ESEKIELI 22:3 - Biblía Axweesantá Hhohho' ar Mungú 2004

³ Ka beer, anuú Aakoó MUNGÚ a kah, kiíng a gixsár mukók oo kilá' tsu/a/iim, nee ti kilók meetagaamís ar slaqsi'iidaá munguaá hatlá'. Gawaá adoorihe qoomaarók ar sakwasleema naa xeér.

ESEKIELI 22:3 Iomraidhean Croise

2 WAAWITÁ 24:3

Looeemaawo muruú tlákw múk Yuda guna sláy ar adoodá' AAKOÓ MUNGÚ ngira oó', aa inooín kiwa ar tlay dír geeraawose, asma tlakweemaadá' waawutmo Manase aa tlehhaahhiít,

2 WAAWITÁ 24:4

nee sleeme asma inós baraá Yerusalemuro tseerdaá múk dakuús wásl gina ku'uús. Ala AAKOÓ MUNGÚ tlakweemaadá' gaa slaiiká ngiwa gurtlay.

WARA'AMI 106:39

Gawaá adoorihe nari daba' tlakweemiisiyé' as tlehhmi'ii'ín, inooín naa inkihhimu wasleesiyé' dír Munguhe nari fuquusiyé'.

ISAYA 1:21

Gixsarí inkihhimuú koom, adór ira tsaatuso'o tleehhít! Inósadá' sakwasleemár ganaa'a haats, inósadá' hotaá ganaa'á' gira hot, ala hamí aa tsu/utuso'o tleehhít.

ESEKIELI 12:25

Anuú AAKOÓ MUNGÚ kilá' tidá' tlehharuut ngi geerií oó'. Tí ni hardát i baloó tligaká. Kuungá' múk aa dee/anuut qoomár slafingwhunge axweesantí naa káh a boo/eés. Anuú Aakoó MUNGÚ tí aga oó'.»

ESEKIELI 22:2

«Heewí, taa amohhe'ési sakwasleemaro, gixsarí múk tsu/a/iim kawa sakwasleemut? Gimáy, muruuwós kudá' sleémeero aníng i buhhtamís ooeek.

ESEKIELI 22:27

Geeraharuuser'ín baraá gixsaro a adór taweruú makiito'ór /aáy, ta tsu/uut as tiwa kilooín daqaari'itimisiya' ar loohír qoomaaká.

ESEKIELI 22:4

Kiíng a dakuúsár koón, asma tseerdaá muu iga ku'ús. Taa kilók meetagás ar slaqsi'iidaá munguaá hatlá' kudá' taa kilók tlehhít. Deeloorók ar sakwasleema aga kilók tseewés, eeít, deeloorók kaa faár. Gaarí an gár isa haniís tiwa niqimisi nee xoordaá hatlá', nee yaamu sleémeero iwa waaqaqaiya'.

ESEKIELI 22:6

Geeraharuusér Israeli tidá' baraawók i dirii', umuú heewo in tsu/uut ar adór inós i aleeslay.

ESEKIELI 23:37

Inooín nina fuqusiyé' nee naa tsu/uutiyé'. Tsaatu'uuma ngaa tleehhiyé' dír slaqsi'idaá munguaá hatlá', nee na/ii'ín kudá' naa aníng i laqwaaliyé' ngina ilahhooár wa hanisiyé' dír slaqsi'iidá'.

ESEKIELI 23:45

Ala har'ohuusér gan'amuú koom gin sakwasleemút, adór múk fuquuse nee oo tsu/utuuse kir sakwasleemamuuti, asma inooín a fuquuse nee a tsu/utuuse.

ESEKIELI 23:7

Ohola tsaatu'uuma gana tléhh nee waawituú Ashuru sleémeero, inós tiri meetagás ar munguaá slaqsi'iidá' sleémeero awa umuú hhawaatuú aa slai.

ESEKIELI 33:25

«Gawaá adoorihe kibeeto, Anuú Aakoó MUNGÚ a kah, Kuungá' fu'unaay in tseerér al/agá', nee slaqsi'iidaá mungui in sluufmisá', nee tseerdu in tawo ku'umisá', xáy, ka xua' yaamuuká' kingiqo kuungá' i tsuwa haniísi?

ESEKIELI 9:9

Inós iri báy, «Tlakweemaá múk Israeli, nee awa múk Yuda, ki ur ló'wa aleeró. Daanduú yaamu aa haáts tseerdaá muko, nee baraá gixsaro heé gan'amuú tlehhiít i kaahh. Asma ta kaahi, ‹AAKOÓ MUNGÚ yaamu gaa máy, AAKOÓ MUNGÚ i xumisiiká.›

MIKA 3:10

Siyoni kari tlehhé' ar tseerdu Yerusalemu kari tlehhé' ar tlakweema.

SEFANIA 3:3

Geeraharuuseerós baraawose a adór direeraá aahhamiimá', mukdá' kwasleemadaá tlaáq a adór taweruú tsiindo, gár i meetimisiyá' i káhh tam ar niiná.

Rumi 2:5

Ala kuúng muunaáwók kwisíng gawide nee oo hhu'uu'úngw sla'aakahe xarasleemaá Mungú in gawaawók i tlahhmís ay bál sakwasleemár Mungú, baldá' sakwasleemár Mungú ar ganaa' bar kinga geehhooeés.

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.