ESEKIELI 22:4 - Biblía Axweesantá Hhohho' ar Mungú 2004

⁴ Kiíng a dakuúsár koón, asma tseerdaá muu iga ku'ús. Taa kilók meetagás ar slaqsi'iidaá munguaá hatlá' kudá' taa kilók tlehhít. Deeloorók ar sakwasleema aga kilók tseewés, eeít, deeloorók kaa faár. Gaarí an gár isa haniís tiwa niqimisi nee xoordaá hatlá', nee yaamu sleémeero iwa waaqaqaiya'.

ESEKIELI 22:4 Iomraidhean Croise

1 WAAWITÁ 9:7

naagáy nun sií' kuungá' nee do'owí naa hhoohhooeés as umuueé', sleémeero in saweés dír ilaeene. Múk Israeli tari slaqsaay nee /aymuú /ooslisliingw baraá xoordu sleémeerowo.

2 WAAWITÁ 21:16

Inós múk Yuda guna dahaás baraá tlakweemaawós, inooín tlakweema ngiri tleehhiyé' geeraá AAKOÓ MUNGUHE. Sleeme Manase múk yaariír oo dakuús wásl guna tsuú/, tseerér yaariir ina ku'út badu sleémeero ar Yerusalemu.

2 QOM'I 7:20

aníng kuungá' nu hingeés baraá yaamuuká na kuungá' i haniisi, nee Do'owí aníng naa hhoohhooeés as umuueé', un amór saáwí kwaáhh dir'eene. Xoordu sleémeero do'owí ngway waqaaiyá' nee ngway niqiná'.

WARA'AMI 79:4

Aga tli/aán dír xoordaá inslaawaywo. Múk inslaawayrén tin waaqaseesén nee tin niqín.

YEREMIA 18:16

Yaamuuín nga yaamaá dae tlaaqá' tleehhiyé', ki niqín daqisleém. Umuúqo heewo oo aa baraadár waaraahhi in waa/oo/, saga guri muumukuus.

YEREMIA 24:9

Aníng inooín in gár dae tlaaq tleéhh baraá waawuti'iima sleémeero ar daanduú yaamuwo, inooín kiri niqín nee kiri waaqaqaa', nee kiri waaqaseesén nee kiri lu'umis umuúqo dír ngi loohatisi baraá yaamuwo.

YEREMIA 44:8

Ahaá waáy, gár muner'eé' kas duxuunda' as munguaá hatlá' kiwa fiririindá', kudá' taa dabaahúng ar tlehhité', nee kiwa mooyángw tsuú' i da/a/aanda', munguaá yaamuuká' ta hota' awa múk Misri? Xáy, kuungá' tunduwa hhaamisi an sla'á'a nee tawa múk ta lu'umisi nee tari múk ta waaqaaqai nee xoordu sleémeero awa daanduú yaamu?

ESEKIELI 16:57

Xáy, adoorí aga tlehhkáhe qoomár tlakweemaawók kiwa geehhooatisiiká? Hám daxta, kiíng nee Sodoma aga qoondé'. Kiíng daxta a gár waaqa'atiit dír geeraá dasuú Edomu nee inslaawaywós sleémeero, nee dír Filisti nee inslaawaywós kudá' aáng kiíng iga aahhi.

ESEKIELI 21:28

«Heewí, aariím daanduú múk Amoniwo, nee daanduú axweesantaín tidár waaniqaay dír múk Israeliwo. Inooín ki beer, ‹Paánga! Paánga kaa amohhe'eés muu tsu/taaro, kaa duúq as ngiwa hhaamis, kaa qwiiri/iís i war'eeliín adór mankari.

ESEKIELI 22:2

«Heewí, taa amohhe'ési sakwasleemaro, gixsarí múk tsu/a/iim kawa sakwasleemut? Gimáy, muruuwós kudá' sleémeero aníng i buhhtamís ooeek.

ESEKIELI 23:32

«Anuú Aakoó MUNGÚ a kah, ‹Naxooro a wát baraá xooslmooduú hho'oorók kudá' tleér yaangariír, muu iri waaqasén iri waaqaa', slám xooslmoowók i haats.

ESEKIELI 23:7

Ohola tsaatu'uuma gana tléhh nee waawituú Ashuru sleémeero, inós tiri meetagás ar munguaá slaqsi'iidá' sleémeero awa umuú hhawaatuú aa slai.

ESEKIELI 24:7

Baraá gixsarihe taa tsu/uút, tseere kaa baraá hhapér i ku'uusiiká as kawa tipi, ala tseere kana ku'uús gawaá daanduú tlaa/a.

ESEKIELI 24:8

Aníng tseereedá' aga máw gawaá daanduú tlaa/árí alé, as makawa tiíp as buhhtaaeé' ngiwa gwarangwariin nee li/aay nguwa buu'.›

ESEKIELI 36:15

Aníng xoordaá hatlá' i malé pa/aángwí hanisaaká oo kuungá' nuwa /oosliislina'. Nee sleeme xoororhúng i malé dakuuská.› Anuú Aakoó MUNGÚ tí aga oó'.»

DANIELI 9:16

Aá Aáko, adoodá' tlehhmi'iiwók awa ganaa'á' i diri'iia atén miti i buhhaar, laqaá gixsarók ar Yerusalemu ma i buhhaar, tam tloomarók tidá' hhoohhoo'. Asma muu sleémeero kuduú inslaawaay gixsarók ar Yerusalemu nee mukoge kin waqaqaa' as tlakweemaadá' atén nee baabi'iirén naa tleehhaán.

TLAHHOÓ LAÁWI 26:32

yaamuuhúng in hhitiím tam wakuuserhúng ar baraadií loohoó slaa' kiwa waa/oo/i.

FAARO 32:14

Hamí daxta kuungaá qartá tlakuuse, kitángw baabi'iihúng una eeré', as buhhtaá AAKOÓ MUNGÚ kiwa doga' gawaá daanduú múk Israeli.

DABE 28:37

Kuúng tari heé ta aahhi nee heé ta niqin ar axweesanoó bó/ nee oo ta waaqaai baraá tla/ángw muu sleémeero oo yaamuudá' AAKOÓ MUNGÚ kuúng uy huwi.

DABE 29:24

Muruuwí bur ngwa ariyé', inooín nee xoordu sleémeero tari ooi, ‹Ahaá waáy, gár AAKOÓ MUNGÚ yaamuuká' ngisa adoorí laáq? Buhhtaá adór kuká' gár i laqaqana' a milá?›

1 Tesalonike 2:16

Asma inooín atén tin ila/aná' as Ya/abtór hho' mawa alki/iitaán dír múk xoorduwo, as matawa ba/án. Gawaá adoorihe inooín harqoomayduú tlakweemaaín kun hatsmiis. Ala hám daxta sakwasleemár Mungú gaa i hardát.