ESEKIELI 23:23 - Biblía Axweesantá Hhohho' ar Mungú 2004

²³ Aníng múk Babuloni ngu dúk, nee oo Kaldayowo, nee mukduú Pekodi sleémeero, nee oo Shoa nee Koa, dinkwa nee múk Ashuru sleémeero. Aníng masoombár hhohho' ngi dúk sleémeero nee ga/awuuse, nee geeraharuusér slaqwaruuse, nee waawitá nee slaqwaruuse sleémeerowo tidá' aa tsa/aan gawaá faras.

ESEKIELI 23:23 Iomraidhean Croise

IIMU/UUNGW 2:14

Nee umuú yaaér tám a Tigri. An yaaeedá' aa waarahh ar bihhaá da/aáw awa yaamaá Ashuru. Nee umuú yaaér tsiyáhh a Eufrate.

IIMU/UUNGW 25:18

Xwaylár Ishmaeli ina hót iimír yaamaá Hafila ay yaamaá Shuri bihhaá da/aáw awa Misri, amór isaapoó Ashuru. Múk Ishmaeli ina iisaapoó hhaeeín wa hoót.

2 WAAWITÁ 24:2

AAKOÓ MUNGÚ guri xoordií tleés, xoorór Babuloni nee ar Aramu, nee ar Moabu, nee ar Amoni, yaamaá Yuda kiri i haratláy, nee yaamuudá' kiri hhaamiís adoodá' aáng AAKOÓ MUNGÚ aa oó' ar afér aaruuseerós.

ESRA 6:22

Deelór ur ar mikaátér taa sluuftisiiká kari tleéhh ar qwala/ ar afiqoomár deelo faanqw, asma AAKOÓ MUNGÚ inooín gina qwal/atís nee muunuú waawutmoó Ashuru guri warqeés as múk Israeli nguwa slai, inooín giri ale/iís as ngiwa /uurií qaasi baraá gadiyér tlehhmuú doó Munguhe, Munguú Israeli.

YOBU 1:17

Qoomár kwí kaangwí nguwa hhe'eesiiká ooaro, oo hatlá' nina hardáh, iri oó', «Múk Kaldayo tina amohhe'eés ar daqooray tám, angamiadu ngiri hayoohiyé', sagadiyuuse ngiri tsu/iyé' ar paánga, aníng kilooeé' nina /úw, as kaangwí nguwa ooár aw.»

ISAYA 23:13

Ga/aaweek mukdá' makaá sla/a ngaa geemay niwa haratlaya' amór gixsár Tiro a múk Kaldayo, slám a múk Ashururoká. Inooín an múk gixsa gaa harweer ar /aampu, as kawa i haratlay, maraywós kudaá waawitá kiri taangúy.

YEREMIA 50:21

AAKOÓ MUNGÚ i kaahi, «Tlawsé' haratlawé' amór yaamaá Merataimu, nee haratlawé' amór yaamuloouusér Pekodi, tsu/uuté', ló'wa hhaamiisaak. Umuú gár naa ooi tleehhaak.

ESEKIELI 16:1

Axweesantá AAKOÓ MUNGÚ ana malé axaás, i kat,

ESEKIELI 23:12

Inós múk Ashuru guna ló'wa ilatleerús nee ga/awuuseero, nee geeraharuusér slaqwara, nee slaqwaruuseedá' tlabaá slaqwara gaa dahas, nee slaqwaruusér faras i tsa/amtooro gu ló'wa xuu', inooín sleémeero a masoombár hhohho'.

ESEKIELI 23:14

«Ala Oholiba fuqtós gana ló'wa tlahhás, sleeme kari sla'atís nee slaqsa'aá múk Kaldayo, kudá' taa gooín baraá koo/írí alé, kari qaalín ar kal'aá da/aten,

ESEKIELI 23:22

«Hám daxta kiíng Oholiba, anuú Aakoó MUNGÚ a kah, ‹Aníng sla'aaruuseerók tidá' aáng taa geexeér ar aahhi ngi kiíngí tleés, ngi huúw iwa i haratleer bihhe sleémeerowo.

ESEKIELI 23:6

Sla'aaruuseerós tí a slaqwaruusér tlabaá sirbo/ ngaa dahas, nee a waawitá nee geeraharuusér slaqwara. Inooín sleémeero a masoombár hhohho' nee a múk farsuú xuú' i tsa/amtooro.

Tlehhema'aá ya/Abuuse 7:4

Abrahamu yaamaá Kaldayo giri geexáy, iri hotaá áy baraá yaamaá Haráni. Alaá gwa'arár baabuúwose Mungú guri loohatís ay baraá yaamuuká' kuungá' hamí ta hota'.