahhi'ii'ín ngiwa tsaáhh, Múk Israeli iri tláy amór Ashuru, muu guri ya/aáw amór waawutmoó úr, ala inós kuungá' hungu/uusaro nu aleeslayká, tam inkahhi'iihúng gi hungu/uusiiká.