ESEKIELI 23:24 - Biblía Axweesantá Hhohho' ar Mungú 2004

²⁴ Múk /iikú daáhh ni hardah ar gardaá slaqwara nee awa huwa loohisoro. Inooín múk yaariír ngun geerahariyá'. Kiíng in harweeriyá' bihhe sleémeero ar gaambudaá uren nee awa ninakwe nee kifiyadaá muqsla. Aníng aleesleemuú kiíng iwa sakwasleemutiyá' ugwa haniís, inooín kiíng tin sakwasleemuut ar daber'ín.

ESEKIELI 23:24 Iomraidhean Croise

2 SAMUELI 24:14

Daudi iri oó' dír Gadi, «Hhaslór yaariir iga eér! Ala a tsiní tiwa slahhi nee AAKOÓ MUNGÚ, ta tiwa qaasi baraá dabaá muu, asma AAKOÓ MUNGÚ i gurtleemuú kón.»

YEREMIA 47:3

Inooín kididiheelíngw faras ku axaas, nee tsimaahhír gaardaá slaqwara, nee kuduuduhár /angeegeuú gaardu kari axaas, baabi'i na/ii'ín kiri máy amohhe'eemisuuwo, asma dabaaín naa tsatiitiyé' ló'wa aleeró.

YEREMIA 52:11

Naagáy ilaá Sedekia giri tu/ún nee guri tseék ar him'e, guri ar tláy ay yaamaá Babuloni, guri tseék ay bál gwa'ararós.

YEREMIA 52:9

Naagáy múk Kaldayo waawutmo nguri oohiyé', ngway huwiyé' amór waawutmoó Babuloni baraá Ribla, tidár baraá yaamaá Hamati, guri didá' wa sakwasleemuút.

ESEKIELI 16:38

In sakwasleemuút asma kiíng a adór /ameenár al'axweesantá duuxo gaa geeqeer, laqaá adór múk tsu/uutuuse, án kiíng in sakwasleemuút ar sakwasleemár gwa'ara as niwa buúhh nee da/i iwa ót.

ESEKIELI 21:23

Ala múk Yerusalemu ngiwa xui aaru'uumarí ar lama, asma inooín lo'ór kilá' ngaa qaroó /ayé'. Tam nee tihe aaru'uumarí inooín gi qo inslawtís tlehhmi'ii'ín kudá' tlakwe, nee dukiirír inooín kiwa ohin gari dók.

ESEKIELI 23:45

Ala har'ohuusér gan'amuú koom gin sakwasleemút, adór múk fuquuse nee oo tsu/utuuse kir sakwasleemamuuti, asma inooín a fuquuse nee a tsu/utuuse.

ESEKIELI 26:10

Farsuú waawutmo Nebukadnesa ku ló'wa úr, nee teeri birnga gáwtí tleesiyé' iri tuuntúk. Koo/i iri daaraxát as kududuhoó slaqwaruusér faras gwaa i tsa/aan, nee gaardaá slaqwara nee kudá' huwaá koomá', qoomár bir darah afkú gixsaroge a adór múk daráh baraá gixsa ar dír aa fee/it.

ESEKIELI 26:7

«Anuú Aakoó MUNGÚ a kah, waawutmo Nebukadnesa oo múk Babuloni, waawutmoó waawitá ngu /iikú wa huúw, nee farsuuwós nee gaardaá slaqwaraaro nee slaqwaruuseedá' faras gwa i tsa/aandi, nee slaqwaruusér yaariire, Tiro ngin i haratlayá' ngiri haraweeliyá'.