ESEKIELI 23:39 - Biblía Axweesantá Hhohho' ar Mungú 2004

³⁹ Asma baalaadár kilae na/ii'ín ngiwa ilahhooár wa tsu/iyé' dír slaqsi'iidaá munguaá hatlá', nina hardihiyé' ay dír dooeé' kudá' hhoohhoó', ngway meetagaasiyé'. Adoorí an adoodá' naa tleehhiyé' baraá dooeé' wa ale.

ESEKIELI 23:39 Iomraidhean Croise

2 WAAWITÁ 21:4

Kiteeraá ilahhooa gina tleéhh baraá Doó AAKOÓ MUNGÚ didá' aáng AAKOÓ MUNGÚ iwa oó', «Yerusalemu an dír umuueé' kuwa ateeti.»

2 WAAWITÁ 21:6

Inós na/aywós guna haniís as tawa ilahhooár da/a, tlaa/e giri xuú', iri tsuuqaá a'áy, tari aldinku'uús nee qwaslaarér giaá duxuum nee da/aluuse. Inós muruú tlákw guna ló'wa tlehhiít, AAKOÓ MUNGÚ guri mune duúx.

ISAYA 3:9

Gitsee/er'ín baraá aán gár ir lamabu'uun a tlakweemaaín kudá', adór kuqaá Sodoma, slám ki lu/u/unká. Mukwí a tsaxwaaín, asma hhintleemooín ngaa tlakweemár ayé'.

YEREMIA 11:15

AAKOÓ MUNGÚ i kaahi, «Muk'eé' kudá' naa tsawaár i harína tawa dahi baraá dooeé' bar inooín tlakweema nga tleehhiyé'. Xáy, ngiwa xuiya' al'axweesani nee fu'unaá ilahhooár muruú ta tsu/i slahh'amu ngu hingeesía? Xáy, kaangwí giqo qwal/atísi?

YEREMIA 23:11

AAKOÓ MUNGÚ i kaahi, «Aaruuse nee kaahamuusér Munguhe Mungú ngu ilaiwawa/iaaká. Tam ay baraá dooeene tlakweemaaín iga ár.

ESEKIELI 20:39

«Hám daxta kuungaá múk Israeli, anuú Aakoó MUNGÚ nun babaw, ‹Án bir iialooeemisa'aaká, kár ala gimsé', kumité' munguaá hatlá' sluufmisuuwo, ala tundun /uurutis umuueé' kudá' hhoohhoó' kuwa meera' /osliisliingo ar ilahhooa nee slaqsi'iihúng kudaá munguaá hatlá' kudá' ta haratlintaatia'.›

ESEKIELI 22:8

Kiíng xooslar'eé' tidá' hhohho' aga waaqá', nee deelor'eé' ar Sabaáto aga meetagás.

ESEKIELI 23:38

Slám a tí kiloseeká, dooeé' nguna waaqaaiyé' nee deelor'eé' tidár Sabaáto ngina meetagaasiyé'.

ESEKIELI 44:7

Dír hotaeé' aga meetagasé', as múk taa hhehhe'eesiiká iwa didií daráh, múk aníng i ilaiwawa/aaká, qoomár di/i nee tseere birki dir'eénií hanmiis. Gawaá adoorihe, muk'eé', kuungá' alqador'eé' aga geexeeré', ar muruuhúng kudá' aníng ni ahhiit kuungá' taa tlehhité'.

ESEKIELI 5:11

«Gawaá adoorihe, ar adoodá' anuú Aakoó MUNGÚ nir hotaatima, kuungá' diirír hotaaeé' aga meetagasé' ar muruudá' aníng ni sla'aaká, aníng kuungá' nun amór saáw i kwaáhh. Guruueé' i baloó tlayká, nee hee tumu wák oo ni meetiis i kaahh.

ESEKIELI 8:16

Naagáy aníng iri huúw ay dír afeenír Doó AAKOÓ MUNGÚ, didár afkú Doó AAKOÓ MUNGÚ, dír tla/ángw matla/aangw nee kitángw ilahhooa. Naxés hhawaataá mibeeri tsár nee kooán i didií dirii'iyá', Doó AAKOÓ MUNGÚ ngwa alaá xu'usiyé', gur'er'ín kaa da/aáw xu'ús, ta tse/amuú firirín, gur'e a da/aáw.

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

Yohana 18:28

Yesu kurir tláy dír doó Kayafá wa ale, ay boómár ur. Nee qoomaadá' a matlaatlér boo/. Ala múk Yahudi aa dahiiká baraá boómár úr i alé, as tawa meetin, mikiwa ilaá/ muruú /aymár Pasaáka /aymaaro.