ESEKIELI 23:40 - Biblía Axweesantá Hhohho' ar Mungú 2004

⁴⁰ «Tam ya/abuuse kana ya/abiít amór muk'ín kudá' sawén, nee hhawaate niri hardihiyé'. Kuungá' tari hamtliindé' as inooín, hhamhhamaá ilaahúng kiri slikiinde ar wahaaso tiri parootusé' ar tlaa/aá tlaxo gawden.

ESEKIELI 23:40 Iomraidhean Croise

2 WAAWITÁ 9:30

Yehu iwa hardáh Yesre'eli, Yesebeli kangwdá' aa tleehharuut gwa qaroó geerií axás. Hhamhhamaá ilaawós gina parootús ar wahaaso nee se'eengós guri xáf, iri tleér dír pa/aangw, iri baráy ii qaytsít.

ESTA 2:12

Dasuuwí tin parootumaamiis har afiqoomár slahheeraá mibaá nee tsare, slahheeraá lahhoó' kudaá geeraawo manemane kan slikaakín, nee slahheeraá lahhoó' awa hatlae kudaá alhhe'eesaay mooyaangw nee di/oó hatlae ngun slikiná', alaá adoorí bira hhooeér umuúqo dasiiro kan huuw dír geeraá waawutmo Ahasuero.

AXWEESANOÓ SAGALOOA 6:25

/Ameeni ma ilaatleerusaar as kawa hhoohhoó', sleeme ma ya/amaar uwa ot ar hhamhhamaá ilaawós.

AXWEESANOÓ SAGALOOA 7:10

Naxés tari doogiyé' nee /ameeni, tlawuú tsaatu'uuma ngwa dahás, ka afa kaahaar.

ISAYA 57:9

Kuungá' mooyángw tsuú' oo yaariír una sleeré', di/aay una hubé' dír munguúdá' ta bay Moloki. Kuungá' ya/abuuserhúng ana ya/abité' amór saaw, sleeme ana ya/abité' ay baraá gi'i.

YEREMIA 4:30

Kiíng Yerusalemu taa tawo geexáy. Gár tlabaá kal'aá da/aten kis dahas? Gár tis parootus ar sahaábu a milá? Nee gár hhamhhamaá ilaawók kis qaaliin? Tin tawo parootús. Sla'aaruuseerók iga qaroó waaqá', nee inooín gár i slaiya' in gaasiyá'.

ESEKIELI 23:13

Ana tsaáhh adór inós tira ló'wa meetagás. Ala looeemaawo inooín tsaraawo ta alqón.

HOSEA 2:13

Aníng a muúx as deeloodá' ur ar munguaá ta bay Ba'ali i aaeer, nee ilahhooadár mooyángw koom deeloodae i da/a/ángw aaeer dír munguiidá'. Tina parootumaamís ar peéterós nee ar muruudá' tlaxo gawdén, iri tleér amór mulqeerós, aníng iri gunqaarés. Anuú AAKOÓ MUNGÚ tí ngina oó'.

1 Petro 3:3

Kuungá' tlaáwaay, hhohhoaari ma leelehhitara' ar parootír slaqwa, adór se'eengw kuwa hhutlita', nee tiwa parootusa' ar sahaábu, nee ar inqwaruú hhohhó'.

RUTI 3:3

Gimáy, tláw, hamtliím, di/i slikeek, tlabaawók awa hhohho' tsiiteek. Daqaní ta tleér ay didá' iwa haritleemisi. Ala inós kiíng miwa ár ay dír inós /ayma nee wahaango i hhe'eesi.