ESEKIELI 23:19 - Biblía Axweesantá Hhohho' ar Mungú 2004

¹⁹ Tam adoorihe ina ak búhh fuqto adoodár kilá' tawa /amaatliito'o ira fuqús baraá yaamaá Misrír wa alé.

ESEKIELI 23:19 Iomraidhean Croise

IIMU/UUNGW 38:24

Alaá slahheeraá tám niwa waarahhiyé', Yuda kaangw gway axaás tawa kaahi, «Harér garmaawók Tamari aa fuqús, nee tsiihaay gwaa sleér.» Yuda iri oó', «Tsee/áy duuxaak, da/aak.»

ESEKIELI 16:22

Baraá mura' sleémeero dinkwa nee sli'imaarók tidae, aga insleeriiká deelór na/uumaarók tidá' tawa kal/aandus baraá tseereerók wa aleeró, qoomár tawa /aankwets nee tiwa gaa wásl.»

ESEKIELI 16:25

Dír umuúqo iimu/úngw loohír ure wa/aamér munguaá hatlá' kiwa ilahhooár wa hanmiisi ana tléhh, hhohhoaarirók kari ar fuqús dír umuú heé waaraahha, tari búhh fuqto.

ESEKIELI 16:29

Kiíng tari kumít tawa sli'imár eer amór múk halanuuse oo yaamaá Kaldayo, tam adoorihe aga furgu/ká.

ESEKIELI 16:51

«Ala Samaria tam tlaqtá tlakweemaá adór kók gaa tlehhká. Kiíng muruú yaariír oo buhhtamís ugwa tléhh ta inooine. Barnaxes tlakweemaawós in alqoomeemesa nee awa hhaeewók, tlakweemaaín a gaarooká ta koge.

ESEKIELI 20:7

Ina báw, ‹Muruudá' aníng ni ahhiit sleémeero kuungá' ta sla'a', kwahhaak amór saaw. Miti meetagamisaara' ar slaqsa'aá munguaá hatlá' awa Misri, asma aníng a AAKOÓ MUNGÚ, Munguúhúng.›

ESEKIELI 23:14

«Ala Oholiba fuqtós gana ló'wa tlahhás, sleeme kari sla'atís nee slaqsa'aá múk Kaldayo, kudá' taa gooín baraá koo/írí alé, kari qaalín ar kal'aá da/aten,

ESEKIELI 23:18

Inós iwa kumít fuqto nee /aankwetsuuwós laqaqaango, aníng ana máw adoodár kilá' aáng hho'oorós ngira máw.

ESEKIELI 23:20

Inós hhawaataá aa ló'wa slá' a kudá' hheehhar'in adór taqár daqwaaye, nee kudaá /uuruuín oo xwayla oo adór kuquú farsuú yaqaambe.»

ESEKIELI 23:21

«Oholiba slasla/aruuwók una slá', kudá' kiíng tawa /amaatliito'o qoomár iwa baraá yaamá Misri, qoomaadá' múk Misri nee kiíng tawa alqaté', iseemiwós kudá' ninakw kiri kwatmiít.

ESEKIELI 23:3

Qoomár inooín tawa dasuú /amaatliite tawa yaamaá Misrír hooti, inooín tana fquús, asma tana ya/án iseemaaín kiwa kwatmiiti nee daaqaay, nee kiwa harneeti inooín niri sli'imuuse tleehhitiyé'.

ESEKIELI 23:8

Inós ina kumít tsaatu'uuma tlehhtuuwo, tidá' aa iimu/uún iimír qoomár iwa baraá yaamaá Misri, qoomaadá' tawa dasír /amaatliito'o, nee hhawaate nina alqaatiyé', slaqooín ngiri tsaeemisiyé' dirós wa ale.

AMOS 4:4

«Qwalaasé' amór Beteli as tawa dakusa'. Qwalaasé', amór Gilgali as tlakweema kiwa alkoondá' tlehhtuuwo. Ilahhooarhúng ar muruú ta tsu/i huwaare' umuúqo matlaatleero, nee umuúqo bál tame ilahhooarhúng ar sluufaay ngi hubá', umuúqo gár wák baraá muruú mibaango.